Ekologiya sohasidagi jinoyatlarni kvalifikatsiya qilish

Ekologiya sohasidagi jinoyatlarni kvalifikatsiya qilish Reja: Atrof-muhitni muhofaza qilish sohasidagi jinoyatlarni kvalifikatsiya qilish masalalari. Tabiatdan foydalanish sohasidagi jinoyatlarni kvalifikatsiya qilish masalalari Ekologiya xavfsizligiga oid normalar va talablarni buzish (O'zR JK 193-moddasi) Tahlil qilinayotgan moddaning bevosita obyekti tabiatdan oqilona foydalanish va atrof muhitni muhofaza qilish yo'li bilan xo'jalik va boshqa faoliyat sohasidagi ekologik xavfsizlikni ta'minlash bo'yicha yuzaga keladigan ijtimoiy munosabatlardir. Atrof muhitning salbiy o'zgarishi, ekologik xavfsizlik norma va qoidalari buzilishidan kelib chiqqan inson sog'lig'i va hayotiga etkazilgan zarar qo'shimcha obyekt bo'lishi mumkin. obyektiv tomondan jinoyat sanoat, energetika, transport, kommunal xizmat, agrosanoat, ilm-fan obyektlari yoki boshqa obyektlarni loyihalash, joylashtirish, qurish va ishga tushirib foydalanish normalari va qoidalarning buzilishida; davlat komissiyalarining a'zolari tomonidan bu obyektlarning normativ hujjatlarda belgilangan qoidalarni buzib qabul qilinishi insonning o'limi, odamlarning ommaviy ravishda kasallanishi, ekologiyaga salbiy ta'sir qiladigan darajada atrof muhitning o'zgarib ketishiga yoki boshqacha og'ir oqibatlarning kelib chiqishiga sabab bo'lishida ifodalanadi. Jinoyat obyektiv tomoning zaruriy belgisi harakat bilan oqibat o'rtasidagi sababiy bog'lanishning mavjudligidir. Jinoyat ekologik xavfsizlik norma va qoidalarini buzishdan yuzaga kelgan oqibat kelib chiqqan vaqtdan boshlab tugallangan hisoblanadi. subyektiv tomondan jinoyat qasddan sodir etiladi. Shaxs ekologik xavfsizlik norma va qoidalarini buzayotganligini anglaydi, ijtimoiy xavfli oqibatlar kelib chiqishi mumkinligiga uning ko'zi etadi, ularning yuz berishiga ongli ravishda yo'l qo'yadi va kelib chiqqan oqibatlarga beparvo munosabatda bo'ladi. Ekologik xavfsizlik norma va qoidalarini buzishning subyekti o'n sakkiz yoshga to'lgan, o'zining xizmat holati bo'yicha atrof tabiiy muhit qoidalari va ekologik xavfsizlik normasiga rioya etilishiga masul mansabdor shaxslar hisoblanadi. Ularga atrof muhitga nisbatan foydalanuvchi yoki tabiiy resurslardan foydalanuvchi yoxud tabiatni muhofaza qilish va undan foydalanish ustidan nazorat qilish funksiyasini bajaruvchi mansabdor shaxslar kiradi. Bundan tashqari, obyektlarni qabul qilish bo'yicha davlat komissiyasi tarkibiga kiruvchi arxitektura-loyiha boshqarmasi, ilm-fan, sanoat korxonalari, qurilish tashkilotlari, kommunal xizmat organlari va mahaliy hokimiyatning mansabdor shaxslari ham jinoyat subyekti bo'lishi mumkin. Atrof tabiiy muhitning ifloslanganligi to'g'risidagi ma'lumotlarni qasddan yashirish yoki buzib ko'rsatish (O'zR JK 194-moddasi) Jinoyatning bevosita obyekti - xo'jalik yurituvchi komplekslarning tegishli tarmoqlarida ekologik xavfsizlikni ta'minlashdan kelib chiqadigan ijtimoiy munosabatlar hamda atrof muhit, o'simlik va hayvonot dunyosidir. Fakultativ bevosita obyekt - inson hayoti va sog'lig'i hisoblanadi. Jinoyatning obyektiv tomoni zararli ekologik oqibatlarni keltirib chiqargan avariyalar va atrof tabiiy muhitning boshqacha tarzda ifloslanganligi haqidagi ma'lumotlarning qasddan yashirilishi va buzib taqdim etilishi natijasida atrof muhitga, inson sog'lig'i va hayotiga hamda hayvonot va o'simlik dunyosiga zarar va shikast etkazishda ifodalanadi. Bunday qilmishlar harakat yoki harakatsizlik oqibatida sodir etilishi mumkin. Jinoyatni tugallangan deb topish uchun, ma'lumotlarni yashirish yoki buzib taqdim etish natijasida sharhlanayotgan ...