Muhammad Sayyid Tantoviy - Payg'ambarlar tarixi

PAYG'AMBARLAR TARIXI. Paygambarlar va aziz avliyolar 1.Odam alayhissalom (Adam)1-yer yuzidagi butun insoniyatning otasi, ya'ni Abulbashar; birinchi odam va birinchi payg'ambar; o'n sahifadan ziyod ilohiy oyatlar nozil qilingan; o'z farzandlariga payg'ambarlik qilgan; Tavrotda yozilishicha, 930 yil yashagan. Momo Havvo (Eva) Odam Atoning xotini; butun insoniyatning onasi; Odam Atodan keyin yana 7 yil yashagan. 2. Shis alahissalom (Sif)-Hazrati Odam Atoning Qobil va Hobildan keyingi uchunchi o'g'li; Haq taolo unga 50 sahifalik ilohiy oyatlar nozil qilgan; Odam alahissalomdam keyingi payg'ambar; Tavrot va Injilda yozilishicha, 912 yil yashagan; u haqda Qur'onda oyat kelmagan. 3. Idris alahissalom (Enox)-yer yuziga yuborilgan payg'ambarlarning uchinchisi; Shis alahissalom avlodlaridan; Haq taolo unga 30 sahifadan iborat bo'lganilohiy hukumlar nozil qilgan; Taxminan 365 yoshida tiriklayin osmonga ko'tarilgan; hozirgacha abadiyat jannatida yashaydi. 4. Nuh alahissalom (Noy)-Idris alahissalom chevarasining o'g'li, ya'ni chevarasidan keyingi navarasi (pannevara); miloddan avvalgi 400-yillikdan oldin bo'lib o'tgan Buyuk to'fondan keyin barcha insonlar qirilib ketib, uning uch o'g'lidan-Som, Hom vaYofasdan butun yer yuzi aholisi paydo bo'lgan; shuning uchun ham uni ikkinchi Odam Ato, deb ataydilar; 950 yil yashagan. 5.Hud alahissalom (Xul)-Besh arab payg'ambarlarining brinchisi (Hud, Solih, Ismoil, Shuayb va Muhammad alahissalomlar); Tavrotdagi nomi Xul. U Nuh o'g'li Somning kenja o'g'li Eramning ikkinchi o'g'li bo'lib Nuh alahissalomga evara bo'ladi (Nuh-som-Eram-Hud). Hud alahissalomning qaysi yillarda yashab o'tgani aniq emas. 6. Solih alahissalom- Besh arab payg'ambaridan ikkinchisi; 433 yil umr ko'rgan. Qaysi yillarda yashab o'tganligi noma'lum. Ammo u Hud payg'ambardan keyingi payg'ambar ekanligi ma'lum. U ham Nuh alahissalomning evarasi, (Nuh-Som-Arpahshod-Solih) deguchilar ham bor ammo bu ixtilofli. 7. Ibrohim alahissalom (Avraam)- Miloddan avvalgi 2180 yil tug'ilib, 2005 yili 175 yoshida vafot etgan; o'zidan keyingi barcha payg'ambarlarning otasi va bobokoloni; uchala din ahli-yahudiylar Abrom, nasroniylar Avraam, musulmonlar Ibrohim halilulloh deb hurmat bilan tilga oladilar; to'ng'ich o'g'li Ismoil alahissalom avlodlaridan ikki arab payg'ambari-Shuayb va Muhammad alahissalomlar tug'ilgan; ikkinchi o'g'li Ishoq alahissalomdan keyingi barcha payg'ambarlar, shu jumladan Iyso alahissalom tug'ilgan; Haq taolo unga 10 sahifalik ilohi oyatlar nozil qilgan. 8. Lut alahissalom (Lot)-Ibrohim alahissalomning ukasi Horonning (Aaran) o'g'li, ya'ni Ibrohim alahissalomning jiyani. 9. Ismoil alahissalom (Izmail)-Ibrohim alahissalomning to'ng'ich o'g'li; o'zi va tili ibroniy bo'lsa-da, keyinchalik u arabdan xotin olib, arabchani to'liq o'zlashtirgani uchun, uning avlodlari musta'riba deyiladigan bo'ldi (musta'riba-asli arab bo'lmay, arablikni qabul qilgan kishi degani); uchunchi arab payg'ambari miloddan avvalgi 2094-yili tug'ilib, 2157-yili 137 yoshida vafot etgan. 10.Ishoq alahissalom (Isaak)-Ibrohim alahissalomning ikkinchi o'g'li; avlodlaridan Shauyb va Muhammad alahissalomlardan tashqari barcha payg'ambarlar, jumladan Iyso alahissalom ham tug'ilganlar; Esov va Yoqub degan ikkita o'g'li bo'lgan. Miloddan avvalgi 2080 ...