Ekologik turizm

EKOLOGIYA Kirish 1-bob. Ekologik turizmning nazariy va metodologik asoslari 1.1. Ekoturizmni ilmiy va amaliy yo'nalish sifatida o'rganish bo'yicha mavjud ilmiy ishlanmalar tahlili 1.2. Ekoturizm turlari va tarkibiy qismlari 1.3. Ekoturizmning tasniflanishi 1.4. Ekologik turizmning tabiiy geografik jihatlari 2-bob. Namangan viloyatida ekoturistik rayonlar va marshrutlar 2.1. Namangan viloyatining tabiati va ekoturistik imkoniyatlari 2.2. Namangan viloyati hududining ekoturistik rayonlari 2.3. Ekoturistik rayonlarda marshrutlar Xulosa Foydalanilgan adabiyotlar ro'yxati Mavzuning dolzarbligi. Turizm industriyasi o'ziga katta sarmoya va resurslarni mujassamlashtirish bilan bir qatorda mustaqil davlat va jamiyat uchun zarur bo'lgan ma'naviy-ma'rifiy funksiyalarni bajaruvchi iqtisodiyot tarmog'idir. Ekoturizm orqali chet ellik mehmonlar O'zbekistonning boy va betakror tabiati haqidagi tassavurga ega bo'lsalar, O'zbekiston fuqarolari - o'z Vatani bilan yaqindan tanishadilar. Ularda ona yurtiga nisbatan milliy iftixor hamda g'urur tuyg'usini shakllantirish imkoniyatining tug'ilishini aytib o'tishning o'zi kifoyadir. Ekoturizm ilmiy yo'nalish va amaliyot tarmog'idir. Undan tashqari, u turli hil ijtimoiy, iqtisodiy siyosiy, ekologik funksiyalarni bajaradi. Ekoturizmning ilmiy-nazariy asoslarini va uning tabiiy geografik jihatlarini ochib berish, Namangan viloyatining tabiatini ekoturistik imkoniyatlarini aniqlash, tahlil qilish, ulardan oqilona foydalanish yo'llarini ko'rsatish shu kunning dolzarb masalalaridan hisoblanadi. Muammoning o'rganilganlik darajasi Turizmning ekologik yo'nalishi avvalambor amaliy ishlardan boshlangan. 1972 yildan boshlab Skandinaviya mamlakatlari fuqarolariga kitlarni tomosha qilish va o'rganishni tashkil qilish orqali yig'ilgan mablag'ni ularni muhofaza qilish uchun sarflashdan boshlangan. Keyinchalik ekoturistik marshrutlar Yevropaning boshqa mamlakatlari, Osiyo, SHimoliy Amerika davlatlariga yoyilgan. Lekin ekoturizmning yo'lga qo'yilishi XX asrning oxiri va XXI asrning boshlariga to'g'ri keldi, xolos. SHuning uchun hozircha ekoturizmning umume'tirof etilgan nazariyasi va amaliyoti yetarli darajada shakllanmagan. R.Davidov (1990), A.V.Drozdov (199), N.Tuxliev va A.Taksanov (2001), V.V.Xrabovchenko (2003), T.V.Bochkareva (2003), L.I.Egorenkov (2003), A.Taksanov (2005), N.Tuxliev va T.Abdullaeva (2006) kabi tadqiqotchilarning ishlari esa ko'proq ekoturistik marketing, menejment, ta'lim, tarbiya va ekoturlarga bag'ishlangan bo'lib, ularda tabiatga qilinadigan turizm bilan ekoturizm o'rtasida aniq bir chegara o'rnatilmagan. Namangan viloyatida ham hali ekologik turizm va uning rivojlantirish jihatlari to'liq o'rganilmagan. Tadqiqotning maqsad va vazifalari Mazkur tadqiqotning asosiy maqsadi- Namangan viloyatida ekologik turizmning ilmiy asoslarini ishlab chiqish va rivojlantirish jihatlari ochib berishdan iborat. Ushbu maqsadga erishish uchun quyidagi vazifalar hal etildi: √ ekoturizmning obyekti va predmetini aniqlashtirish; √ ekoturizmning Namangan viloyatida hududidagi ekoturlarini tasniflash; √ ekoturizmning tabiiy geografik jihatlarini ochib berish;. √ Namangan viloyati tabiatining (landshaftlarining) ekoturistik imkoniyatlarini tavsiflaydigan muhim omillarni belgilash va ularni xarakterlaydigan ko'rsatkichlarni aniqlash; √ namangan viloyatini ekoturistik jihatdan rayonlashtirish; Tadqiqot obyekti va predmeti Mazkur BMIning tadqiqot obyekti - Namangan viloyatida tabiat yodgorliklari, muhofaza etiladigan tabiiy hududlari va tabiiy komplekslari, bunyod etilgan madaniylashtirilgan obyektlari tanlab olingan bo'lib, ularning ekoturistik ...