Jonathan Swift (1667-1745)

Referat Mavzu: Jonathan Swift Topshirdi: Qabul qildi: Reja: Jonathan Swift haqida Jonathan Swift asarlari Eng mashhur asari Guliverning sarguzashtlari Jonathan Swift (1667-1745-yillar) Jonathan Swift (30-noyabr 1667 tug'ilib - 19-oktabr 1745-yilda vafot etgan) - ingliz va irland yozuvchisi, shoiri. Swift ingliz nasrining eng yuksak namoyondalaridan biri hisoblanadi. Swiftning shoh asari ilk bor 1726-yilda chop etilgan Gulliverning sayohatlari romanidir. Bu asar dunyoning ko'p tilariga, shu jumladan o'zbek tiliga tarjima qilingan. Romanni ko'pchilik bolalar uchun yozilgan deb o'ylaydi. Ammo Gulliverning sayohatlari aslida insoniyat haqida satiradir. Jonathan Swift ilk asarlarini M.B. Drapier, Lemuel Gulliver, Isaac Bickerstaff kabi turli taxalluslar ostida yozgan. Ba'zi asarlarida esa ismini ko'rsatmagan. Jonathan Swift satiralarida siyosat, adabiyot va inson jamiyatiga oid mavzular haqida yozgan. Ijodi Swift 1682-1688 yillarda Dublin universitetining Triniti kollejida tahsil ko'rgan. Ilk asarlari - Vilyam Senkroftga qasida (1690 -yilda) va Kongrivga qasida (1693 -yilda). Kitoblar jangi (1697-yilda) pamfletining davomi Bochka haqida ertak hajviyasi (1704-yilda)da katolik, anglikan va puritan cherkovlari orasidagi kurash parodiya ruhida tasvirlangan. Movutchining xatlari (1723-24-yillarda) va Kamtarin taklif (1729-yilda) pamfletlarida irland xalqi boshidan kechirayotgan zulm qoralangan. Dunyoviy suhbatchilar (1738-yilda), Malaylarga o'gitlar (1745-yilda) kabi hajviyalari ham bor. Swiftning ijodidagi eng muhim va yagona roman - Gulliverning sayohatlari (1-2-jildlar, 1726-yilda) ingliz jamiyatidagi illatlarni fosh etuvchi achchiq satira, o'tkir aybnomadan iborat. Gulliverning xayoliy o'lkalar - liliputlar (mitti odamlar), brobdingneglar (ulkanlar), guigngnmlar (aqlli otlar) mamlakatlariga qilgan sayohatlari bilan bog'liq holda adib real voqelikdagi yangicha munosabatlar, bosqinchilik urushlari, davlat idoralaridagi sotqinlik, sudyalarning adolatsizligi va boshqalarni aks ettirgan. Swift satirasi uning ijodiga xos bo'lgan ma'rifatparvarlik asosida rivojlanib, xususiy va ijtimoiy illatlarni tugatish zarurligini ta'kidlagan gumanistik pafos bilan chambarchas bog'liq. Liliput-ingliz cheklangan(konstitutsiyaviy) monar- xiyaning, «Olamning quvonchi va dahshati» esa ingliz qiro- lining karikaturasi edi.Asardagi «Ulkanlarmamlakati» ning ma'rifatli monarxi esa dono, saxiy . U urushni qoralovchi, san'atni sevuvchi, ilm-fanga homiylik qiluvchi, ayni paytda, aqlli tartib o'rnatishga harakatqiluvchi hamdir. ...