14 fevral Zahiriddin Muhammad Bobur tavallud topgan kun

ona tili fanidan bir soatlik Dars ishlanmasi Shoh va shoir Mavzu: 14 fevral Zahiriddin Muhammad Bobur tavallud topgan kun. Maqsad: a) Zahiriddin Muhammad Bobur tavalludining 529 yilligi haqida ma'lumot berish. b) Vatanga muhabbat uyg'otish. s) o'quvchilar nutqini rivojlantirish. Dars turi: Yangi bilim beruvchi. Dars metodi: Ko'rgazmali Dars jihozi: test kartochkalar, Bobur portreti, shuningdek, shoir asarlari, uning she'rlaridan, ruboiylaridan yozilgan plakatlar. Darsning borishi: tashkiliy qism: O'quvchilarni darsga tayyorlash. Salomlashish, davomatni aniqlash. ( Madhiya aytiladi ) O'qituvchi: - Qani, bolalar, o'zimizni tanishtiraylikchi: Ona Vatanimiz qayer? Mustaqil O'zbekiston. Tug'ilgan yerimiz. ( Qo'l ko'targan bola tug'ilgan viloyat, tumani, qishlog'i haqida aytadi) O'qiydigan makonimiz? 33-son umumiy o'rta ta'lim maktabi Sinfimiz? 3 A sinfidir. Bolalar, bugun qanday kun? Bugun fevral oyining 12-kuni, dushanba. Hozir qaysi fasl? Kumush qish fasli. Kumush qish haqida she'r bilasizmi? (Bolalardan biri qishni madh etuvchi she'rlardan o'qiydi) Bolalar yakunlangan yilimiz 2011 yil? Kichik biznes va xususiy tadbirkorlik yili. Bu yilni qanday nomladik? 2012 yilni Mustahkam oila yili Istiqlolimizni madh etuvchi she'r bilasizmi? Bolalar, siz maktabga kelganingizdan beri nimalarni o'rgandingiz? Maktabga kelganimizdan beri o'qishni, yozishni, berilgan rasmlar asosida hikoyalar tuzishni o'rgandik. Buyum va narsalar sanog'ini, hisoblash - qo'shish va ayirishni, bo'lish va ko'paytirishni. Ona tabiatni asrash kerakligini tushundik. Odob-axloqli bo'lish kerakligini o'rgandik, buning uchun kattalarning nasihatlariga amal qilish lozimligini o'rganyapmiz. Bolalar eng asosiy gapni unutmadingizmi? Yana nimalarni o'rgandingiz? Biz o'z Vatanimizni sevishni o'rgandik. Vatan avlod-ajdodlarimiz, ota-bobolarimiz yashab o'tgan biz tavallud topgan, hayot kechirayotgan diyor ekanligini tushundik. Ofarin bolalar, siz ko'p narsani bilib olibsiz, Bugun siz bilan Vatan sog'inchi bilan yashab o'tgan Shoh va Shoir Zahiriddin Muhammad Bobur tavalludining 529 yilligiga bag'ishlab 14 fevral Zahiriddin Muhammad Bobur tavallud topgan kun mavzusida suhbatlashamiz. Bobur 1483 yil 14 fevralda Andijonda Umarshayx Mirzo xonadodnida tavallud topdi. Saroyda shaxzodalarga munosib ta'lim tarbiya olgan Bobur ota-onasi vafotidan keyin 12 yoshida taxtga o'tirdi. Bobur toju-taxt uchun bo'lgan urushlar tufayli Andijondan chiqib ketib Hindistonda buyuk Boburiylar sulolasiga asos soldi. Hindistonda qudratli saltanat o'rnatdi, davlatning gullab-yashnashiga katta hissa qo'shdi. U o'z umri davomida Boburnoma, Mubayyin ul - zakot, xatti Boburiy, Harb ishi kabi ko'plab nasriy va she'riy asarlar yaratdi. ( Bobur rivoyatlaridan so'raladi ) Shakarpalak sahna ko'rinishi o'quvchilar tomonidan namoyish etiladi. Avtor - Gulzoda Mirzo Bobur - Boburbek Dehqon - Vohidjon Bobur haqida she'r o'qiladi. Bobur Hindistonda shoh bo'lsada, bir umr vatanni, uning tuprog'ini, bag'ri keng odamlarini sog'inib yashaydi. Yodingizda tuting, begona yurtlar hech qachon o'z vatanimizdek bo'lmaydi. Mustahkamlash: Darsga faol qatnashgan o'quvchilar rag'batlantiriladi va baholanadi. Uyga vazifa: Bobur rivoyatlaridan yod olish. ...