Iliada Dostoni

Iliada Iliada dostoni 15700 misradan iborat juda katta asar. Qadimgi olimlar, Yunon alifbosining soniga qarab, poemani 24 bobga - qo'shiqqa bo'lganlar. Asar voqealari tavsifiga kirishdan oldin, shoir ilhom parisiga murojat qilib, o'z dostoninng bosh mavzui - Axill g'azablarini kuylashda undan madat tilaydi. Poemaning birinchi qo'shig'i shu g'azabning sabablariga bag'ishlangan. O'n yil bo'ladiki Troya urishi hali bir tomonli bo'lgan emas. Shu davr ichida Ilion aholisi Yunonlarga qarshi jiddiy kurashga otlanishdan cho'chib, faqat mudofaa yo'li bilan o'zini himoya qilib keladi, chunki Yunon lashkarlari orasida Fessaliya podshohi Peley va uning xotini - dengiz ma'budasi Fetidaning ug'li Axill ham bor. Yunon paxlavonlaridan birontasi bahodirlikda Axill bilan tenglasha olmaydi. Axill Troyaliklar yuragiga shunchalar vahima solib qo'yganki, shahar darvozasini ochib tashqariga chiqishga ular jur'at etolmaydilar. Troya shaxri ostonalarda lashkargoh qurgan Yunonlar tevarak atrofdagi aholini talash, qiz - juvonlarni asir tushirish bilan ovora. Shunday bosqinchlik paytlardan birida Yunonlar Apollon ibodatxonasining koxini Xrisning qizi Xriseidani asir olib bebaho o'ljani o'z sardorlari Agamemonga tuhfa qiladilar. Ko'p o'tmay Xriseidaning otasi behad - behisob sovg'alar bilan o'z qizini ajratib olish niyatida Yunonlar lashkargohiga keladi. Axill jangga qatnashishdan bosh tortgach, butun omad birdan Troyaliklar tomoniga og'ib ketadi. Ilion podshoxi Priamning o'g'li Parisning akasi zabardast paxlavon Gektor boshchiligida Troya lashkarlari shahar darvozasini ochib tashqariga chiqadilar. Har ikkala tomonning bahodirlar o'rtasida yakama -yakka jang boshlanadi. Birinchi bo'lib urishning bosh aybdorlari - Paris bilan Menelay maydonga chiqadilar. Bu jang urishni uzul - kesil bir yoqli qilish kerak; kimda - kim g'olib chiqsa, go'zal yelena hamda Paris o'g'irlab kelgan qimmatbaho boyliklar o'shaniki bo'ladi. Raqibidan qasos olish alamida o'rtangan Menelayning nayzasi Parisning qalqonini parcha - parcha qilib yuboradi. Sparta podshoxi Troya shaxzodasini joniga qasd qilib, uni sudrab ketayotganida Parisningn mexriboni Afrodita yetib keladi-da, o'z seviklisini qop - qora bulutlarga chulg'ab dast ko'targanicha Troya ichkarisiga, yelenaning yotog'iga qochirib keladi. Biroq taqdirning amriga, Zevsning Fetidagi bergan va'dasiga ko'ra Yunonlarning yengilishi, troyaliklarning g'olib chiqishi lozim edi. Omad birdan Gektor tominiga og'ib, troyaliklarning qo'li balandlashib ketadi. Yunonlar orqaga chekinib, sarosima ichida o'z kemalari tomon qochadilar; troyaliklar gektor boshchiligida ularni izma - iz quvib boradilar, kech kirib qorong'u tushishigina Yunonlar joniga oro kiradi. Toroyaliklar g'alaba gashtini surib, butun tunni shod - xurramlikda o'tkazadilar. Yunon lashkargoxi axllarning kayfiyati aksincha, juda parishon, juda parishon bo'lgan. Gomer ushbu dostonida kurashchan xalq va Axillning jang maydonida olib borgan kurashlarini tasvirlaydi. Dostonning yakunida jang qahramonlarining mardona vafot etishi bilan yakunlanadi. ...