Badiiy obraz, xarakter, tip modulini o'qitishda o'yin texnologiyalaridan foydalanish

Badiiy obraz, xarakter, tip modulini o'qitishda o'yin texnologiyalaridan foydalanish mavzusidagi BITIRUV LOYIHA ISHI MUNDARIJA KIRISH…….3 I BOB. BADIIY OBRAZ, XARAKTER, TIP MODULINI O'QITISHNING NAZARIY MASALALARI Badiiy obraz, xarakter, tip moduli taraqqiyotining ustuvor yo'nalishlari……7 1.2.Badiiy obraz, xarakter, tip modulini o'qitishga doir innovatsiyalar va ilg'or xorijiy tajribalar ……17 II BOB. BADIIY OBRAZ, XARAKTER, TIP MODULINING O'QUV-USLUBIY TA'MINOTI 2.1. Badiiy obraz, xarakter, tip modulidan ma'ruza matni …… 2.2. Modul yuzasidan keyslar to'plami, amaliy topshiriqlar, ishlanmalar…… 2.3. Nazorat topshiriqlari va mustaqil ta'lim yuzasidan ko'rsatmalar…… Xulosa…… Foydalanilgan adabiyotlar ro'yxati…… KIRISH Mavzuning dolzarbligi. O'zbekiston Respublikasining mustaqillikka erishishi jamiyat hayotining barcha sohalarini tubdan isloh qilish imkoniyatini yuzaga keltirdi. Shu jumladan, ta'lim jarayoniga zamonaviy pedagogik texnologiyalarni qo'llash dolzarb vazifalardan etib belgilandi. Ta'lim jarayoniga yangi o'qitish texnologiyalari va faol metodlarini qo'llash orqali bo'lajak kadrlarning ijodiy fikrlash, mustaqil qaror qabul qilish, yangi bilimlarni mustaqil egallash qobiliyatini rivojlantirishga erishish mumkin. Chunki, bozor iqtisodiyoti sharoitida faqat mustaqil fikrlash qobiliyatiga ega bo'lgan shaxsgina o'z muammolarini o'zi mustaqil hal qila oladi va jamiyatda o'z mavqeiga ega bo'ladi. Bunday qobiliyat esa ta'lim muassasalarida shakllantiriladi. Birinchi prezidentimiz I.A.Karimov ta'kidlaganlaridek: «Demokratik jamiyatda bolalar, umuman, har bir inson erkin fikrlaydigan etib tarbiyalanadi. Agar bolalar erkin fikrlashni o'rganmasa, berilgan ta'lim samarasi past bo'lishi muqarrar. Albatta, bilim kerak. Ammo bilim o'z yo'liga. Mustaqil fikrlash ham katta boylikdir». Hozirgi paytda Respublikamizda yetuk mutaxassislar tayyorlash sifatini yaxshilash bo'yicha qator pedagogik izlanishlar olib borilmoqda. Bu izlanishlarning aksariyatida pedagog olimlar, amaliyotchi va tadqiqotchilarning diqqat e'tibori o'qitish maqsadi va uning natijalariga erishishga, ta'limni texnologiyalashtirish orqali sifatli o'qitishni tashkil etishga, shuningdek, ilmiy asoslangan zamonaviy o'qitish texnologiyalarini ishlab chiqish va ularni ta'lim-tarbiya jarayoniga joriy etishga yo'naltirilgan. «Ta'lim to'g'risida»gi qonun va «Kadrlar tayyorlash milliy dasturi»ni hayotga tatbiq etish borasida qator ishlar amalga oshirilmoqda. Bu tadbirlar o'z navbatida oliy ta'lim muassasalarida talabalarning kasbiy bilim, ko'nikma va malakalarini shakllantirish uchun zamonaviy o'qitish texnologiyalaridan foydalanib o'quv-tarbiya jarayonini samaradorligi va sifatini oshirish talablarini qo'ymoqda. Tadqiqotlar shuni ko'rsatadiki, an'anaviy o'qitish tizimida ta'lim oluvchining pedagogik ta'sirlar ostida bilim olishi yotadi, bunda talabaning faoliyati faol ijodiy xarakterga ega bo'lmaydi. Turli predmetlarni o'qitishda yangi pedagogik, innovatsion, interfaol texnologiyalari, shu jumladan, o'yin texnologiyalariga asoslangan ta'lim an'anaviy ta'limga qaraganda talabalarni ancha mavzuga qiziqtirishi kun sayin o'z tasdig'ini topmoqda. Yuqoridagi fikrlardan kelib chiqib aytish mumkinki, oliy ta'lim muassasalarida Badiiy obraz, xarakter, tip modulini o'yin texnologiyalari asosida o'qitish talabalarning bilish imkoniyatlarini, ijodiy qobiliyatlarini va amaliy ko'nikmalarini rivojlantirishga, ularning mustaqil fikr yuritishini yanada oshirishga xizmat qiladi. Bitiruv loyiha ishining maqsadi. Mavzu bo'yicha chuqur va atroflicha bilim berish, ularda obraz, xarakter, tip ...