Iffat barcha a'zolar uchun lozim va har bir a'zoning iffati bor. Tilning iffati behuda so'zlamaslik bo'lsa, ko'zning iffati uni haromdan tiyish bo'ladi. Ammo banda uchun avvalo qalbning iffati lozim. Qalbga Allohdan boshqasi halol emas. Qalb iffatga erishsagina, haqqa tomon yuradi. Iffat shunday ajib bir tuyg'uki, tug'ilajak bolaning iffati onaning iffati qadar bo'ladi.
Ushbu kitobdan ham tarix-o'tmish haqida, ham odobi qalb haqida saboq olamiz. Allohga nazr qilingan Maryam onamizning o'y-xayollari, ularning iffat borasida suhbatlari haqida o'qir ekanmiz, beixtiyor biz ham o'zimizni isloh qilish uchun nafsimizni so'roqqa tutishni boshlaymiz.
