Turar joy va jamoat binolaridagi qurilish konstruksiyalarining texnik ekspluatatsiyasi

Turar joy va jamoat binolaridagi qurilish konstruksiyalarining texnik ekspluatatsiyasi Reja: Turar-joy va jamoat binolaridagi qurilish konstruksiyalarining texnik ekspluatatsiyasi. Asos va poydevorlarning ekspluatatsiyasi. Poydevor va erto'la devorlarining defektlari va ularning kelib chiqish sabablari. Asosiy defektlar va defektlarni bartaraf etish usullari. Inshootning butun og'irligini qabul qilib oluvchi ostki qismi poydevor deb ataladi. Bu yukni o'ziga oluvchi grunt esa zamin bo'lib xizmat qiladi. Poydevorlar binoning mas'uliyatli qismi hisoblanib, ularga binoning umumiy xizmat muddati ko'p jihatdan bog'liqdir. Zaminlar tabiiy va sun'iy bo'lishi mumkin. Tabiiy asoslar - etarli mustahkamlikka ega bo'lib, ularning yuk ko'tarish qobiliyatlarini kuchaytirishga hojat bo'lmaydi. sun'iy asoslarda yuk ko'taruvchi qatlam zichlash, chaqiqtoshsiz shibbalash va boshqa usullar bilan mustahkamlash amalga oshiriladi. Ashyolarga ko'ra poydevorlar - toshli va betondan bo'lishi mumkin. Konstruksiyasi bo'yicha: tasmasimon va ustunsimon turlari mavjud. Barpo etish usuli bo'yicha: yaxlitquyma, yig'ma va qoziq oyoqli va boshqa usullarga ega. Yirik panelli va yirik blokli binolarning tashqi va ichki devorlari ostidagi poydevorlar yig'ma beton va temir beton unsurlardan yoki qoziqoyoqlarda bajariladi. Yerto'la devorlari yig'ma unsurlardan yoki yaxlitquyma betondan iborat bo'lishi mumkin. Tashqi va ichki devorlar osti poydevorlarning joylanish chuqurligi loyihada belgilanadi. Bino poydevorlari va erto'la devorlarini yer usti suvlaridan namlanishdan muhofaza qilish uchun nishabi binodan, kengligi kamida 0,8 m yo'lkalar hosil qilinadi. Bino devorlarini yer usti suvlaridan kapillyar namlanishdan gidroizolyatsiya qilish orqali muhofaza qilinadi. Gorizontal gidroizolyatsiya gidroizolni mastika bilan elimlash orqali tsokol devori bo'ylab yo'lka - otmostkadan yoki trotuardan 10-15 sm yuqori yoki poydevor ustida bajariladi. Vertikal gidroizolyatsiya qaynoq bitumni surkash orqali bajariladi. Gidroizolyatsiya konstruksiya deformatsiyalanganda yorilmasligi uchun etarli darajada elastik bo'lishi lozim. Poydevor va erto'la devorlaridagi deformatsiya choklarini mastika bilan (rezinobitum aralashmasi, tolali to'ldiruvchililik yengil eruvchan bitum) himoya qilinadi. Zamin va poydevorlarning yuk ko'tarish qobiliyatlarini yo'qolishini keltirib chiqaruvchi asosiy omillar, ularning paydo bo'lish belgilari Zamin va poydevorlarning loyihaviy sharoitlarining o'zgarishi (masalan, bino atrofidan gruntlarning olinishi yoki to'qilish, yer osti suvlari sathining ko'tarilishi yoki pasayishi va shu kabi sabablar natijasida) binoning yuk ko'tarish qobiliyatining pasayishiga, uni notekis cho'qishga yoki sinishga, binoning yer usti qismining buzilishiga olib kelishi mumkin. Poydevorlar sovuqqa bardoshli va chirishga bardoshli ashyolardan bunyod etiladi va trotuar yo'lkasidan gidroizolyatsiya va g'isht termasi balandroq bo'lishi uchun yerdan 10 sm balandroq olinadi, undan ham yaxshisi gidroizolyatsiya qatlamini devorni kapillyar suvlardan himoyalash uchun 20-30 sm yuqoriroq ko'tarish hisoblanadi. Zamin va poydevorlarga ta'sir etuvchi omillarni va ularga bo'lgan me'yoriy talablarni hisobga olgan holda barcha ta'sir etuvchi omillar va poydevorning konstruktiv unsurlarini qoniqtiruvchi shartlar ko'rsatilgan jadval (1 jadval) va struktura chizma tamoyili tuzilgan. (1-rasm) 1-rasm. Poydevor ...