Bino va inshootlarning yer ustki qismini barpo etish

Bino va inshootlarning yer ustki qismini barpo etish Reja: Zamonaviy binokorlik qurilish konstruksiyalarini barpo qilish Qurilish konstruksiyalarini montaj qilish usullari Transport jarayonlari Konstruksiyalarni montaj uchun tayyorlash Zamonaviy binokorlik qurilish konstruksiyalarini barpo qilish Sanoatlashgan qurilishda qurilish konstruksiyalari montaji asosiy texnologik jarayon hisoblanadi. Bunga asosiy sabab qurilish konstruksiyalari va buyumlari ishlab chiqarish sanoatning rivojlanganligi, samarali mexanizatsiya borligi, montaj ishlarining potok usulda olib borilishi shuningdek, qurilish jarayonlarini yirik blok va konveerlash usulda olib borilishidir. Montaj ishlari nafaqat yig'ma konstruksiyalardan barpo qilinadigan binolarda, balki to'liq bo'lmagan yig'ma binolarda ham qo'llaniladi. Masalan, g'ishtli binolar poydevori, yopmasi, zinasi v.h.k. Montaj ishlarining salmog'i yildan-yilga ortib borishi bilan birga, montaj qilinadigan tuzilmalar massasini kamaytirish, o'lchamini yiriklashtirish va imkoni boricha zavod sharoitida tayyorlash ishlari olib borilmoqda. Montaj ishlarini olib borish uchun yirik mashina-mexanizmlar saroyi mavjudligi, kransiz usulda montaj qilish usulining qo'llanilishi, qurilishda uchuvchi tayyoralar ishtiroki kabilar montaj ishlarini kompleks mexanizatsiyalash imkonini yaratadi. Qurilish tuzilmalari montaji kompleks texnologik jarayoni deganda - bino va inshootni sinchini alohida qismi va butun binoni barpo qilishdagi barcha operatsiya va jarayonlar kirib ketadi. Qurilish konstruksiyalari montaji quyidagi uchta jarayondan iboratdir: transport jarayonlari - konstruksiyalarni tashib keltirish, tushirish, taxlash, qabul qilib olish; tayyorgarlik jarayonlari - konstruksiyalarni yiriklashtirish, montaj jarayoniga vaqtincha zo'riqtirish, konstruksiyalarga vaqtinchalik ish joyini taominlovchi moslamalarni o'rnatish va konstruksiyalarni montaj uchun uzatib berish; bevosita montaj jarayoni - tuzilmalarni ilmoqlarga ilish, ko'tarib o'rnash joyiga olib borish, o'rnatib, vaqtincha qotirish, to'g'rilash va konstruksiyalarni loyiha holatda doimiy qotirish. Montaj ishlarini «ombordan» va «bevosita transport vositasidan» tashkil qilish mumkin: Ombordan montaj ishlarini tashkil qilishda texnologik jarayon sxemasida ko'rsatilgan barcha operatsiya va jarayonlar qurilish maydonida kechadi. Bevosita transport vositasidan montaj ishlari tashkil qilinganda faqat montaj jarayonigina qurilish maydonida kechadi, qolgan ishlar bevosita konstruksiyani tayyorlagan zavodda bajarilib, tashib olib kelinadi. Quyidagi (rasm 3.1) da montaj texnologik jarayonining sxemasi keltirilgan: Rasm 3.1. Montaj texnologik jarayoni sxemasi Qurilish konstruksiyalarining montaj texnologiyaviyligi deganda - konstruksiyalar massalarini bir-biriga yaqinligi koeffitsenti; binoni bo'linish koeffitsenti (qamrov); konstruksiyalarning yiriklashganlik darajasi; zavodda tayyorlanib kelish holati; montaj tutash qismlarining texnologiyaviyligi tushiniladi. Qurilish konstruksiyalarini montaj qilish usullari Yiriklashganlik darajasi bo'yicha quyidagi usullarga bo'linadi: Mayda elementli - mayda alohida elementlar montaji, bunda ko'p mehnat talab qiladi, tuzilmalar massasi asosan har xilligi uchun kran yuk ko'tarishi va vaqtidan kam foydalaniladi; Elementlar bo'yicha - alohida konstruktiv elementlar (ustun, to'sin, plita v.x.k), ularga tayyorgarlik ishlariga kam mehnat sarflanib sanoat va fuqaro qurilishi tuzilmalarini bevosita transport vositasidan montaj qilish imkonini yaratadi. Blok usulida montaj - alohida konstruktiv elementlarni yassi yoki hajmiy blok xoliga keltirib olingan usul. ...