Adsorberlarni hisoblash

Adsorberlarni hisoblash Reja: 1. Adsorberlarning turlari. 2. Davriy ishlaydigan adsorberlarni hisoblash. 3. Uzluksiz ishlaydigan adsorberlarni hisoblash. 4. Suyuqlikni sochib beruvchi absorberlar. Adsorberlarning turlari. Ish rejimiga ko'ra adsorberlar davriy va uzluksiz bo'ladi. Adsorbent qatlamining harakteriga ko'ra davriy adsorberlar o'zgarmas va mavhum qaynash qatlamli apparatlarga bo'linadi. Uzluksiz ishlaydigan apparatlar esa harakatchan va mavhum qaynash qatlamli bo'lishi mumkin. Misol qilib davriy ishlaydigan vertikal adsorberning chizmasini keltiramiz: 1- taqsimlovchi qurilma; 2- gaz taqsimlovchi tayanch panjara; 3- qobiq; 4- adsorbent qatlami; 5 va 6 - yaxlit muhitning chiqishi va kirishi; 7 va 8 adsorbentni yuklash va tushirish uchun lyuklar; 9 - pastki patrubka; 10 - bug'-gaz aralashmasi chiqadigan patrubka. Qobiq 3 ning ichidagi taqsimlovchi panjara 2 ning ustiga qo'zg'almas adsorbent qatlami 4 mavjud. Gaz aralashmasi patrubka 6 orqali apparatlar kirib, panjara 2 orqali adsorbent qatlamiga tarqaladi. Tegishli komponent gaz fazasidan qattiq yuzaga yutiladi. Tozalangan gaz patrubka 7 yordamida apparatga solinadi, lyuk 8 yordamida esa apparatdan tushiriladi. Desorbtsiya qilish uchun taqsimlovchi qurilma (barbotyor) 1 yordamida o'tkir suv bug'i beriladi. Desorbtsiya paytida adsorbentda yutilgan komponent suv bug'i tarkibiga o'tadi va bug'-gaz aralashmasi sifatida patrubka 10 orqali apparatdan chiqariladi. O'tkir bug'ning qisman kondensatsiyalanishi oqibatida hosil bo'lgan kondensat patrubka 9 orqali apparatdan chiqib ketadi. Davriy ishlaydigan adsorberlarni hisoblash. Bunday apparatlar hisoblanilganda ularning diametri va balandligi topiladi. O'zgarmas qatlamli adsorberning diametri quyidagi tenglama orqali aniqlanadi: bu yerda V- adsorbent qatlamidan o'tayotgan gaz aralashmasi yoki eritmaning hajmi sarfi; ω0 - gaz aralashmasi yoki eritmaning apparatning bo'sh kesimiga nisbatan olingan fiktiv yoki keltirilgan tezligi. Gaz aralashmasi (yoki eritma) ning fiktiv tezligini to'g'ri tanlash muhim ahamiyatga ega. Agar adsorbtsiya jarayonining intensivligi tashqi diffuziyaning tezligi orqali belgilansa, ω0 - ning ortishi bilan adsorbtsiya tezligi ko'payadi, biroq bir vaqtning o'zida oqimni adsorbent qatlami orqali o'tkazish uchun zarur bo'lgan energiya sarfi ortadi. Shu sababdan har bir aniq sharoit uchun ω0 - ning optimal qiymati topiladi. Sanoat miqyosida ning qiymati 0,3 ms dan ortmaydi. Adsorberning balandligini aniqlash adsorbent qatlamining balandligini N ni aniqlash bilan bog'liq. Qatlamning balandligi quyidagi tenglama orqali topiladi: Н = U( τа + τ0 ) Bu yerda U- qatlamdagi bir xil kontsentratsiyali adsorbtsiya fronti (yoki modda o'tkazish zonasi) harakatining tezligi; τа - qatlamning adsorbtsion harakati yoki himoya qilish vaqti; τ0 - qatlamni himoya qilish vaqtining yo'qolishi. Modda o'tkazish zonasining o'zgarmas tezligi moddiy balans tenglamasiga quyidagi ifoda orqali aniqlanadi: Bu yerda C*0 - adsorbtivning oqimdagi hajmiy kontsentratsiyasi Cδ bilan muvozanatda bo'lgan adsorbent qatlamining hajm birligidagi adsorbtivning kontsentratsiyasi; ε - adsorbent qatlamidagi erkin hajmning ulushi. Adsorbtsiya ...