Shahar, qishloq aholi punktlaridagi yer va bino - inshootlar xatlovi

Shahar, qishloq aholi punktlaridagi yer va bino-inshootlar xatlovi Reja: Shahar, qishloq aholi punktlarida xatlov o'tkazish tartibi Shahar, qishloq aholi punktlari chegaralarini aniqlash va belgilash Shahar, qishloq aholi punktlaridagi yer uchastkalarini xatlovdan o'tkazish Shahar, qishloq aholi punktlaridagi bino-inshootlar xatlovini o'tkazish Shahar, qishloq aholi punktlaridagi tarixiy hududlar va bino- inshootlar xatlovini o'tkazish Yer uchastkasiga va bino-inshootlarga bo'lgan muhofaza zonalari xatlovi Shahar, qishloq aholi punktlarida yalpi xatlov o'tkazish Xatlov natijalarini umumlashtirish, ko'rib chiqish, kelishish va tasdiqlash 1. Shahar, qishloq aholi punktlarida xatlov o'tkazish tartibi Ko'chmas mulkni (yer uchastkalarini, bino va inshootlarni) xatlovdan o'tkazish ishlari quyidagi umumiy hollarda amalga oshiriladi: -aholi punktlarini imoratlari bor bo'lgan yangi erlarni ajratib bergan holda rejalashtirish bilan bog'liq ishlarda; -qurilish obyektlarini foydalanishga topshirishda - foydalanish uchun qabul qilinadigan bino va inshootlar barcha elementlarining haqiqiy holati hamda barcha loyiha parametrlaridan chetga chiqishlar to'g'risida to'laqonli ma'lumotlar olish maqsadida; -ko'chmas mulkni boshqarish maqsadida ma'lumotlar bankini yaratishda - hududlar chegaralarida barcha ko'chmas mulk obyektlarini: asosiy (rejaviy) va joriy (so'nggi ma'lumotlarni doim tegishli darajada tutish maqsadida) inventarizatsiyalash ishlari amalga oshiriladi; -ko'chmas mulkni olishga tayyorgarlikda - ayrim konstruksiya va elementlarning jismoniy eskirishi to'g'risida ko'chmas mulk obyektining haqiqiy texnik holati hamda qiymatini belgilash imkoniyatini beruvchi obyektiv ma'lumotlar olish maqsadida; -tabiiy ofatlar, texnogen haloqatlar va faloqatlar oqibatlarini belgilash bilan bog'liq tekshirishlarda - tiklash ishlari loyihalarini tuzish uchun ziyonlar hajmini belgilash maqsadida ayrim bino hamda inshootlarning va ularning konstruktiv elementlarining saqlanganligi yoki zararlanish darajasi (ziyon) haqida muayyan ma'lumotlarni olish uchun; -eski bino va inshootlarni ularning haqiqiy jismoniy ekirishini (ishochliligini) va yuk ko'taruvchi konstruksiyalarning texnik holatini belgilash uchun rejaviy tekshirishlarda, ularni rekonstruksiya qilish, buzib tashlash yoki qayta ixtisoslashtirish masalalarini hal etishda; -barcha bino va inshootlarni ularning qurilish loyihalashining o'zgartirilgan (yangitdan kiritilgan) normalari talablariga muvofiqligini aniqlash yuzasidan rejaviy tekshirishlarda. Shuningdek, yer uchastkalarini, bino va inshootlarni xatlovdan o'tkazish ishlari statistik hisobot maqsadlarida ham o'tkaziladi. 2016-2017 yillar va bundan keyinga davrlarda ko'chmas mulk obyektlarini yalpi xatlovdan o'tkazishda quyidagi asosiy tushunchalardan foydalanilish: yer uchastkasi - yer fondining qayd etilgan chegaraga, maydonga, joylashish manziliga, huquqiy rejimiga hamda davlat yer kadastrida aks ettiriladigan boshqa xususiyatlariga ega bo'lgan qismi; xatlov - ko'chmas mulk obyektlari to'g'risidagi ma'lumotlarni topish va aniqlashga qaratilgan, ularning miqdori, sifati va huquqiy holati to'g'risida axborot olish uchun amalga oshiriladigan kadastr choratadbirlari majmuasi; kadastr yig'majildi - obyektning ko'chmas mulkka bo'lgan huquqlarni shakllantirish, hisobga olish va keyinchalik davlat ro'yxatidan o'tkazish uchun zarur bo'lgan kadastr suratiga olish, texnik xatlovdan o'tkazish va pasportlashtirish, maxsus tekshirish va izlanishlar, sifat va qiymat jihatdan baholash hujjatlari, materiallari va ma'lumotlari jamlamasi; ...