Kavkaz va Kavkazorti xalqlari adabiyoti

Kavkaz va kavkazorti xalqlari adabiyoti Reja: Nizomiy Ganjaviy Xamsa asarining yuzaga kelishi. S.Vurg'un Absheron romanining tahlili. Shota Rustaveli Yo'lbars terisini yopingan pahlavon dostonida aks ettirilgan davr. Rasul Gamzatov Yuksak yulduzlar she'rlar to'plamining tahlili. Adabiyotlar: .Uzoqov. MDH adabiyoti. T., 2008. 2. N.Dumbadze Abadiyot qonuni. T.: 2009. 3. R.Hamzatov. Mening dog'istonim. T.: 1997. 4. Sh.Rustaveli Yo'lbars terisini yopingan pahlavon. T., 1996. Bu guruhga Kavkaz va kavkazortida yashovchi o'n beshga yaqin xalqlarning adabiyoti kiradi. Ulardan ozarbayjon, arman va gruzin adabiyotlari ko'p asrlik tarixga ega bo'lsa, abxaz, lezgin, kabardin, osetin, qumiq, lak, darg'in kabi xalqlarning yozma adabiyoti nisbatan birmuncha keyin shakllangan. Shunga qaramay, bu adabiyotlar o'rtasida ularning bir-biriga bog'lovchi qadimiy an'analar mavjud. Ozarbayjon hamda qumiq adabiyotlari bilan o'zbek adabiyoti o'rtasida, lak va osetin adabiyotlari bilan tojik adabiyoti o'rtasida ancha mushtarak, o'xshash xususiyatlar bor. Chunki, ular bir tizimdagi qardosh milliy tillarda so'zlashib, Sharq mumtoz adabiyotining qadimiy, boy xazinasidan bahra olganlar. Nizomiy-Ganjaviyning «Xamsa»siga kirgan dostonlar, Shota Rustavelining «Yo'lbars terisini yopingan pahlavon» eposi, Mxitar Gay, Vardan Gayketsi masallari g'oyaviy-badiiy jihatidan yetuk asarlar sifatida o'sha zamondayoq alohida e'tirof etilgan edi. Turli davrlarda Kavkaz va Kavkazorti xalqlari adabiyotida Voqif, Vidodiy, Sayat Nova, David Guramishvili, S.Orbeliani, X.Abovyan, M.Oxundov, G.Arstavi, G.Sandukyan, I.Chavchavadze, E.Ninashvili, A. Sobir, J. Mamatqulizoda, A.Akopyan, A. Sulukidze, Sada, Rasul Gamzatov, M. Dishekov, Ladiko, Xusin Gashokov, A.Shortanov, A.Nishonov, Dmitriy Gulik, Ivan Tarba, Ivan Papaskirilar barakali ijod qilishdi. ...