Turli tuproq sharoitida manzarali o'simliklarni o'stirish

Turli tuproq sharoitida manzarali o'simliklarni o'stirish usullari REJA KIRISH 1-BOB. ADABIYOTLAR SHARHI VA TADQIQOT XUDUDINING TUPROQ-IQLIM SHAROITI. TADQIQOT METODLARI ……. 1.1. Adabiyotlar sharhi ……. 1.2. Tadqiqot xududining tuproq-iqlim sharoiti …… 1.3. Tadqiqot metodlari …… 2-BOB. KO'P YILLIK MANZARALI GULLARNING QARSHI VOHASI SHAROITIDA BIOEKOLOGIK XUSUSIYATLARI …… 2.1. Lileyniklarning bioekologik xususiyatlari, ko'paytirish va parvarishlash qoidalari …… 2.2. Gulsafsarlar, ularning bioekologik xususiyatlari, ko'paytirish va parvarishlash qoidalari …… 2.3. Shoyigullarning bioekologik xususiyatlari, ko'paytirish va parvarishlash qoidalari …… 2.4. Rudbekiya va gaylardiyalarning bioekologik xususiyatlari, ko'paytirish va parvarishlash qoidalari…… 3-BOB. TUPROQ MEXANIK TARKIBINING MANZARALI O'SIMLIKLAR O'SISHI VA RIVOJLANISHIGA TA'SIRI …… XULOSA …… FOYDALANILGAN ADABIYOTLAR RO'YXATI ……. Mavzuning dolzarbligi. O'zbekiston tabiati xilma-xil bo'lib, 4500 ga yaqin o'simlik turlari o'sadi (1). Shunga qaramay boshqa mamlakatlardan keltirilgan o'simliklar turli introduksiya sharoitlarida o'stirilib, ularning bioekologik xususiyatlari o'rganilmoqda va respublikamiz florasi yanada boyitilmoqda (2, 3). Respublikamiz mustaqillikka erishganidan buyon shaharlarimizni ko'kalamzorlashtirishga katta e'tibor qaratilmoqda. Buni Prezidentimiz va Vazirlar Maxkamasi tomonidan chiqarilayotgan obodonlashtirishga doir qator qarorlardan (4, 5), ko'kalamzorlashtirish maqsadida ekiladigan manzarali daraxt, buta va gul turlari sonining oshib borayotganligidan, zamonaviy inshootlar oldida ulardan foydalanib kompozitsiyalar yaratilayotganligidan, yilning qaysi fasli bo'lishidan qat'iy nazar shahar ko'chalarida yashillik xukm surayotganligidan yaqqol кўриш mumkin. Fevral oyi bo'lishiga qaramay yam-yashil gazonlarda doimiy yashil daraxt va butalarning o'sib turgani, margaritka va viola singari bir yillik gullarning qiyg'os ochilib turgani ham bu borada samarali mehnat qilinayotganligidan dalolat beradi. Qarshi sharoitida ko'kalamzorlashtirishda qo'llaniladigan va shu sharoit uchun istiqbolli hisoblangan ko'p yillik manzarali gullar assortimenti juda kam. Oxirgi yillarda Qarshi shahrini ko'kalamzorlashtirishda qo'llaniladigan manzarali ko'p yillik gullar assortimenti sezilarli darajada oshdi. Ko'kalamzorlashtirishda rudbekiya, shoyigul, xrizantema va shu singari ko'p yillik manzarali gullardan samarali foydalanilmoqda. Shuningdek, ko'plab manzarali gullar introduksion sinovdan o'tkazilmoqda va ular orasidan Qarshi vohasi uchun istiqbollilari tanlab olinmoqda. Yangi manzarali gullarni ko'kalamzorlashtirishga kiritishdan avval ular uchun optimal bo'lgan sharoitni aniqlanadi, agrotexnikasi ishlab chiqiladi. Shuningdek, ulardan ko'p miqdorda ekish materialini olish yo'llari o'rganiladi. Introdusentlarning o'sib rivojlanishiga yangi joyning nafaqat iqlimi, balki xududning tuproq sharoiti, xususan, uning kimyoviy tarkibi, fizikaviy xususiyatlari strukturasi, undagi gumus va elementlar miqdori ta'sir ko'rsatadi. Bu qator tadqiqotlarda o'z isbotini topgan (7, 8, 10, 21, 43). Tuproqdagi gumus miqdorining ko'p yoki kamligi o'simlik rivojlanishiga ta'sir ko'rsatadigan yagona tuproq omili bo'lib hisoblanmaydi. O'simlikka tuproqning mexanik tarkibi, undagi mikroorganizmlar, makro va mikroelementlar miqdori va boshqalar ham ta'sir ko'rsatadi. Ko'kalamzorlashtirish maqsadida manzarali gullar ekilayotganda avvalo tuproqqa organik o'g'itlar solish yo'li bilan tuproqdagi gumus miqdorini oshirish choralari ko'riladi. Ammo tuproqning mexanik tarkibi har doim ham hisobga olinmaydi. Buning sabablaridan biri ...