O'tkir Hoshimovning hajviy asarlarida mahorat masalasi

O'tkir Hoshimovning hajviy asarlarida mahorat masalasi mavzusidagi bitiruv malakaviy ishi RYeJA: KIRISh I BOB. O'.HOShIMOVNING ShUMLIK TURKUMIGA KIRGAN HIKOYaLARIDA HAYoTIY ASOS VA BADIIY TALQIN 1.1. O'.Hoshimovning hajviy hikoyalarida uslub 1.2. O'.Hoshimovning hajviy asarlarida badiiylik masalasi II BOB. O'.HOShIMOVNING SATIRIK ASARLARIDA OBRAZLILIK 2.1. Xarakterlar talqinida individuallik 2.2. Personajlar nutqini yaratishda yozuvchi mahorati masalasi XULOSA KIRISh Mavzuning dolzarbligi. XX asr o'zbek adabiyoti, xususan, nasri o'ziga xos tarzda rivojlanib, o'z shakli va mazmuniga ega bo'lganligidan ushbu davrni to'laqonli o'rganishga bo'lgan qiziqish tobora ortib bormoqda. Bunga bu davrda yaratilgan ko'p sonli epik asarlar va ular orasida badiiylik jihatidan o'ziga xos bahoga ega asarlar ham mavjudligini asos sifatida keltirish mumkin. Jumladan,bu davr hikoyanavisligining milliy adabiyotimiz shakllanishidagi o'rnini hisobga olib, ularni ham badiiy adabiyot namunasi qadriyat sifatida o'rganish maqsadga muvofiq ekanligini takidlab o'tish joiz. Mafkuraviy yakkahokimlikdan qutilgan o'zbek adabiyotida erkin ijod qilish, erkin fikr asosida mavjud jarayonga munosabat bildirish kuchayib bormoqda. Shuningdek, o'tayotgan davrda mafkuraviy yetuklikka erishish uchun ham yoshlar ongida millat qahramonlariga etirof va hurmat tuyg'ularini shakllantirish bugungi kun badiiy adabiyotining muhim vazifalaridan bo'lib qolmoqda. Hikoyachilikda ifoda etiladigan teran fikr, inson qalbi kechinmalari tasviri, ruhiyat tahlilining o'ziga xosligi, kechinma va voqelik masalalarini teran idrok etayotgan va bu yo'lda o'z yo'nalishlariga ega bo'lgan yozuvchilarimiz qatorida O'.Hoshimovni ham sanab o'tish joiz. O'.Hoshimov ijodi, uning epik asarlari 50-80 yillar o'zbek adabiyotida o'ziga xos hodisalar hisoblanadi. Uning, «Dunyoning ishlari» qissasi va «Ikki eshik orasi», «Tushda kechgan umrlar» romanlari o'z davri uchun dolzarb muammolarni aks ettirganligi va o'ziga xos badiiyati bilan bugungi kunda ham o'z qimmatini yo'qotmagan. Malumki, ushbu mahoratli adib haqida shu kungacha ko'plab tadqiqotlar yaratilgan. Lekin O'tkir Hoshimovning hajviy asarlarida yozuvchi mahorati yuzasidan alohida, jiddiy bir tadqiqot ishi yaratilmaganligi ushbu BMI ning yuzaga kelishiga sabab bo'ldi. Mavzuning o'rganilish darajasi. O'zbek adabiyotshunosligida har doim ahamiyatli hisoblangan badiiy mahorat hamda uslub masalalari borasida ko'plab tadqiqot ishlari amalga oshirilgani malum. Biz o'rganayotgan yozuvchi O'tkir Hoshimov ijodiga, xususan, nasriy asarlariga bir qator adabiyotshunos olimlar turlicha munosabat bildirishgan. Bu haqdagi ilmiy va tanqidiy qarashlar A.Rasulovning Ardoqli adib, Asror Samadning O'tkir qalam, U.O'ljaboev Zamon talabi va ijodkor masulligi, Ozod Sharafiddinovning Sardaftar sahifalari kabi monografik tadqiqotlarida ishning ayrim qirralari yoritib berilgan va mavzuning ayrim jihatlari o'rganilgan . Tadqiqotning maqsad va vazifalari. Bitiruv malakaviy ishdan ko'zda tutilgan asosiy maqsad O'tkir Hoshimovning hajviy asarlarida yozuvchi mahorati va individualligini masalasini o'rganish, ularni tahlil qilish. Bu masala yechimi quyidagi vazifalarni amalga oshirish tufayli yuzaga chiqadi: hajviy hikoyalarning o'ziga xos jihatlariga etibor qaratish; hajviy hikoyalarda qahramon individualligini aniqlash; hajviy hikoyada ...