Zaharli begona o'tlar

Zaharli begona o'tlar Reja: Zaharli begona o'tlarning botanik xarakteristikasi. Zaharlanish alomatlari. Zaharli begona o'tlarga qarshi kurash choralari. Zaharli begona o'tlarning botanik xarakteristikasi Mamlakatimizning lalmi maydonlaridagi donli ekinlar orasida, yaylovlar va pichanzorlarda turli xil zararli yovvoyi o'tlar o'sadi, Bu o'tlarning urug'i shudgorlash vaqtida tuproqqa chuqur ko'milib ketadi. Shu sababli urug'lari unib chiqish qobiliyatini bir necha yilgacha yo'qotmaydi va yerni qayta yumshatish vaqtida tuproq yuzaga yaqin joylanishi bilan unib chiqadi. Kampirchopon bachkilaydigan o'q ildizli ko'p yillik yirik o'tdir. U O'zbekistondagi lalmikor erlarning dengiz sathidan 400-1100 metr balandlikdagi erlarning deyarlik hammasiga tarqalgan. U tekis va adir erlarda aprelning birinchi yarmida, tog'li tumanlarda aprel oxirida va mayning birinchi yarmida o'sa boshlaydi. Kampirchopon (Trichodesma incanum (Bge.Dc) Kampirchoponning gullari pastki qismidan ochila boshlaydi. Gullash davri may oxiri va iyun boshida (tog'larda iyulda) boshlanib, sentyabrgacha, qaytadan ko'karganlarida esa sovuq tushguncha davom etadi. Guli yirik (diametri 2,5 santimetr), havorang, keng og'izli qo'ng'iroqchaga o'xshaydi va beshta gulbargi bo'ladi. Gullagandan keyin 2-3 hafta o'tgach, urug'i etiladi. Etilgan urug'lar kuzgacha to'kilmaydi. Ko'kmaraz bir yillik o't bo'lib, O'zbekistonning ayniqsa ishlanmaydigan shudgorlarida, partov erlarida, siyrak chiqqan ekin orasida va tariq ekilgan erlarda ko'p o'sadi. Ko'kmaraz may iyun oylarida pastki to'pgul-gajaklaridan boshlab gullaydi, gullash davri uch oygacha davom etadi, gullari oq, mayda; gullari novdalarning o'stki tomonida bir qator bo'lib joylashadi. Ko'kmaraz (tuyaqorin) (Heliotropium lasiocarpum F.et M) Eshakmiya dukkaklilar oilasiga kiradigan ko'p yillik yirik o'tdir. Bu o't ildizdan bachkilab o'sadi va asosan lalmi ekin orasida hamda tog' etagidagi yaylovlarda uchraydi. Urug'i tuxum shaklida, yon tomonlari siqilgan, to'q jigarrang bo'ladi. Eshakmiya (Sophora pachycarpa C.A.M) Eshakmiya birinchi yili poyasi 10 santimetrgacha o'sib, 5-10 barg yozadi, ildizining uzunligi esa bir metrga etadi. Etilgan eshakmiya tik o'sgan, shoxlab ketgan va tuk bilan qoplangan bo'lib, bo'yi 40-60 santimetr keladi. Barglari toq patsimon; 13 juftgacha, uzunchoq va uchi to'mtoq bo'ladi. Achchiqmiya (Sophora alopecuroidea L) Achchiqmiya sug'oriladigan ekin maydonlarida va tekis erlardagi yaylovlarda uchraydi. Achchiqmiyaning eshakmiyadan farqi shuki, uning urug'i och jigarrang bo'lib, eshakmiya urug'idan ikki hissa kichik va ikki yarim hissa yengil bo'ladi Zaharli o'tlarga qarshi kurash choralari Zaharli o'tlarga qarshi kurashish choralarini ko'rish mas'uliyati dehqon, fermer xo'jaliklari rahbarlariga, tuman va viloyat Qishloq va suv xo'jaligi boshqarma boshliqlari, o'simliklarni himoya qilish xizmati xodimlariga, o'simliklar karantin inspekciyasi shuningdek sanitar epedemiologik xizmati xodimlariga yuklangan. Asosiy adabiyotlar: O'simliklar karantining umumiy asoslari fanidan amaliy mashg'ulotlar. Us.ko'rsatma. ToshDAU, 2011. -48 b Sheraliev A., Ulmasbaeva R. -Qishloq xo'jalik o'simliklari ekinlari karantini. (o'quv qo'llanma) «O'qituvchi» nashriyoti. Toshkent, 2007. -37 b Xo'jaev Sh.T. O'simliklarni zararkunandalardan uyg'unlashgan himoya qilishning zamonaviy ...