Diniy ekstremizm va terrorizmga qarshi kurash

Mavzu. «Diniy ekstremizm va terrorizmga qarshi kurash» Reja: 1. Diniy ekstremizm harakatlarini oldini olishning ma'naviy-ma'rifiy asoslari 2. Islom dinining diniy ekstremizmga munosabati 3. Islom mamlakatlarining diniy ekstremizmga ko'rashi 4. O'zbekistonning diniy ekstremizmga qarshi kurashi 5. Yoshlarni diniy ekstremistik harakatlarga qo'shilib qolishlari va uni oldini olish chora-tadbirlari Hozirgi kunda global muammoga aylanib borayotgan xalqaro terrorizm va ekstremizmga qarshi kurashish barcha davlatlarning ichki va tashqi siyosatining muhim yo'nalishlaridan biriga aylanmoqda. Terrorizmni oldini olish va zararsizlantirishda birinchi navbatda moliyaviy manbani qirqish zaruriy hol hisoblanadi. Faqat geroin moddasi bilan savdo qilish sohasini olib ko'rsak quyidagichadir. Masalan, 1 kg geroin Afg'oniston chegarasida 900 AQSH dolloriga teng, O'zbekiston tumanida - 20 00, Toshkentda - 25 00, Moskvada esa - 100 00 AQSH dolloriga teng va hakazo. Bundan keladigan daromadning miqdori katta bo'lganligi uchun yil sayin geroin ekiladigan maydon chet elda ko'paytirilmoqda, jumladan, 2003 yilda geroin ekiladigan maydon 80 00 gektar bo'lgan bo'lsa, 2004 yili bu 120 00 gektarni tashkil etdi. Shuning uchun ekstremizm va terrorizmga qarshi kurash davlatlarining doimiy etiborida bo'lgan muammodir. O'zbekiston Respublikasini bu borada Markaziy Osiyo va chet eldagi mavjud terrorizm, narkobiznes, noqonuniy qurol savdosi kabi qator tahdidlar mavjudligini hisobga olib, o'z ichki va tashqi siyosatini ishlab chiqqan va shunga amal qiladi. Shuningdek, O'zbekiston butun dunyoda xavfsizlikni ta'minlashga qaratilgan barcha xalqaro dasturlarda ishtirok etish bilan ekstremizm va terrorizmga qarshi kurashishda faol qatnashib kelmoqda. Diniy ekstremizm harakatlarini oldini olish faqat bizning mintaqamizdagina emas, balki Sharqdagi islom mamlakatlarida ham jiddiy ahamiyatga molik masala bo'lib qoldi. Masalan, arab sharqini turli davlatlarida islom ekstremizmiga barham berishga oid jiddiy choralar ko'rilgan: -1977 yil 2 iyuldan etiboran Misr Arab Respublikasida barcha diniy-siyosiy partiyalar taqiqlangan. -1980 yil 7 iyulda Suriya Arab Respublikasida «Musulmon birodarlari» partiyasi a'zolarini qatl etish to'g'risida qonun qabul qilingan. -1981 yil 31 martda Iroqda «Islom davati» partiyasi a'zolarini qatl etish to'g'risidagi qonun qabul qilinib, diniy tashkilotlar faoliyati «uy va masjid» doirasida cheklangan. -1981 yil Tunisda mamlakatda islom aqidaparstligi g'oyalarini targ'ib etmaslik hamda maktab va jamoa erlarida dinga xos liboslarni kiyib yurmaslik to'g'risida qonun qabul qilingan. Jazoirda «Siyosat bilan faqat siyosiy arboblar shug'ullanadi» shiori elon qilingan. XX asr oxiriga kelib dunyoda, ayniqsa, uning jo'g'rofiy-siyosiy xaritasida katta o'zgarishlar bo'ldi, yangi-yangi mustaqil davlatlar paydo bo'lib, jahon hamjamiyatiga kelib qo'shildilar. Shu bilan birga, bu asrning oxiri o'ziga xos tarzda diniy qadriyatlarga qaytish davri ham bo'ldi. Respublikamiz mustaqillikka erishganidan keyin xalqimizning ma'naviy va madaniy merosiga, tarixiga munosabat tubdan ijobiy tomonga o'zgardi. Shu bilan birga, Markaziy Osiyoning mustaqillikka erishgan mamlakatlariga islom ta'limoti nomidan ish ...