Asbestotsement buyumlar

Asbestotsement buyumlar Reja: Asbestotsement buyumlar. Asbest-tsement buyumlarni ishlab chiqarish Asbest - suvli va suvsiz magniy silikatlari, shuningdek, shu guruhga tegishli natriy silikatlaridan tashkil topgan ingichka tolali, ko'kimtir, yumshoq tabiiy mineraldir. Asbest ikki xil bo'ladi: xrizotil va amfibol. Qurilishda ishlatiladigan asbest-tsement buyumlari uchun, asosan xrizotil asbesti ishlatiladi. Tabiiy holatdagi asbest tolasining diametri 1 mkm. ga teng. Uni mexanik usulda suvda titilgandan keyingi o'rtacha diametri 0,02 mm. ni tashkil etadi. Xrizotil asbest tolasining tabiiy holatdagi cho'zilishga bo'lgan mustahkamligi 300 MPa gacha bo'lishi mumkin (po'lat mustahkamligidan katta). Lekin uni ezib, titilgandan keyin tolalarining mustahkamligi 60- 80 MPa ga kamayadi. Tsement qorishmasiga 10-20 % asbest tolasini qo'shib ishlangan buyumning cho'zilishga hamda egilishga bo'lgan mustahkamligi 3-5 baravar ortadi. Shuningdek, uning zarbga bo'lgan bardoshliligi ham keskin ravishda ko'tariladi. Asbest tolasining yutuvchanligi yuqori bo'lganligi tufayli asbest-tsement qorishmaning qotishi jarayonida u ajralib chiqadigan (Sa(ON)2) va boshqa moddalarni tezda o'ziga singdiradi. Buyumlar tayyorlashda ishlatiladigan asbest 8 nav va 42 mar-kalarda ishlab chiqariladi. Tolalari o'rtacha uzunligining ortishi bilan asbest navi ham ortib boradi. Asbest-tsement buyumlari ishlab chiqarishda asosan kalta uzunlikdagi tolalar ishlatiladi. Bunday asbestning 3, 4, 5 va 6-navlariga tegishli tolalarining uzunligi 0,3 dan 10 mm. gacha bo'lishi mumkin. Ayrim hollarda asbestning 10-15 % ini bazalt tog' jinsi yoki toshqolni eritib olingan mineral paxta bilan almashtirish ham mumkin. Shuning-dek, asbestni tejash maqsadida tsellyuloza tolalari, qog'oz chiqin-disi, yog'och po'stlog'i kabilarni ishlatish mumkin. Bunday tolali ashyolar bilan asbest aralashtirilsa, ularning zarbga bardoshli-ligi 15 %gacha ortadi. Oddiy va rangli asbest-tsement buyumlarini tayyorlashda, asosan, bog'lovchi modda sifatida 400 va 500 markali portlandtsement, buyumlarni bug' qozonida qotirish kerak bo'lsa, qumli portlandtsement, pardozbop asbest-tsement uchun oq yoki rangli tsementlar ishlatiladi. Mineralogik tarkibiga ko'ra, 52 %dan kam bo'lmagan uch kaltsiyli silikat asosidagi portlandtsement ishlatiladi. Uch kaltsiyli alyuminat (S3A) miqdori 8 %dan oshmasligi tavsiya etiladi. Chunki, S3A asbest-tsement buyumi mustahkamligi va sovuqqa chidamliligini kamaytiradi. Tsementning maydalilik darajasini ifodalovchi solishtirma yuzasi 2900-3200 sm2g. dan kam bo'lmasligi lozim. Qumli portlandtsementni olish uchun portlandtsement klin-kerini tuyishda unga 45 %gacha kvarts qumi va gips qo'shiladi, uning solishtirma yuzasi 3200-3600 sm2g dan kam bo'lmasligi kerak. Bunday bog'lovchining ishlatilishi portlandtsement klin-kerini tejashga imkon beradi. Agar asbest-tsement buyumlari eks-truziya usuli bilan tayyorlansa, portlandtsement tarkibidagi tez eruvchan ishqoriy moddalar miqdori 0,3 %dan oshmasligi kerak. Asbest-tsement qorishmasini tayyorlayotganda ishlatiladigan suvda organik moddalar va tuproq aralashmalari bo'lmasligi lozim. Yer osti tuzli suvlari, ko'lmak yoki sizot suvlari ham ishlatilmaydi. Ishlatiladigan suvning sifati istemol suvi darajasida bo'lishi kerak. Asbest-tsement yuqoridagi ashyolardan tashkil topgan qorish-mani maxsus texnologik jarayonda tayyorlab, keyin qotirib ...