Oliy Majlis, Vazirlar Mahkamasi va Sud hokimiyatining faoliyati, vazifalari va mamalakatimizda amalga oshirilayotgan islohotlardagi o'rni

Demokratik davlat va fuqorolik jamiyat qurish nazariyasi va amaliyoti fanidan Mustaqil ish O'zbekiston Respublikasida davlat hokimiyati: Oliy Majlis, Vazirlar Mahkamasi va Sud hokimiyatining faoliyati, vazifalari va mamalakatimizda amalga oshirilayotgan islohotlardagi o'rni Reja: Kirish O'zbekiston Respublikasida davlat hokimiyatini bo'linishi Qonun chiqaruvchi hokimiyat Ijro etuvchi hokimiyat Sud hokimiyati Xulosa Foydalanilgan adabiyotlar Siyosiy sohalardagi muhim vazifalardan biri -qonun chiqaruvchi, ijro etuvchi va sud hokimiyati vakolatlarini ajratish asosida milliy davlatchilikni barpo etish Islom Karimov O'zbekiston o'z mustaqilligiga erishganidan so'ng davlat va davlat organlarida tub o'zgarishlar yuz berdi. O'zbekiston o'z oldiga mustaqil demokratik huquqiy davlat maqsadini qo'ydi va hokimiyatlar bo'linish prinsipi dolzarb masalaga aylandi. Hokimiyatlar bo'linishi - siyosiy va siyosiy bo'lmagan hokimiyatning amal qilish mexanizmi va prinsipial sharti hisoblanadi. Hokimiyatning bo'linish prinsipi demokratik huquqiy davlat qurishning zaruriy sharti bo'lib, O'zbekiston ham shunga amal qiladi. Qonun chiqaruvchi hokimiyat O'zbekiston Respublikasi Oliy Majlisi oliy davlat vakillik organi bo'lib, ayni paytda hokimiyatning qonun chiaruvch organi hisoblanadi. Uning qonun chiqarish faoliyati, o'z ahamiyatiga ko'ra , u amalga oshiradigan boshqa vakolatlardan ustun turadi. O'zbekiston Respublikasi Oliy Majlisi ikki palatadan iborat. O'zbekiston Respublikasi Oliy Majlisi Qonunchilik palatasi va Senatining birgalikdagi vakolatlari quyidagilardan iborat: 1) O'zbekiston Respublikasining Konstitutsiyasini qabul qilish, unga o'zgartish va qo'shimchalar kiritish; 2) O'zbekiston Respublikasining konstitusiyaviy qonunlarini, qonunlarini qabul qilish, ularga o'zgartish va qo'shimchalar kiritish; 3) O'zbekiston Respublikasining referendumini o'tkazish to'g'risida va uni o'tkazish sanasini tayinlash haqida qaror qabul qilish; 4) O'zbekiston Respublikasi ichki va tashqi siyosatining asosiy yo'nalishlarini belgilash hamda davlat strategik dasturlarini qabul qilish; 5) O'zbekiston Respublikasi qonun chiqaruvchi, ijro etuvchi hamda sud hokimiyati organlarining tizimini va vakolatlarini belgilash; 6) O'zbekiston Respublikasi tarkibiga yangi davlat tuzilmalarini qabul qilish va ularning O'zbekiston Respublikasi tarkibidan chiqishi haqidagi qarorlarni tasdiqlash; 7) boj, valyuta va kredit ishlarini qonun yo'li bilan tartibga solish; 8) O'zbekiston Respublikasi Vazirlar Mahkamasining taqdimiga binoan O'zbekiston Respublikasining Davlat byudjetini qabul qilish va uning ijrosini nazorat etish; 9) soliqlar va boshqa majburiy to'lovlarni joriy qilish; 10) O'zbekiston Respublikasining ma'muriy-hududiy tuzilishi masalalarini qonun yo'li bilan tartibga solish, chegaralarini o'zgartirish; 11) tumanlar, shaharlar, viloyatlarni tashkil etish, tugatish, ularning nomini hamda chegaralarini o'zgartirish; 12) davlat mukofotlari va unvonlarini tasis etish; 13) O'zbekiston Respublikasi Prezidentining vazirliklar, davlat qo'mitalari va davlat boshqaruvining boshqa organlarini tuzish hamda tugatish to'g'risidagi farmonlarini tasdiqlash; 14) O'zbekiston Respublikasi Markaziy saylov komissiyasini tuzish; 15) O'zbekiston Respublikasi Prezidentining taqdimiga binoan O'zbekiston Respublikasi Bosh vaziri nomzodini ko'rib chiqish va tasdiqlash; 16) O'zbekiston Respublikasi Oliy Majlisining Inson huquqlari bo'yicha vakili va uning o'rinbosarini saylash; 17) O'zbekiston Respublikasi Hisob palatasining hisobotini ko'rib ...