Abdulla Qahhor hikoyalarida ma'naviy - axloqiy muammolarning qo'yilishi

Abdulla Qahhor hikoyalarida ma'naviy-axloqiy muammolarning qo'yilishi mavzusidagi BITIRUV MALAKAVIY IShI RYeJA: KIRISh I BOB. Abdulla Qahhor hikoyalarida ma'naviy-axloqiy muammolar va obrazlar talqini Abdulla Qahhorning To'yda aza hikoyasida shaxs fojeasi talqini Xotinlar hikoyasida inson matonatining ifodasi Mahalla hikoyasida insonlararo mehr-oqibat tuyg'ularining ifodalanishi II BOB. ma'naviyat va ruhiyat uyg'unligi Ayol ma'naviyati bosh masala Sevgi, muhabbat - inson ma'naviyatini belgilovchi muhim omillardan biri XULOSA Kirish Mavzuning dolzarbligi. Adabiyot - xalq mulki. U inson hayotida alohida ahamiyatga ega. Inson bor ekan, adabiyot ham bo'ladi. Adabiyotning o'lmasligini taminlovchi ikkita qudratli omil bor. Ularning biri adabiyotning g'oyat buyuk tarbiyaviy-ma'rifiy ahamiyati bo'lsa, ikkinchisi, uning insonlrga zavq-shavq berish xususiyatiga egaligidir. Zero, inson har qanday davrda, har qanday sharoitda ham busiz yasholmaydi: u doimo tarbiyaga, doimo ma'rifatga muhtoj. Ana shunga ko'ra, tarbiyaviy-estetik ahamiyatga ega bo'lgan yetuk asarlarga zavol yo'q. Ana shunday bezavol asarlari bilan kitobxonlarga ma'naviy-axloqiy tarbiya bera olgan Abdulla Qahhorning o'zbek adabiyotida o'z o'rni bor. A.Qahhor hikoyalarida ifoda etilgan teran fikr, inson qalbi kechinmalari tasviri, ruhiyat tahlilining o'ziga xosligi, zamon uchun dolzarb muammolarni aks ettirganligi va o'ziga xos badiiyati bilan ajralib turadi. Uning «Mayiz emagan xotin», «Xotinlar», «To'yda aza», «Nurli cho'qqilar», «Mahalla» hikoyalarida juda katta ijtimoiy-tarbiyaviy muammolar aks ettirilgan. Malumki, ushbu mahoratli adib haqida shu kungacha ko'plab tadqiqotlar yaratilyo1gan. Lekin A.Qahhor epik asarlarida yozuvchi mahorati, ayniqsa, ma'naviy-axloqiy muammolarning yoritilishi haqida alohida, jiddiy bir tadqiqot ishi zarurligi ushbu BMIning dolzarb mavzuga bag'ishlanganligini asoslaydi. Mavzuning o'rganilganlik darajasi. O'zbek adabiyotshunosligida Abdulla Qahhor asarlari xususida anchagina ishlar amalga oshirilgan. Yozuvchi asarlarining g'oyaviy - mazmuniy jihatidan tahlil etilishi, hikoyalaridagi ma'naviy-axloqiy muammolarning qo'yilishi tanqidchilar tomonidan keng o'rganilgan. Bu borada ayniqsa, O.Sharafiddinov, U.Normatov, U.O'ljaboev, M.Qo'shjonov, V.Smirnova, M.Sultonova va boshqa adabiyotshunos, munaqqidlarning xizmatlari beqiyos. Mazkur olimlarning say - harakati bilan Abdulla Qahhor asarlarining g'oyaviy-badiiy qimmati, estetik ahamiyati hamda yozuvchining o'zbek nasrida, xususan, hikoyanavisligida tutgan o'rni hozir qoniqish bilan aytish mumkinki, o'z bahosini topdi. Abdulla Qahhor shaxsi keng kitobxonlar ommasiga tanishtirildi. Adabiyotshunosligimizda Abdulla Qahhor hayoti va ijodi xususida bir qator ishlar yaratilgan. Mazkur BMI Abdulla Qahhor asarlarining shuhrat topishiga sabab bo'lgan, uning o'ziga xos uslubi bilan bog'liq jihatlar, qahramonlar ruhiyatining betakror ifodalaari yozuvchining zamonaviy mavzudagi hikoyalari va Muhabbat qissasida qay darajada aks etganligi tahlili orqali amalga oshirilganligini o'rganishga bag'ishlangan. BMIning maqsadi va vazifalari. Ushbu BMIning asosiy maqsadi XX asr o'zbek nasrida o'z o'rniga ega bo'lgan yozuvchi Abdulla Qahhor ijodiga qisman nazar tashlash va uning o'ziga xos jihatlri, ma'naviy-axloqiy muammolarning qo'yilishi va badiiyatini «Mayiz emagan xotin», «Xotinlar», «To'yda aza», «Nurli cho'qqilar», «Mahalla» hikoyalari va «Muhabbat» qissasi orqali ko'rib ...