Imom al-Buxoriy - Al-Jome' as-sahih. 4-jild

Al-Jomi as-sahih. 4-jild ABU ABDULLOH MUHAMMAD IBN ISMOIL AL-BUXORIY AL-JOMI' AS-SAHIH (Isxonarli to'plam) 4-jild Arabchadan ABDULG'ANI ABDULLOH tarjimasi Professor NYe'MATULLOH IBROHIM va shoir MIRZO KYeNJABYeK tahriri ostida Muharrir XOJA BAXTIYoR NABIXON O'G'LI QOMUSLAR BOSh TAHRIRIYaTI 1992 yil Bismillohir rahmonir rahiymi BYeMORLAR VA TIB HAQIDA KITOB 1-bob. Bemorlik kafforati va Olloh taoloning «Kimning qilmishi yomon ersa, jazo tortg'usidir!» degan kalomi sharifi xususida Hazrat Rasululloh sallallohu alayhi va sallamning zavjalari Oisha onamiz raziyallohu anho bunday degan erkanlar: «Musulmon kishiga etadirgan har bir musibat, hattoki badanining biror eriga kirgan tikan ham, uning gunohiga kafforat bo'lg'usidir!». Abu Hurayra raziyallohu anhudan bunday deb naql qiladirlar: «Musulmon kishiga etadirgan har bir mashaqqat - Dard, tashvish, qayg'u, aziyat yohud nochorlik va hattoki (badaniga) kirgan tikan ham, Olloh taolo dargohida uning gunohlariga kafforat bo'lg'usidir!» Abdulloh ibn Kabning otalaridan naql qilishlariga ko'ra, Janob Rasululloh sallallohu alayhi va sallam bunday degan erkanlar: «Mo'min odam shamolda goh egilib, goh qaddini tiklab olg'uvchi sabza giyoh monanddir, munofiq ersa, mo'rtligi sababidan bir qattiq shamoldayoq sinib ketguvchi arz (kedr) yog'ochiga o'xshaydir!» Abu Hurayra raziyallohu anhuning rivoyat qilishlaricha, Janob Rasululloh sallallohu alayhi va sallam bunday debdirlar: «Mo'min odam balo-qa'zolarga toqat etmoqlikda sabza giyoh monanddir. Chunkim, mo'min har tarafdin shamol esganda egilib, so'ng yana qaddini tiklab olg'uvchi sabza giyoh yanglig' balo-qa'zolarga chidab, engilmag'aydir. Fojir (osiy) odam ersa, mo'rt arz og'ochi kabidir, Olloh taolo uni, istasa, birdaniga sindira olur!». Abu Hurayra raziyallohu anhuning rivoyat qilishlaricha, Hazrat Rasululloh sallallohu alayhi va sallam bunday degan erkanlar: «Olloh taolo qaysi bandasiga yaxshilikni ravo ko'rsa, o'shanga biror musibatni yuborgaydir». ww.ziyouz.com kutubxonasi 1 Al-Jomi as-sahih. 4-jild 2-bob. Og'ir kasallik haqida Oisha raziyallohu anho bunday deb aytganlar: «Rasululloh sallallohu alayhi va sallamdek qattiq dardga chalingan odamni ko'rmaganman». Abdulloh ibn Abbos bunday deydilar: «Janob Rasulullohni betob bo'lib qolganlarida ko'rgani bordim. Ul zot juda og'ir dardga chalingan erdilar. Shunda men: «Siz juda og'ir dardga chalinmishsiz, chunkim, Olloh taolo sizga (buning uchun) ikki barobar ko'p savob ato etg'usidir» - deb edim. «Janob Rasululloh menga javoban: «Qaysi bir musulmonning boshiga musibat tushg'aydir, uning gunohlari daraxt yaproqlari yanglig' duv to'kilg'usidir», - dedilar. 3-bob. O'zgalardan ko'ra ko'proq jabr tortg'uvchilar - payg'ambarlar ekanligi haqida Abdulloh (ibn Abbos) rivoyat qiladirlar «Hazrat Rasululloh sallallohu alayhi va sallamning huzurlariga kirdim, og'ir betob bo'lib yotgan edilar. Shunda menga: «To'g'ri, men betob bo'lsam, juda og'ir betob bo'lg'umdir, sizlardan ikki kishiga etgulik dard bir o'zimga yuborilg'usidir», - dedilar. Men: «Chunkim, sizga (buning evaziga) ikki barobar ko'p savob ham berilg'usidir», - deb aytdim. 4-bob. Bemorning holini so'rash ...