Muhammad Yusufning she'rlari tahlili

DARSNING TEXNOLOGIK XARITASI Darsning rejasi: 1.tashkiliy qism. 2.O'tgan mavzuni takrorlash. 3.Yangi mavzu bayoni. 4.Yangi mavzuni mustahkamlash. 5.O'quvchilarni baholash. 6.Uyga vazifa. Darsning borishi: 1. tashkiliy qism: a) salomlashish b)davomatni aniqlash Sinfda psixologik iqlim yaratish, o'quvchilarni bugungi darsga tayyorlash maqsadida Muhammad Yusufning mashhur va sevimli she'rlari asosida Davom ettir o'yini o'tkaziladi. Bunda shoir she'rlaridan 2-3 qator o'qiladi va o'quvchilar she'rni davom ettirishadilar. She'rni davom ettir Alp o'g'lonlar o'lkasi bu ko'hna Turon, Qalqonlari, qanotlari, ilm istang. Yarim jahon bunyod etgan Sohibqiron, Alisherning avlodlari ilm istang O'zbekka o'xshatish topmoq muammo, O'xshasa o'ziga o'xshaydi o'zbek. Q iyosi yo'q uning, mehri bir daryo, Dunyoda bolam deb yashaydi o'zbek Qushday uchib quchog'ingdan dunyo kezdim, Kezib-kezib topganlarim Sog'inch bo'ldi. Qancha olis ketsam shuncha qadring sezdim, Qayda yursam yodi-mehring ovunch bo'ldi. Aylanayin qora qoshu ko'zingdan-a, O'zingdan qo'ymasin xalqim o'zingdan-a! Oq yo'rgakka o'ragansan o'zing bizni, Oq yuvib, oq taragansan o'zing bizni. Beshigimiz uzra bedor ona bo'lib, Kunimizga yaragansan o'zing bizni. fidoiyng bo'lgaymiz seni, O'zbekiston, Hech kimga bermaymiz seni, O'zbekiston! Bir go'sha suv bo'lsa, bir go'sha qirlar, Qancha yurtni ko'rdim, qancha taqdirlar. Qayga borsam suyab, boshni tik tut deb, Tog'laring boshimdan ergashib yurar. Alhazar, alhazar, ming bor alhazar, Ana, yurishibdi kiyganlari zar. Qodiriyni sotib shoir bo'lganlar- Mehrobingdan chiqqan chayonlaring bor. Qadim yurtga qaytsin qadim navolarim, Qumlar bosib qurimasin daryolarim. Alpomishga alla aytgan momolarim, Ruhini shod etay desang, xalq bo'l, elim. Qizg'aldog'im,qirdan bo'lak kosxonang yo'q, Kokil yoysang, yerdan bo'lak tosh oynang yo'q. O'ksib-o'ksib turganingda, o'zim borib, Pesxonangdan o'pay desam, pesxonang yo'q. Sochimda oq, men bahordan o'tindim, Ko'klamoyim, ko'kingdan ber bir chimdim. Qor qo'ynidan zo'rg'a senga yetindim, Ko'klamoyim ko'kingdan ber bir chimdim. 2.Tarqatmalar asosida savol-javob o'tkazish.Xotira mashqi. Bir necha tarqatmalarga sanalar va she'rlar nomlari yozilgan, ularni o'quvchilar izohlab berishadilar. 1954-yil 26-aprel 1985-yil Tanish teraklar Vatanim, Xalq bo'l, elim, Dunyo, O'zbekmomo, 1998-yil 2001-yil 31-iyul Osmonning oxiri, Qora quyosh 1986-1992-yillar 1992-1995-yillar Erka kiyik, Osmonimga olib ketaman, Yolg'onchi yor Ulug'imsan, Vatanim Xalq bo'l, elim 3. Yangi mavzu bayoni: Muhtaram Yurtboshimizning O'zbekiston Xalq shoiri Muhammad Yusuf tavalludining 60-yilligini keng nishonlash to'g'risidagi qarorini eshitib, biz she'riyat muxlislarini juda ham mamnun bo'ldik. Bu hukumatimizning shoir xotirasiga ko'rsatayotgan yuksak ehtiromlaridan dalolat beradi. Muhammad Yusuf she'rlari xalq diliga juda yaqin, ravon, sodda usulda yozilgan bo'lib, dolzarb mavzularni qamrab oladi. Uni faqat she'riyat muxlislari emas, balki qo'shiq shaydolari ham juda e'zozlashadi. Shoir el-yurtga bo'lgan muhabbatini she'rlariga jo etdi. 8-sinf adabiyot darsligida Vatanim, Mehr qolur kabi she'rlari o'rganish uchun berilgan.Vatanim she'rini o'qishdan oldin o'quvchilarga Sevara Nazarxon ijrosidagi Ulug'imsan, Vatanim nomli she'riga aytilgan ...