Fermentlarning tibbiyotda qo'llanilishi

MUSTAQIL ISH Mavzu: Fermentlarning tibbiyotda qo'llanilishi Bajardi: Qabul qildi: REJA: Fermentlarning tibbiyotda qo'llanilishi: tibbiyot enzimologiyasining yo'nalishi (enzimopotalogiya, enzimodiagnostika, va enzimoterapiya) va vazifalari. Qon zardobining fermentativ aktivligi: hujayra, sekretor, ekskretor fermentlar. Katalaza fermentining sistematik o'rni. Katalaza fermentining ochilish tarixi Katalaza fermentining tarkibi nimalardan iborat? Katalaza fermenti qayerda ishlab chiqariladi? Katalaza fermentining preparatini olish. Katalaza aktivligiga ta'sir etuvchi omillar. Xulosa Foydalanilgan adabiyotlar Tibbiyot enzimologiyasining yo'nalishlari va vazifalari Hozirgi kunga kelib zamonaviy biologiya va tibbiyot yutuqlari ishonchli dalillar asosida shuni ko'rsatdiki, enzimologiya tili bilan aytganda fermentlarning tibbiyotda qo'llanilish imkoniyatlari cheksiz ko'p bo'lib qoldi. Yangi fan sohalari - tibbiyot biokimyosi va uning yo'nalishi sifatida esa tibbiyot enzimologiyasi paydo bo'ldi. Tibbiyot biokimyosi patogenetik mehanizmlarni bilishda muhim rol o'ynaydi. Bundan ikki asr avval M.V.Lomonosov shunday deb yozgan edi : me -dik kimyoviy bilimlarsiz hech qachon medik bo'lolmaydi. Tibbiyot biokimyosining asosiy vazifasi - hujayradagi metabolik jarayonlardagi o'zgarishlarga sabab bo'luvchi va ularni to'g'irlovchi mehanizmlarni aniqlashdan iborat. Uning muhim sohalaridan biri hisoblangan -tibbiyot enzimologiyasi o'zining maqsad va vazifalariga, maxsus metodologik yo'llar va tadqiqot metodlariga ega. Meditsina enzimologiyasi 3ta asosiy yo'nalishga bo'linadi: enzimopotalogiya, enzimodiagnostika, va enzimoterapiya. Enzimopatologiya - patologiyaning fundamental nazariy asosi hisoblanadi. enzimopatologiya ayrim yoki bir guruh oqsillar funksiyasining yoki sintezining buzilishi bilan bog'liq patologik jarayonlar rivojlanishining molekular asoslarini o'rganadi. Chunki istalgan bir oqsilning organizmda yetishmasligi yoki funksiyasining buzilishi patologiyaga sabab bo'ladi. Enzimopatologiya somatik kasalliklarning sabablarini muvaffaqiyatli hal qiladi. Buning uchun juda ko'p yirik ilmiy markazlar, ilmiy - tadqiqot institutlari yaratildi, ularda turli xil kasalliklar(ateroskleroz, havfli o'sma, revmatroid artrit)ning molekular asoslari kiritildi. Enzimodiagnostika - 2 ta yo'l bilan rivojlanadi. Birinchi yo'li - fermentlar qon zardobi, siydik, oshqozon shirasi va boshqalardagi normal va anormal kimyoviy moddalarni miqdorini aniqlash uchun tanlab oluvchi sifatida qo'llaniladi. Ikkinchi yo'li - kasallik vaqtidagi biologik suyuqliklardagi fermentlar miqdorining o'zgarishini tahlil qiladi. Bundan shu narsa ma'lum bo'ldiki, hujayra parchalanganda qon zardobidagi fermentlar guruhi miqdori oshadi. Shu kungacha kashf etilgan 3500dan ortiq fermentlardan ko'pchiligi odam organizmida uchraydigan va enzimodiagnostikada ko'p qo'llaniladigan fermentlar hisoblanadi. hususan shulardan lipazalar, amilazalar, tripsin, va ximotripsinlar qandli diabetda, xavfli o'smalarda, buyrak kasalliklarida organizmdagi miqdori ortadi. Miokard infarqtida ayniqsa 2 xil aminotransferazalar, kreatinkinazalar va ularning izofermentlari, laktatdegidrogenaza va uning izofermentlari miqdori qon zardobi tarkibida ayniqsa tezda oshib ketadi. Enzimoterapiya - fermentlar va ularning aktivator va ingibitorlarining dori- darmon sifatida qo'llanilishini o'rganadi. QON ZARDOBINING FERMENTATIV AKTIVLIGI. Qon zardobi fermentlari 3 guruhga bo'linadi: hujayra fermentlari: organ va to'qimalardan qonga o'tadi. Sekretor fermentlar: hujayralar ishlab chiqaradi va qonga o'tadi. Va qonda maxsus funksiya bajaradi. Ekskretor fermentlar - ovqat ...