Ku'nxoja Ibrayim uli (1799-1880) slayd

Ku'nxoja Ibrayim uli (1799-1880) Tema: Ku'nxoja Ibrayim uli, o'miri ha'm do'retpeleri Sabaq tu'ri: Birlesken sabaq. Sabaqtin' metodi: Mashqalali oqitiw, izlew, taptiriw. Sabaqtin' maqseti: Bilim beriwshilik: - Oqiwshilarg'a Ku'nxoja Ibrayim ulinin' o'miri ha'm do'retiwshiligi haqqinda tu'sinik beriw. Ta'rbiyaliq a'hmiyeti: -Shayir shig'armalarin oqip u'yreniw arqali, o'tken da'wirdin' qiyinshiliqlarin tu'siniw ha'm ha'zirgi da'wirdin' qa'dir - qimbatin biliw. Ata-babalar miyrasina su'yispenshilik sezimlerin oyatiw. Rawajlandiriw: - Oqiwshilardin' oy-o'risin, pikirlew du'nyasin ken'eytiw. O'tmishtegi ata-babalar turmisi ha'm tariyxi menen tamstiriw. Ku'tiletug'in na'tiyje: -Ku'nxoja Ibrayim ulinin' o'miri ha'm do'retiwshiligi boyinsha tiyisli bilim ko'nlikpelerine iye boladi. Ko'rgizbe qurallar: Sabaqliq, shayirdin' qosiqlar toplami, shayir portreti, Qaraqalpaqstan Respublkasinin' kartasi, kespe qag'azlar, qag'azdan islengen gu'ller, alma teregi t.b. Sabaq barisi: Sho'kemlestiriw: (5 min.). Taqtag'a do'n'gelek etip ku'nnin' su'wreti siziladi ha'm oqiwshilarg'a ku'n shiqqannan son' jer betine nur shashatug'inin aytip, mug'allim oqiwshilarg'a soraw taslaydi. Ku'nxoja Ibrayim uli kim? Oqiwshilar Ku'nxoja shayir haqqinda bilgenlerin aytadi, mug'allim ku'nnen nur shig'arip olardi taqtag'a jazip baradi Insan Haqiyqatshil Ustaz Timsalshi Jaziwshi El perzenti Ku'nxoja Tariyxshi Shayir Taza tema: (10 min). 1) Mug'allim Ku'nxoja Ibrayim ulinin' o'mir joli, jasag'an zamani haqqinda mag'liwmatlardi shayir shig'armalannan misallar keltiriw arqali tu'sindirip beredi. Shig'armalarinin' a'hmiyeti, onda da'wir haqiyqatlig'inin' sa'wleleniwi, tematkasi, qosiqlarinin' tiykarg'i ideyasi ha'm mazmunina toliq ha'm ken' tu'rde sholiw jasaydi. 2) Mug'allim oqiwshilardi 5 toparg'a bo'ledi ha'm «Alma pisti» oyinin sho'kemlestiredi (15 min). Toparlarg'a oyinnin' waziypalarin tu'sindiredi. Alma pisti shinigiwi Bul oyinda qatti qag'azdan islengen almanin' artqi ta'repi qizil ren'ge boyaladi. Al bergi ta'repinde sorawlar jazilg'an boladi. Topar oqiwshilari sorawlarg'a izbe-izlik penen juwap bere baslaydi. Duris juwap berse almanin' qizil ta'repi to'n'kerilip, awdarip qoyiladi. Eger juwap bere almay qalsa sol turisinda alma pispey qaladi. Sorawlar 1. Ku'nxoja Ibrayim uli qashan, qay jerde tuwilg'an? Juwap: Ku'nxoja Ibrayim uli 1799-jili Xiywa xanlig'ina qarasli, qaraqalpaqlar arasinda Aral ten'izi jag'alawina jaqin jerde tuwilg'an. 2. Shayir jasinda qanday bala bolg'an? Juwap: Shayir jasinan zeyinli, shaqqan, miynetkesh, bilimge qushtar bala bolg'an. 3. Shayir qaysi qosiqlarinda o'zinin' o'miri haqqinda mag'liwmatlar beredi? Juwap: «Qashan ko'rermen», «Jarimadim», «Ku'n qayda», «O'lim», «Shalqip maqsetli jerge bara almay», «Menin' balam», «A'rmanda», «Balam o'lgende», «Umitpaspan» t.b. qosiqlarinda. 4.Shayir Kimlerdi o'zinin' ustazi dep biledi Bekkemlew: (10 min). Sabaqta «Gu'lteriw» oyinin sho'lkemlestiremen. Bunda 3 topardin' ha'r birine bir qosiqtan tallaw beriledi. Misali: 1-toparg'a «Qashan ko'rermen» qosig'i. 2-toparg'a «Jarimadim» qosig'i. 3-toparg'a «Ku'n qayda» qosig'i. Topar oqiwshilari oylasadi ha'm pikirlerin qag'azg'a jazadi. Son'inan ha'r topardan bir oqiwshi shig'ip, awizeki juwap beredi. Duris juwap bergen oqiwshig'a domalaq tu'rde sog'ilg'an gu'l beriledi. Eger juwap bere almasa gu'l berilmeydi. Usi gu'ller ...