Yoshlar o'rtasida diniy ekstremistik g'oyalar, missionerlik va prozelitizm tarqalishining oldini olish

Yoshlar o'rtasida diniy ekstremistik g'oyalar, missionerlik va prozelitizm illatlari tarqalishining oldini olish Diniy ekstremizm - jamiyat uchun an'anaviy bo'lgan diniy qadriyatlar va aqidaviy ahkomlarni rad etish va o'z g'oyalarini murosasizlik va zo'rlik bilan targ'ib qilishdir. Terrorizm - Qo'rqitish va zo'ravonlik ishlatishni anglatuvchi ijtimoiy fenomendir. Siyosiy terrorizm muayyan ijtimoiy guruh manfaatlari yo'lida zo'ravonlik (suiqasd, portlatish, garovga olish, beqarorlik keltirib chiqarish, aholi o'rtasida vahima, qo'rquv uyg'otish va h.k.) ishlatish bilan bog'liq. Bugungi kunda terrorchilar o'z g'araz niyatlariga erishish maqsadida odamlardan «qurol» sifatida foydalanmoqda. Tolibon harakati va Al-Qoida guruhi jangarilari tomonidan Pokistonning Xaybar-Paxtunxva viloyatida 2009-2011 yillarda 640 ta maktab portlatilgan. 2012 yilda ushbu hududda 52 ta maktab vayron qilingan. Pirovard natijada ushbu mamlakatlarda yuz minglab bolalar ko'chaga chiqishga qo'rqib, savodsiz bo'lib qolmoqda. Terror yoshlar umriga zavol bo'lmoqda. Afg'oniston va Pokiston hududidagi jangarilarning eng mudhish jinoyatlari o'smir yoshdagi o'g'il va qiz bolalardan o'zini portlatish operatsiyalarda tirik bomba sifatida foydalanishidir. Dog'istonda terrorchilarning nishoni - Vladikavkaz shahridagi marshrut avtobusi Jihodchilar - terror va qo'poruvchilik harakatlari bilan ijtimoiy-siyosiy vaziyatni izdan chiqarish, amaldagi dunyoviy konstitutsion tuzumni ag'darib tashlab, islom amirligi shaklidagi davlat qurishni maqsad qilgan diniy-siyosiy guruhlardir. Salafiylar odamlarning ongi va turmush tarzidan milliy qadriyat, urf-odatlarni siqib chiqarish, shariat ahkomlariga ko'r-ko'rona amal qilishini ta'minlash, amal qilmaganlarga nisbatan qattiq jazo qo'llash kabi xatarli maqsadlarni ko'zlab harakat qilmoqdalar. Mutaassib oqim a'zolarining bosh maqsadlari - jihod, hijrat, shahidlik, kofir bo'lish kabi diniy tushunchalarni soxta talqin qilish orqali yoshlarimizni oilasi va yaqinlarining ta'siridan chiqarish, o'qish yoki ishidan ajratib olish hamda ularni qurolli to'qnashuvlar ketayotgan Afg'oniston yoki Pokiston kabi mamlakatlarga jo'natib, manqurt jangarilarga aylantirishdan iborat. «Jihod» so'zi jiddu-jahd, yani inson o'z maqsadiga erishish yo'lida bor imkoniyatlarini ishga solib, harakat qilishi manosini anglatadi. Darsini o'zlashtirish uchun barcha imkoniyatlarini ishga solib harakat qilayotgan o'smir ilm yo'lida jihod qilmoqda, desa bo'ladi. Hadisda aytiladi: «Bir kishi Rasululloh (s.a.v.) ning huzurlariga jihodga izn so'rab keldi. Shunda unga: «Sening ota-onang bormi?» dedilar. «Ha», dedi. «Bas, ikkovlari (xizmati) da jihod qil!» dedilar». Boshqa hadisda «Jihodning afzali Alloh taoloning zotida havoi nafsingga qarshi jihod qilmog'ingdir», deyilgan. 2013 yil 21 mart kuni Suriyada terrorchilar masjidni portlatishi oqibatida 40 dan ziyod musulmon halok bo'ldi Shuningdek, 21 mart kuni terrorchilarning masjidni portlatishi oqibatida musulmon dunyosidagi yetakchi ulamo Ramazon Butiy halok bo'ldi G'araz maqsadlarni ko'zlayotgan kimsalar hijrat kilmaganlar kofir, kofir yurtda yashash kufr degan soxta davo bilan vatandoshlarimizni aldab, xorijdagi jangarilar tayyorlanadigan markazlarga jo'natishga harakat qilmoqda; Hijrat so'zi lug'atda biror narsadan ajrash, shariatda esa, Payg'ambarimizning Makkani tark etib, Madinaga borishga qiyosan islom dini yo'lida musulmonlarning ...