Sharqiy Slavyan va Moldavan xalqlari adabiyoti

Sharqiy Slavyan va Moldavan xalqlari adabiyoti Reja: Sharqiy Slavyan va boshqa xalqlar adabiyotining yuzaga kelishi. Taras Shevchenko, Lesya Ukrainka va Maksim Rilskiy ijodi. Belorus adabiyoti taraqqiyot davrlari. Yakub Kolas. Petrus Brovka ijodi. Moldavan adabiyoti. Emilian Bukov. Andrey Lupan ijodi. Musa Jalil Maobit daftari to'plamidagi she'rlarni tahlil qilish. Adabiyotlar: 1.A.Uzoqov. MDH adabiyoti. T., 2008. 2.Lesya Ukrainka. Tanlangan asarlar. T., 1992. 3.Yakub Kolas. Zaminovozi. She'rlar. T., 1993. 4.Taras Shevchenko. O'ylarim, siz mening o'ylarim. T., 1992. Sharqiy Slavyanlar Yevropava Osiyo qit'alarida yashovchi slavyan xalqlarining to'rtdan bir qismini tashkil etib, mazkur guruhga kiruvchi rus, ukrain, belorus xalqlarining har biri o'ziga xos, shu barobarida o'zaro juda o'xshash tarixiy taraqqiyot yo'liga, adabiyot va madaniyat tarixiga ega. Bu xalqlarning ota-bobolari, avlod-ajdodlari IX asrdayoq davlat bo'lib uyushgan Kiyev Rusida yashaganlar. Shuning uchun Kiyev Rusidagi xalq og'zaki ijodi va yozma adabiyot ruslarining ham, ukrain va beloruslarning ham adabiy merosi sanaladi. XV asrning oxiri XVI asrning boshlarida markazlashgan Rus davlati yuzaga keldi. Mamlakatda feodal munosabatlar rivoji barobarida rus ukrain va beloruslar xalq bo'lib shakllandilar. XVI asrda mazkur xalqlarda kitob nashr ettirish yo'lga qo'yildi, ukrain va belorusda munozaraviy adabiyot to'la shakllandi. Hattoki, belorus adabiyoti litva xalqining tili va yozuviga ijobiy ta'sir ko'rsatdi. ...