Amalga oshirayotgan islohotlarimizni yanada chuqurlashtirish va fuqarolik jamiyati qurish - yorug' kelajagimizning asosiy omilidir

ma'ruzachi: Mahalla xayriya fondi Respublika boshqaruvi rais o'rinbosari Gavhar Alimova Prezident Islom Karimovning O'zbekiston Respublikasi Konstitutsiyasi qabul qilinganining 21 yilligiga bag'ishlangan tantanali marosimdagi Amalga oshirayotgan islohotlarimizni yanada chuqurlashtirish va fuqarolik jamiyati qurish - yorug' kelajagimizning asosiy omilidir nomli ma'ruzasi mazmun-mohiyati, undagi asosiy g'oyalar va ustuvor vazifalarni mahalla faollari va keng jamoatchilik o'rtasida targ'ib qilish bo'yicha MA'RUZA MATNI Mamlakatimizda amalga oshirilayotgan izchil islohotlarning markazida inson va uning baxt-saodati, farovonligi, ma'naviy kamoloti turadi. Mustahkam irodali, o'z e'tiqodiga ega bo'lgan, Vatani, o'z tili, ma'naviyati, madaniyati va milliy qadriyatlari bilan faxrlana olgan shaxsgina mustaqil O'zbekistonimizning kelajagini barpo etishga o'z hissasini qo'shadi. Bugungi kunda O'zbekiston Respublikasining Konstitutsiyasi xalqchil Qomus sifatida mamalakatimizning har bir fuqarosi qalbidan chuqur joy olgan. Negaki, demokratik huquqiy davlatni konstitutsiya va qonunlarsiz tasavvur qilib bo'lmaydi. Bu hayotiy haqiqatni anglagan har bir inson, avvalo, Konstitutsiya va qonunlarni, shu tariqa o'zining haq-huquqlari va burchini yaxshi bilishga intiladi. O'zbekiston Respublikasi Konstitutsiyasi mamlakatimizning tenglar ichra teng bo'lib taraqqiy etishi, shuningdek, fuqarolarning erkinligini ta'minlash va o'zaro totuvligini mustahkamlashda qonuniy asos bo'lib xizmat qilmoqda. O'zbekiston Respublikasi Konstitutsiyasi qabul qilinganining 21 yilligiga bag'ishlangan tantanali marosim (2013 yil 6 dekabr)da Prezident Islom Karimov o'tgan davr mobaynida mamlakatimizda amalga oshirilgan ulkan islohotlar, shuningdek, uzoq va davomli maqsad-vazifalarimizni belgilab olishda 1992 yil 8 dekabrda qabul qilingan Konstitutsiyamiz ishonchli va hal qiluvchi omil bo'lganligini alohida takidlab: Konstitutsiyamiz negiziga qo'yilgan talab va qoidalarga to'liq mos keladigan, dunyo hamjamiyatida o'zbek modeli deb nom qozongan, mamlakatimizni isloh etish va modernizatsiya qilish yo'li naqadar to'g'ri ekanini bugun hayotning o'zi tasdiqlab bermoqda, dedi. ma'ruzada iqtisodiyotimizning barqaror o'sishini ta'minlash, turmush sifatini yaxshilash va jahon hamjamiyatida munosib o'rin egallash borasidagi say-harakatlarimiz bugungi kun nuqtai nazaridan xolisona baholanib, keyingi yillarda mamlakatni ijtimoiy-iqtisodiy rivojlantirish strategiyasi asoslab berildi. Amalga oshirayotgan islohotlarimizni yanada chuqurlashtirish va fuqarolik jamiyati qurish - yorug' kelajagimizning asosiy omilidir Yurtboshimizning ushbu ma'ruzasida mamlakatimizda amalga oshirilayotgan siyosiy va ijtimoiy-iqtisodiy islohotlar negizida demokratik davlat qurishning eng asosiy talabi bo'lmish hokimiyatning qonun chiqaruvchi, ijro etuvchi va sud hokimiyatiga bo'linishi, ular o'rtasidagi munosabatlarda o'zaro tiyib turish va manfaatlar muvozanatini ta'minlaydigan tizim barpo etilgani alohida takidlab o'tildi. Faqatgina biz tanlagan bosqichma-bosqich, tadrijiy rivojlanish yo'li xalqimiz ko'zlagan ezgu niyatlarga erishishga, zamonaviy demokratik talablarga javob beradigan davlat, inson manfaatlari, huquq va erkinliklari eng oliy qadriyat bo'lgan, qonun ustuvorligini ta'minlaydigan jamiyat barpo etishga olib kelishi muqarrar. Buni hayotimizning o'zi bugun isbotlab bermoqda dedi Yurtboshimiz. Yalpi ichki mahsuloti tarkibida sanoatning ulushi ─ 24,3 foizni tashkil etgan O'zbekiston iqtisodiyoti ─ 4,1 barobar o'sgan Yalpi ichki mahsulotining yillik o'sishi 2008-2013 yillarda ...