Sug'oriladigan bo'z o'tloqi tuproqlarda tejamkor texnologiyalar asosida paxta hosildorligini oshirish

Sug'oriladigan bo'z o'tloqi tuproqlarda tejamkor texnologiyalar asosida paxta hosildorligini oshirish Mavzuning dolzarbligi 2013-2014 yillarga mo'ljallangan sug'oriladigan erlarning meliorativ holatini yaxshilash va suv resurslaridan oqilona foydalanish haqida Davlat Dasturi maqullangan. Shu sababli qishloq xo'jaligi mahsulotlari ishlab chiqaruvchi fermerlar tejamkor texnologiyalardan biri bo'lgan tomchilatib sug'orishni keng ko'lamda qo'llashga ahamiyat bermoqdalar va bu masala hozirgi kunning dolzarb vazifalaridan birini tashkil qilmoqda. Ishning maqsad va vazifalari Yangidan sug'oriladigan bo'z-o'tloqi tuproqlarda tejamkor texnologiyalar asosida paxta hosildorligini oshirish Tadqiqot ishini olib borish davomida quyidagi vazifalar qo'yildi: Nishon tumanidagi asosiy tuproqlar, ulardagi oziqa elementlar miqdorini aniqlash; tomchilatib sug'orish texnologiyasini o'rganib chiqish; g'o'za hosildorligiga tejamkor texnologiya ta'sirini o'rganishdan iborat. Tadqiqot obyekti va predmeti Tadqiqot obyekti sifatida Qashqadaryo viloyati Nishon tumani Qovchin qishlog'idagi Sho'rtangaz-kimyo majmuasiga qarashli bo'lgan tajriba uchastkasi bo'lib hisoblanadi. Tadqiqotning predmetlari: Qashqadaryo viloyatida tarqalgan bo'z-o'tloqi tuproqlar, g'o'zaning Buxoro-6 navi Tadqiqot natijalarining ilmiy jihatdan yangilik darajasi Ushbu tumanda birinchi marotaba tejamkor texnologiya asosida 3 yil davomida g'o'zaning Buxoro-6 navi etishtirilmoqda. Mamlakatimizda ham tomchilatib sug'orishga katta etibor qaratilmoqda. Bu esa barcha sug'oriladigan maydonlarda tuzilmalarni buzmasdan va yuqori qatlam tuproq fizik-mexanik xossalarini o'zgartirmay, suvni bir xil taqsimlash hisobiga yuqori sifatli sug'orishning texnologik jarayonini yuzaga keltiradi. Shu sababli tejamkor texnologiyalardan samarali foydalanish lozim. Qishloq xo'jaligi ekinlarini sug'orishda quyidagi usullardan foydalaniladi: Yer ustidan sug'orish; yomg'irlatib sug'orish; tuproq ichidan sug'orish; tomchilatib sug'orish; sizot suvlari sathini ko'tarib (subirrigatsiya) sug'orish tuman hosil qilib sug'orish (dispers sug'orish usuli). Tomchilatib sug'orish tizimining texnologik tafsilotlari Hovuz (suv tindirgich): Suv tindirgich hovuzning hajmi - 100-1200 m3. (50÷100 ga) Hovuz turi - beton qoplamali, yer o'zanli (plyonka to'shab), zovurni to'sish yordamida. Vazifasi - suvni yig'ish, tindirish Filtrli nasos stansiya Markasi - tanlanadi (Qarshi tajriba uchastkasidagi KM 200-150-315) Q=315 m3soat. (50÷100 ga) Vazifasi - suvni bosim ostida haydash. Suv o'tkazish qobiliyati - 400 m3soat. (50 ga-2 dona) Filtr turi - qumli, setkali. Qumli filtrdagi qum diametri - 3-3,5 mm. Vazifasi- malum miqdordagi loyqa va begona o't urug'larini o'zida ushlab qoladi. Polietelin plyonka Polietilen plyonka Jizzaxplastmassa va Andijonpolietelin OAJ da ishlab chiqarilmoqda. Eni - 1,45 m. 55 p.mga; Qalinligi - 8 ÷ 12 mikron; Ishlash muddati - 1 yil. Chigit ekish moslamasi (seyalka) Maxsus osma pnevmatik seyalkasi Xitoy xalq Respublikasida BMJ-12 va Namangan MYeXMASh OAJ zavodida ishlab chiqarilgan SNU-8. 50 ga maydona 1 dona seyalka. Ushbu pnevmatik seyalka traktorning uch nuqtali osma mexanizmiga ulanadi, vaakum prinsipida ishlaydi, urug'larni kerakli miqdorda aniq, belgilangan chuqurlikka ekishga mo'ljallangan. Osma pnevmatik SNU-8 seyalkasi chigit va boshqa qishloq xo'jalik ekinlarini plyonka ostiga ekish bilan birga tomchilatib sug'orish ...