Tabiatdan foydalanish iqtisodiyoti fanining ilmiy - nazariy asoslari

Tabiatdan foydalanish iqtisodiyoti fanining ilmiy-nazariy asoslari Reja: Fanning tadqiqot obyekti, maqsadi, Tabiat bilan jamiyat o'rtasida ekologik - iqtisodiy aloqalar va munosabatlarning mazmun va mohiyati. Tabiiy sharoit va tabiiy resurslaridan foydalanishning ekologik va iqtisodiy asoslari. Tabiat-xo'jalik-aholi tizimi 1. Fanning tadqiqot obyekti, maqsadi, Tabiat bilan jamiyat o'rtasida ekologik - iqtisodiy aloqalar va munosabatlarning mazmun va mohiyati. Tabiatdan foydalanish iqtisodi fani tabiiy resurslar va tabiiy sharoit imkoniyatlariini ekspluatatsiya qilishning barcha shakllarini hamda uni muhofaza qilish bo'yicha tadbirlar majmuasi o'rganadigan fandir. Shuningdek, tabiiy resurslarni o'ziga xos xususiyatlari o'rgangan holda, ulardan foydalanishda, ekologik va iqtisodiy mutonosiblikka erishishni targ'ib qiladi. Qayta tiklanadigan resurslarni muntazam tiklab borish, tiklanish davrini hisobga olgan holda foydalanishni tashkil etish, sifatini yaxshilash, muhofaza qilinadigan hududlarni maydonini chet el standartlariga etkazishni tadqiq qiladigan fandir. Tabiatdan foydalanshni tashkil qilishda ekotizmlarni maqsadga muvofiq o'zgartirish, biologik resurslar mahsuldorligini oshirish ulardan rejali va ilmiy jihatdan asoslangan negizda barqaror ravishda rivojlanishni tashkil qilish. Fanning obyekti tabiiy sharoit va tabiiy resurs imkoniyatlaridan ilmiy asoslangan samarali foydalanish mexanizmlarini tashkil qilishdir. Tabiatdan foydalanish jarayonidagi har bir tadbir uni muhofaza qilish jarayoniga mos keluvchi tadbir bilan qo'shib olib borilgandagina tabiiy muhit holatini muntazam tiklab borish, atrof - muhitni ifsoslanishining oldini olish mumkin. Tabiatdan foydalanish, uni muhofaza qilish, qayta tiklash, yaxshilash tadbirlari dialektik jihatdan o'zaro bog'liq tadbirlar bo'lib, ular bir vaqtning o'zida tadbiq etiladigan tadbirlardir. Qisqacha aytganda tabiatdan oqilona foydalanish tushunchasi bu jarayonni to'la qamrab oladi. Tabiiy sharoit va resurslardan foydalanish mintaqalarning tabiiy resurs potentsialining ekspluatatsiya qilishning barcha shakllari va ularni saqlab qolish, muhofaza qilish majmuasidan iborat bo'lib, ular quyidagilarni o'z ichiga oladi: tabiiy resurslarni olish va o'zlashtirish, ularni qayta ishlash, takror ishlab chiqarish; tabiiy resurs potentsialini saqlab qolish jamiyat rivojlanishi asosi bo'lib xizmat qilishi; tabiiy sharoitdan foydalanish va tabiiy muhitni muhofaza qilish. Tabiat katta va murakkab tizim bo'lib, u qator o'zaro bog'liq kosmik, sayyoraviy, ichki sayyoraviy, fizikaviy, kimyoviy, biologik, geografik va boshqa tizimlardan tuzilgan. Ularning har biri esa o'ziga xos va malum elementlar tarkibi, ular o'rtasidagi o'zaro aloqalarning turlari va o'lchamlari bilan xarakterlanadi. Tabiiy tizimlar doimiy harakat va o'zgarishda bo'ladi, ularning har biri o'zining moda va energiya almashuvi turiga ega bo'lib, ularning natijalari ham o'ziga xos xususiyatlarga ega bo'ladi. Odamlarning tabiatdan foydalanishi va xo'jalik faoliyati jarayonida ishlab chiqarish va ijtimoiy tizimlar paydo bo'ladi, inson faoliyati, ishlashi davomida esa modda va energiyaning xo'jalik almashuvi sodir bo'ladi, sanoat va turmush chiqitlari paydo bo'ladi, turli miqyos va miqdordagi xo'jalik birliklari tuzumlari vujudga keladi. Ular ishlab chiqarishni (inshootlar, yo'llar va boshqalar) ijtimoiy (shaharlar, qishloqlar) tizimlarni tashkil ...