Sirdaryo viloyati

8-sinf geografiya darsligi asosida 43-mavzu: 1-ilovadagi jadvaldan viloyat aholisining soni va maydonini aniqlang. Sirdaryo viloyati Mirzacho'lning o'zlashtirilgan qismini o'z ichiga oladi. Viloyatda dehqonchilikka yaroqli yerlar ko'p. Ammo tabiatiga xos ayrim noqulayliklar tufayli dehqonchilikda ko'pgina mehnat, mablag' sarflashga to'g'ri keladi. Tabiatning noqulayliklarini bartaraf etmoq uchun ihota daraxtzorlari barpo etish, yerosti suvlarini zovurlar qazib qochirish va tuproqni yuvib turish talab etiladi. Sirdaryo viloyatida mamlakat aholisining 2,5 foizi yashaydi. Aholi butunligicha sug'oriladigan hududlarda joylashgan. Yangi yerlarni o'zlashtirish maqsadida boshqa viloyatlardan ishchi kuchlari jalb etilgan. Endilikda viloyat o'z ishchi kuchlari bilan to'liq ta'minlangan. Qishloq xo'jaligining asosiy tarmoqlari: paxtachilik, donchilik, poliz chilik, go'sht-sut chorvachiligi. Sanoatning asosiy tarmoqla­ri: elek troenergetika, yengil (paxta tozalash), oziq-ovqat, un-yorma (95-rasm). Viloyat xo'jalik negizini qishloq xo'jaligi tashkil qiladi. Ekin maydonlarining kattaligi jihatidan viloyat Respublikada oldingi o'rinda turadi. Ekin maydonlarining deyarli yarmiga paxta ekiladi. Undan keyingi o'rinlarda don, ozuqa, meva-sabzavot va poliz ekinlari turadi. Guliston va Xovos tumanlarida sabzavot va poliz ekinlari yetishtiriladi. Bog'dorchilik va uzumchilik ham rivojlangan. Viloyatda sanoat zalvori bo'yicha qishloq xo'jaligidan keyin turadi (96-rasm). Bugungi kunda 80 dan ortiq sanoat korxonasi mavjud. Viloyat sanoatining asosini elektr energiya ishlab chiqarish tashkil etadi. Shirin shahridagi Sirdaryo IES, Guliston shahridagi yog'-ekstraksiya zavodi, Yangiyer shahridagi qurilish materiallari va konstruksiyalari kombinati va viloyat paxta tozalash zavodlari yirik sanoat korxonalari hisoblanadi. Viloyatda o'nlab qo'shma korxonalar faoliyat ko'rsatmoqda. Shaharlari. Viloyatda 5 ta shahar bor. Guliston - viloyatning ma'muriy markazi. Shahar temiryo'l va magistral avtomobil yo'li ustida joylashgan. U shahar maqomini olganiga yarim asrdan oshdi. Shaharda paxta tozalash, yog'-ekstraksiya, non zavodlari va elevator ishlab turibdi. Shaharda universitet, bir necha akademik litsey, kasb-hunar kollejlari va boshqa madaniy-maishiy muassasalar bor. Yangiyer 1957-yilda bunyod bo'lgan. Shaharda sopol quvurlar hamda yuqori bosimga chidamli quvurlar ishlab chiqaradigan zavod, temir-beton buyumlari kombinati bor. Kombinat elektrmachtalari, beton tarnov (lotok)lar va unga mo'ljallangan taglik ishlab chiqaradi. Shaharning geografik o'rniga xos noqulayliklar uning rivojlanishiga salbiy ta'sir etmoqda. Sirdaryo viloyati Reja : Sirdaryo viloyati toponimikasi. Sirdaryo viloyati etnografiyasi. Sirdaryo viloyati tarixiy obidalari. Sirdaryo viloyati Sirdaryo viloyati - 1963 yil 16 fevralda tashkil topgan. Maydoni - 5,3 ming km2. Aholisi- 667748 kishi (2003). Tarkibida -9 tuman : Boyovut, Guliston, Mehnat-obod, Mirzaobod, Oqoltin, Sayxun-obod, Sirdaryo, Xovos. Sharof Rashidov. 5 shahar : Guliston, Baxt, Sirdaryo, Shirin, Yangier, 6 ta shaharcha Boyovut, Dehqonobod, Do'stlik, Paxtaobod, Sayxun, Xovos) 75 ta qishloq fuqarolari yig'ini bor (2004). Markazi - Guliston sh. Viloyat umumiy xaritasi Viloyat tarixidan Prezidentimiz ta'kidlaganidek Sirdaryo tarixi dar -haqiqat, 1963 yildan emas balki milloddan oldingi XII asrda dastlab viloyat, so'ngra mulk, ...