O'zbekiston Respublikasi - mustaqil davlat

Name of presentation O'zbekiston Respublikasi - mustaqil davlat 8-sinf O'zbekiston davlati va huquqi asoslari fani 1-mavzu Yurtimizda so'nggi yillarda shunday o'zgarishlar, yangilanishlar yuz bermoqdaki, bu o'zgarishlar shiddatidan, ko'lamidan, olamshumulligidan aql shoshib qoladi. Qisqa davr ichida qad ko'tarayotgan bino va inshootlar, ishga tushirilayotgan zavod va fabrikalar, foydalanishga topshirilayotgan ta'lim va sog'liqni saqlash maskanlari, oromgohlar, sport, san'at, madaniyat maskanlarining barchasi xalq uchun, siz va biz uchun bunyod qilinmoqda. Humo arena So'nggi yillarda, mustaqillikka erishgan davrimizdan keyingi davrda ilk bora mustaqillikning tub mohiyatini anglatuvchi g'oya - inson manfaatlarini davlatimiz faoliyatining markaziga olib chiqish g'oyasi ilgari surildi. Har bir inson erkin, mustaqil hayot kechiruvchi, o'zining imkoniyatlarini, qobiliyatini to'la namoyon qila olishiga barcha sharoitlar muhayyo qilingan joyda yashash, umrguzaronlik qilish insoniyatning azaliy orzusi bo'lib kelgan. Insonning bu orzusi ushalishi, u yashaydigan mamlakat haqiqiy erkin, baxtli hayotni ta'minlab bera olishi uchun ushbu mamlakatda muayyan iqtisodiy-ijtimoiy va siyosiy-huquqiy sharoit mavjud bo'lishi lozim. Inson va huquq erkinliklariga bo'lgan e'tibor eng oliy darajada bo'lmog'i lozim. Chunki inson o'zini mustaqil va baxtli his qila olishi uchun, avvalambor, uning huquq va erkinliklari ta'minlangan bo'lishi shartdir. Har bir jamiyatning asosiy mezoni hisoblangan inson huquqlari xalqaro huquq ning obyеkti sifatida 1948- yilda Inson huquqlari umumjahon dеklaratsiyasi ning qabul qilinishi bilan rasman tan olindi. BMT Bosh Assamblеyasi tomonidan qabul qilingan ushbu hujjatning tarixiy ahamiyati shundaki, unda ilk marotaba dunyo hamjamiyati inson va uning huquqlarini himoya qilishni xalqaro muammo darajasida e'tirof etdi. Mustaqil mamlakatlar qatori O'zbekiston Respublikasi ham muayyan huquq va majburiyatlarga egadir. Bularning ichida eng muhimi va ustuvori mamlakatimiz hududida inson huquq va erkinliklarini ta'minlash, mamlakatimiz fuqarosini tom ma'nodagi erkin va mustaqil shaxsga aylantirishdir. O'zbekiston Respublikasi mustaqil davlat sifatida quyidagi huquqlarga ega: -- daxlsizlik, o'z hududiga va chegarasiga egalik huquqi; -- shaxslarni fuqarolikka qabul qilish va fuqarolikdan mahrum etish huquqi; -- o'z Konstitusiyasi, kodekslari va qonunlarini qabul qilish huquqi; -- qonun chiqaruvchi, ijro etuvchi va sud hokimiyatlarining faoliyatini yo'lga qo'yish huquqi; -- o'z Qurolli Kuchlarini tashkil qilish huquqi; -- xalqaro huquq subyekti sifatida xorijiy mamlakatlar bilan mustaqil ravishda aloqalar o'rnatish huquqi; -- o'z mulkiga egalik, budjet, soliq va moliya tizimlarini tashkil qilish huquqi; -- o'z xazinasi va pul birligi - milliy valutasini joriy qilish huquqi; -- o'z sud tizimini tashkil qilish va sud ishlarini mustaqil yuritish huquqi; -- o'z gerbi, bayrog'i, madhiyasi va poytaxtiga ega bo'lish huquqi; -- davlat tiliga egalik huquqi; -- o'z taraqqiyot yo'lini, o'z nomini, o'z ma'muriy tuzilishini o'zi belgilash huquqi Mustaqil inson dеganda biz o'z yurtida erkin va baxtiyor hayot ...