O'rmonlar, o'simlik dunyosi va hayvonot dunyosidan foydalanish va muhofaza qilishning huquqiy holati

Hayvonot dunyosidan foydalanish va muhofaza qilishning huquqiy holati Reja: Hayvonot dunyosini muhofaza qilish va ulardan foydalanishning huquqiy holatining tushunchasi va xususiyatlari Ov qilish va baliq ovlashni huquqiy tartibga solish Hayvonot dunyosidan foydalanish huquqining bekor bo'lish asoslari Hayvonot dunyosini muhofaza qilishning huquqiy chora-tadbirlari Hayvonot dunyosini muhofaza qilish va ulardan foydalanishning huquqiy holatining tushunchasi va xususiyatlari Hayvonot dunyosi tabiatning bir qismi bo'lib, jamiyatda, inson hayotida katta ekologik va iqtisodiy ahamiyatga ega. Hayvonot dunyosining iqtisodiy ahamiyati nuqtai nazaridan muhim tabiiy resurs, oziq-ovqat mahsulotlari, sanoatbop, texnikaviy va dorivor xom-ashyo va boshqa boyliklar olish manbai ekanligi maolum. Shunday ekan, uni huquqiy ekologik muhofaza qilish juda zarur. Quruqlikda yashovchi hayvonlar butun hayvonlar turining 93%, suv hayyvonlari esa 7% tashkil etadi. Umuman olganda yer yuzida yashovchi hayvonlar turi hatto o'simliklar turiga qaraganda to'rt baravar ko'p bo'lib, taxminan 2 milliondan ortiqdir. Butun jonivorlarning 75% hasharotlarga to'g'ri keladi. Umurtqalilar 35600 tur bo'lib, bularning yarmi baliqlardir. Sut emizuvchilar esa umurtqalilarning 0,1 qismini tashkil qiladi. Maolumotlarga ko'ra keyingi 100-150 yil mobaynida hayvonlarning ko'plab turlari yo'qotilib yuborildi. Masalan, 1800 yilgacha sut emizuvchilarning 33 turi, qushlarning 30 turi yo'q qilingan bo'lsa, undan keyingi 100 yilda 73 tur sut emizuvchi, 124 qushlar batamom yo'qolgan. Keyingi 50 yilda hayvonot dunyosining undan ham ko'proq vakillari yo'q qilib yuborilgan. O'zbekiston Respublikasida mavjud hayvonot dunyosini muhofaza qilish va undan oqilona foydalanish maqsadida O'zbekiston Respublikasi Oliy Majlisining 1997 yil 26 dekabrdagi sessiyasida qabul qilingan «Hayvonot dunyosini muhofaza qilish va undan foydalanish to'g'risida» gi Qonuni katta ahamiyatga ega. Ushbu qonun quruqlikda, suvda, atmosferada va tuproqda tabiiy erkinlik holatida yashaydigan O'zbekiston Respublikasi hududida doimiy va vaqtincha turadigan yovvoyi hayvonlarni, shuningdek ilmiy va tabiatni muhofaza qilish maqsadlarida yarim erkin sharoitida yoki sunoiy yaratilgan yashash muhitida boqilayotgan hayvonot dunyosini muhofaza qilish va ulardan foydalanish sohasidagi munosabatlarni tartibga soladi. Hayvonot dunyosi obyektlari quyidagilardan iborat: kelib chiqishi hayvonlarga mansub bo'lgan organizmlar, yaoni sut emizuvchilar, parrandalar, sudralib yuruvchi hayvonlar, ham quruqlikda, ham suvda yashovchi hayvonlar, baliqlar, umurtqasizlar va ularning populyatsiyalari yovvoyi hayvonlardan tashkil topadigan tabiiy hayvon galalari yoki ularning har qanday to'dalari yovvoyi hayvonlarning kamyob yoki yo'qolib ketish xavfi ostida bo'lgan turlari yovvoyi hayvonlar yashash faoliyatining mahsulotlari Hayvonot dunyosini muhofaza qilish va undan foydalanish sohasida davlat boshqaruvini olib borilishi ham katta ahamiyatga ega. Hayvonot dunyosini muhofaza qilish va undan foydalanish sohasida davlat boshqaruvi O'zbekiston Respublikasi Vazirlar Mahkamasi, O'zbekiston Respublikasi Tabiatni muhofaza qilish qo'mitasi, O'zbekiston Respublikasi Davlat O'rmon qo'mitasi, mahalliy davlat hokimiyati organlari tomonidan ularning vakolatlari doirasida amalga oshiriladi. Yovvoyi hayvonlarga bo'lgan mulkchilik huquqini davlat amalga oshiradi. ...