Lolanamolar qabilasi

Lolanamolar qabilasi Lolakabilar sinfchasi Bu sinfcha 20 dan ortiq, qabilani o'z ichiga oladi. Shulardan ayrimlarining oilalari haqida fikr yuritamiz. Lolanamolar qabilasi- Liliales. Qabilaning 9 ta oilasi mavjud bo'lib, ulardan keng tarqalgani Loladoshlardir. Loladoshlar oilasi -Liliaceae Oila vakillari piyoz boshli ko'p yillik o't o'simliklar hisoblanadi. Barglari oddiy, butun qirrali. Gullari mayda yoki yirik, yakka, ba'zan to'pgullarni hosil qiladi. Gulqo'rg'oni oddiy, gultojsimon, gultojbarglari ko'pincha erkin, ba'zan qo'shilgan. Gultojbarglari ayrim vakillarida ikki qavat bo'lib joylashgan Changchilari 6 ta, urug'chisi 1 ta, 3 meva bargchaning qo'shilishidan hosil bo'lgan. Tugunchasi ustki. Mevasi ko'sak. Gul formulasi: Û P3+3 A3+3 G(3) Bu oilaga 45 turkum, 1300 ta tur kiradi. Ular yer yuzining deyarli hamma joylarida, ayniqsa O'rta yer dengizi floristik viloyatlarda tarqalgan. O'rta Osiyo sharoitida ham quyidagi turkumlari uchraydi. 1. Oq guli liliya (Lilum candidum). Ko'p yillik o't. Manzarali o'simlik. 2. Turkiston boychechagi (Ggagea turkestanica). Ko'p yillik o't. Adirliklardagi mayin tuproqlarda o'sadi. 3. Lola turkumiga 120 dan ortiq tur kiradi. Ulardan muhimlari-Greyg lolasi (Tulipa gregii), Turkiston lolasi (T. turkistaniea), Kaufman lolasi (T. ferganica) kabi turlari dasht, tog' va tog' etaklarida o'sadi. Ahamiyati. Oila vakillarini ko'pchiligining gullari chiroyli va hushbo'y hidga ega bo'lganligi uchun manzarali o'simlik sifatida ko'plab ekib o'stiriladi. ...