Konstitutsiyaning rivojlanish bosqichlari

Konstitutsiyaning rivojlanish bosqichlari KONSTITUTSIYANING RIVOJLANISH BOSQICHLARI Reja: 1. O'zbekistonning Konstitutsiyalarining tarixiy yo'li 2.1917- yildan so'ng o'rta osiyoda vujudga kelgan Respubliklarining huquqiy maqomi 3. Turkiston ASSR konstitusiyasi Xorazm XSSR konstitusiyasi Buxoro XSR konstitutsiyalari 4. O'zbekiston SSR ning 1927, 1937, 1978 yilgi konstitusiyalari. Mamlakatimiz bundan 19 yil oldin o'z mustaqilligini e'lon qilib, tarixiy taraqqiyotning yangi bosqichiga qadam qo'ydi. O'tgan davr mobaynida bosib o'tgan murakkab, ayni paytda sharafli yo'limizga nazar tashlar ekanmiz, Vatanimiz ozodligi naqadar mashaqqatli va tinimsiz kurashlar, xalqimizning qanday og'ir va fidokorona mehnati evaziga qo'lga kiritilgani, mustaqil taraqqiyotimiz davomida amalga oshirgan ishlarimiz, erishgan natijalarimiz beixtiyor ko'z o'ngimizdan o'tadi. Ma'lumki, sobiq sovet tizimi qat'iy markazlashtirilgan holda rejalashtirish va taqsimlash usuliga asoslangan edi. Ana shu tizimga xos bo'lgan illatlar bilan bir qatorda Respublikamiz iqtisodiyotining biryoqlama rivojlanib, xomashyo tayyorlashga yo'naltirilgani, iqtisodiyotga, ekologiya va aholi genofondiga haloqatli ta'sir o'tkazadigan paxta yakkahokimligining misli ko'rilmagan darajaga yetgani o'sha paytda yurtimizdagi vaziyatni jar yoqasiga olib kelib qo'ygan edi. Prezidentimiz Islom Karimov tomonidan ana shu holatlarning barchasi e'tiborga olinib, mustaqillikning ilk kunlaridan boshlab dunyo tajribasini har tomonlama o'rganish asosida mamlakatimizda ijtimoiy yo'naltirilgan bozor iqtisodiyotiga asoslangan ochiq demokratik davlat barpo etish dasturi ishlab chiqildi. Unda milliy urf-odat va an'analarimizni asrab-avaylash va yanada mustahkamlash, umumbashariy qadriyatlarga hurmat bilan munosabatda bo'lish orqali O'zbekistonning jahon hamjamiyati bilan uyg'un va hamohang rivojlanishiga alohida e'tibor qaratildi Davlatimiz rahbari O'zbekistonning 16 yillik mustaqil taraqqiyot yo'li risolasida xalqimiz bosib o'tgan milliy taraqqiyot yo'lini chuqur tahlil etib, bu borada ikki tarixiy davr muhim o'rin tutganini har tomonlama asoslab bergan edi. Avvalo, o'tish davri va milliy davlatchilik asoslarini shakllantirish bilan bog'liq birinchi galdagi islohot va o'zgarishlarni o'z ichiga olgan dastlabki bosqich - 1991 yildan 200 yilgacha bo'lgan davr mamlakatimiz va xalqimiz hayotida beqiyos va ulkan, tom ma'noda tarixiy iz qoldirgan davr bo'ldi. Shu bilan birga, mamlakatimizni faol demokratik yangilash, isloh etish va modernizatsiya qilish davri - 2001 yildan bugungi kungacha bo'lgan muddatni o'z ichiga olgan navbatdagi bosqich esa iqtisodiyotimizni barqaror rivojlantirish, siyosiy hayotimizni, qonunchilik, sud-huquq tizimi va ijtimoiy-gumanitar sohalarni izchil isloh qilish, aholi hayot darajasining muttasil o'sib borishini ta'minlash borasida yanada muhim ahamiyat kasb etdi. Bu xususda so'z borganda, mustaqillik yillarida erishilgan barcha yutuq va marralar - avvalambor, mamlakatimiz iqtisodiyotini isloh etish, erkinlashtirish va modernizatsiya qilish, uning tarkibiy tuzilishini diversifikatsiya qilish bo'yicha o'z vaqtida boshlangan, har tomonlama puxta o'ylangan, uzoq istiqbolga mo'ljallangan siyosatning natijasi ekaniga takror-takror ishonch hosil qilamiz. Yurtimizda o'tgan yillar davomida davlat hokimiyatining qonun chiqaruvchi va boshqa institutsional tizimlari aynan ana shu tamoyillar negizida shakllanib, faoliyat olib ...