Jahon adabiyoti ma'ruza matni

JAHON ADABIYOTI FANIDAN MA'RUZALAR MATNI Navoiy - 2014 Ushbu kitobcha universitetlar va pedagogika institutlarining filologiya fakulteti 3- kurs talabalariga mo'ljallangan bo'lib, Jahon adabiyoti fanidan ma'ruza matnlarini o'z ichiga olgan. Ma'ruza matnlari A.Alimuhamedovning Chet el adabiyoti (Toshkent, 2007-yil), A.Uzoqov muallifligida chop etilgan MDH xalqlari adabiyoti (Toshkent, 2007-yil) da chop etilgan darslik hamda O.Qayumov va Q.Azizovlarning Chet el adabiyoti tarixi chop etilgan darslik kitoblaridan va O'zROO'MTVning 2008-yil 23-avgustdagi 263-sonli buyrug'i bilan tasdiqlangan namunaviy fan dasturi asosida tayyorlandi. Tuzuvchi: filologiya fanlari doktori A.Xolmurodov Mas'ul muharrir: filologiya fanlari nomzodi S.Q.Jumayeva Taqrizchilar: dotsent M.Farmonova f.f.n. Q.To'xtayeva Ushbu ma'ruza matnlari NDPI O'zbek filologiyasi fakulteti O'quv -uslubiy kengashi (2010-yil 1-sonli majlis) qaroriga asosan nashrga tavsiya etilgan. © Navoiy davlat pedagogika instituti, 2014-yil 2 Mavzu: Kirish. Markaziy Osiyo va Qozogiston xalqlari adabiyoti Reja: 1. MDH xalqlarining adabiyotining maqsad va vazifalari. 2. Tojik va Turkman adabiyotining yirik vakillari. 3. Qozoq va Qirg'iz, Qoraqalpoq adabiyotining ko'p qirraliligi. Adabiyotlar: 1. Maxtumquli. Saylanma. T., 2008. 2. A.Rashidov. Ch.Aytmatovning badiiy olami. T., 2008. 3. A.Uzoqov. MDH adabiyoti. T., 2008. 4. N.Xisrav. Safarnoma. T., 2005. 5. Sa'diy. Bo'ston. T., 2009. Qadimdan Markaziy Osiyo va Qoog'iston tuprog'ida yashab kelayotgan o'zbek, tojik, turkman, qozoq, qirg'iz, qoraqalpoq xalqlari adabiyotni o'z ichiga olgan mazkur guruh iqtisodiy, ijtimoiy, siyosiy taraqqiyotidagi umumiylikdan tashqari, jo'g'rofiy yaxlitlikka ega. Markaziy Osiyo va Qozog'iston xalqlari adabiyotining bir necha xususiyati bor. Avvalo, mazkur xlqlar katta manbaga ega bo'lgan va keyinchalik yozma adabiyotning rivojiga sezilarli darajada ijobiy ta'sir etgan xalq og'zaki ijodiga ega. Ikkinchidan, o'tmishda va hozir ham nasrdan ko'ra nazm adabiyotda yetakchi mavqe egallagan. Shu sababdan nazm va nasr o'zaro uyqash bo'lib ketgan. Uchinchidan, bu adabiyotlar o'rtasidagi o'zaro ta'sir va aloqa ko'p yillik tarixga ega. Ulug' fors-tojik adabiyoti namoyondalari Abulqosim Firdavsiy, Umar Xayyom, Hofiz Sheroziy, Sa'diylarning ijodi O'rta Osiyo xalqlarining boyligi sanaladi. Yoxud, ulug' xalqlar adiblari uchun katta ijod maktabidir. Birgina Gulxaniy, Maxmur, Sadriddin ayniy, Hamza Hakimzoda Niyoziylar fors-tojik va o'zbek tillarida baravar qalam tebratishgan. Sho'ro hukumati o'z tayziqini o'rnatgach, mazkur xalqlarning azaldan shakllanib kelgan an'ana va qadriyatlarga ancha putur yetdi. Mazkur xalqlar adabiyotiga realizm tamoyili va demokratik tendentsiyalar majburlab kiritildi. Aslida sho'roviyy realizm va insonparvarlik yolg'on, soxta, ko'zbo'yamachilikdan boshqa narsa emasdi. Sho'ro hukumati bu xalqlar adabiyotiga «shakllangan milliy, mazmunan sotsialistik» tus berdi. Ayni shu mayoq ostida Hamza, Ayniy, Oybek, Mirzo Tursunzoda, Muxtor Avezov, Sobit Muqanov, Berdi Kerboboev kabi ijodkorlar «Qullar», «Qutlug' qon», «Alisher Navoiy», «Abay yo'li», «Dadil qadam», «Bo'ta ko'z» singari asarlarini yozishdi. Yana bir jihatga to'xtalish jioz. Ulug' «og'a»larimiz ijodiga hamohang tarzda asarlar ...