Ekologiya sohasida davlat boshqaruvining roli

Ekologiya sohasida davlat boshqaruvining roli Qarshi 2019 yil MUNDARIJA. Kirish3 I BOB. Globallashuv sharoitidaekologik siyosatining nazariy-metodologik asoslari. 1.1 Hozirgi davrda ekologik siyosatning tarixiy zaruriyati, uning demokratik xarakteri va gumanistik mohiyati…7 1.2 O'zbekiston davlati ekologik siyosatining obyektiv asoslari va subyektiv omillari…13 II BOB. O'zbekistonda ekologik muammolarni oldini olishning ijtimoiylashuvi. 2.1 O'zbekistonda ekologik muammolarni oldini olish vazifalariga yangicha yondashuv27 2.2 O'zbekistonda aholi sog'ligi vagenafondini yahshilashga qaratilgan strategik vazifalar39 Xulosa55 Foydalanilgan adabiyotlar ro'yxati58 KIRISH Mavzusining dolzarbligi. O'zbekiston mustaqillik yillarida xalqaro ekologik siyosiy munosabatlarning teng huquqli subyektiga aylandi, o'z siyosatining strategik yo'nalishlari va huquqiy asoslarini takomillashtirdi. Bugungi kunda O'zbekistonda asoratlari jihatidan xalqaro, global xarakterdagi murakkab ekologik, ijtimoiy-iqtisodiy va demografik muammolar kompleksi yuzaga kelgani O'zbekistonda ekologik siyosatni konstruktiv-ratsional tashkillashtirish, institutsional tizimini takomillashtirish usullari, vositalari, yo'llarini ilmiy-nazariy tadqiq etishni taqozo qilmoqda. Mazkur jarayon ijtimoiy falsafaning ham dolzarb muammosi hisoblanib, bu esa uning mahalliy, milliy, hududiy, mintaqaviy va global darajalarda o'zaro bog'liqligini chuqur ilmiy tahlil qilishni talab etmoqda. O'zbekistonda Orol dengizi muammolari bo'yicha Davlat dasturi (1994), Vazirlar Mahkamasining Orolbo'yi genofondini muhofaza qilish xayriya jamg'armasini tuzish haqidagi Qarori (2004), 2015-2018 yillarda Orolbo'yi hududining ijtimoiy-iqtisodiy rivojlantirish Kompleks dasturi (2015), 2017-2021 yillarda O'zbekiston Respublikasini yanada rivojlantirishning beshta ustuvor yo'nalishi bo'yicha Harakatlar strategiyasi beshinchi yo'nalishida aks ettirilgan atrof-tabiiy muhit, aholi sog'lig'i va genofondiga putur yetkazuvchi ekologik muammolarning oldini olish, O'zbekiston Respublikasi Innovatsion rivojlanish vazirligining (PF-5264-son, 29.11.2017) asosiy faoliyat yo'nalishlari b, g, d bandlarida ko'rsatilgan hamda mazkur faoliyatlarga tegishli boshqa me'yoriy-huquqiy hujjatlarda ekologik muammolarning oldini olish vazifalari amalga oshirilmoqda. O'zbekiston Respublikasi Prezidenti Shavkat Mirziyoyev:Markaziy Osiyoda xavfsizlik va barqarorlikni ta'minlash bilan bog'liq muammolar to'g'risida so'z yuritar ekanmiz, mintaqa ekologiyasi va umumiy suv zaxiralaridan oqilona foydalanish kabi muhim masalani chetlab o'tolmaymiz, degan edi. Bunday sharoitda, mamlakatimizda tobora chuqurlashib borayotgan ijtimoiy-siyosiy, huquqiy islohotlar, davlat va jamiyat qurqilishini modernizatsiyalashtirish, demokratiyalashtirish jarayonlari ekologik huquq sohasida yangi ekologik tafakkur, dunyoqarash, e'tiqod, va mafkuraviy postulatlar o'zgarishini, tashkiliy va sifat jihatdan yangi boshqarish madaniyatni taqozo etadi. Bu esa, ekologik huquqiy paradigmalari o'zgarish jarayonlarini chuqur ilmiy tahlil etish mavzuning dolzarbligini belgilaydi. Bitiruv malakaviy ishining maqsadi va vazifalari. Tadqiqotning maqsadi - mamlakatimizda davlat ekologik siyosatining asosiy yo'nalishlarini, ularni amalga oshirish institutsional tizimini tuzilishi hamda vazifalarini tahlil qilish va mintaqada barqaror ekologik vaziyatni shakllantirishning ahamiyatini nazariy asoslab berishdan iborat bo'lsa, vazifalari: Birinchidan, davlat ekologik siyosiy institutsional tizimining demokratik xarakteri va gumanistik mohiyatini tahlil qilish; Ikkinchidan, ekologik siyosatning obyektiv asoslari, subyektiv omillarini aniqlash va samaradorligini baholash; Uchinchidan, ekologik siyosatni harakatlantiruvchi motivlar va mexanizmlarni, ularning asosiy funksiyalarini, jamiyat hayotida tutgan mavqei va ahamiyatini tadqiq etish; ...