Prokuratura organlarida ariza shikoyat va murojaatlar bo'yicha ishlashni tashkil qilish

Prokuratura organlarida ariza shikoyat va murojaatlar bo'yicha ishlashni tashkil qilish Reja: Ariza va shikoyatlarni umumlashtirish va tahlil qilish Fuqarolar murojaatlari va xatlar bo'limi to'g'risidagi nizom Prokuratura organlarida ariza, shikoyat va murojaatlar bo'yicha ishlashni tashkil qilish O'zbekiston Respublikasi Bosh prokuror har oyning birinchi juma kuni fuqarolarni shaxsan qabul qilish vaqti ko'rsatib qo'yilgan. Viloyatlar va tuman shahar prokurorlarining ham qabul vaqtlari jadvali prokuratura organlari idoralarining binosiga kirish joyida (ichkarida) ko'rinarli yerga albatta osib qo'yiladi. Bundan tashqari, O'zbekiston Respublikasi Bosh prokuraturasi, Qoraqalpog'iston Respublikasi prokuraturasi, Toshkent shahar, viloyatlar va ularga tenglashtirilgan prokuraturalarda alohida navbatchi prokuror o'z ishidan tashqari navbatchilik kunida prokuratura idoralariga ariza, shikoyat va murojaatlar bilan kelgan fuqarolarni qabul qiladi, ularning ariza va shikoyatlarini prokuratura idorasining tegishli qayd qilish kitobiga qayd etib, arizani mazmuniga ko'ra, tegishli vakolatli prokuror orqali arizani hal qiluvchi prokuratura xodimiga etkazadi. Tuman (shahar) prokuraturalarida prokurorning o'zi bevosita kun bo'yi qabul qilishi va kechki va tungi vaqtda navbatchi prokuratura xodimi tomonidan ariza va shikoyatlar qabul qilinishi tashkil etilgan. Prokurorlar bundan tashqari, bevosita korxona, muassasa va tashkilotlarga, fuqarolar yig'inlariga, mehnat jamoalariga, mahallalarga chiqib, ishchi va xizmatchilar bilan, fuqarolar bilan bevosita muloqot o'tkazib, ularning ariza, shikoyat va murojaatlarini qabul qilishlari mumkin. Aynan shunday muloqotlar mobaynida, bazi huquqni muhofaza qiluvchi organlar tomonidan jinoyatlarni yashirish, ularning o'sish dinamikasini sun'iy ravishda o'zgartirish holatlarini aniqlashi va o'ziga berilgan vakolatlar doirasida aybdor shaxslarni tegishli javobgarlikka tortish masalasini hal qiladi. Ariza va shikoyatlarni umumlashtirish va tahlil qilish natijasida prokurorlar o'z vakolati doirasidagi hududda jinoyatchilik va qonuniylikni qay darajada ekanligini, jinoyatchilikni o'sish dinamikasini, prokuratura faoliyatini qay bir yo'nalishini ko'chaytirish lozimligini belgilab oladi. Yillik rejalarini tuzishda ham albatta ushbu natijalarni etiborga olib, ish rejalarini ishlab chiqadi. Huquqni muhofaza qiluvchi organlar faoliyatini muvofiqlashtirishda ham bu ma'lumotlardan, tahlil natijalaridan foydalanadi. Jinoyatlarni oldini olish, bartaraf qilish va kelgusida shu kabi jinoyatlarni kelib chiqmasligi uchun tegishli chora va tadbirlarni belgilab olishda foydalanadi. Fuqarolarning ariza va shikoyatlarini hamda yuridik shaxslarning murojaatlarini ko'rib chiqish qonunning 7 -moddasida belgilangan. Unda qayd etilishicha, «Prokuratura organlari fuqarolarning ariza va shikoyatlarini hamda yuridik shaxslarning murojaatlarini ko'rib chiqadilar, ularning buzilgan huquqlarini tiklash va qonuniy manfaatlarini himoya qilish chora - tadbirlarini ko'radilar. Prokuror fuqarolarni va yuridik shaxslarning vakillarini shaxsan qabul qiladi. Prokuror o'ziga tushgan taklif, ariza va shikoyatlarni tekshirish vazifasini zarur hollarda tegishli davlat boshqaruvchisi, nazorat va tekshirish organlariga, korxona, muassasa va tashkilotlarning mansabdor shaxslariga topshirish hamda ulardan tekshirishga taalluqli barcha materiallar bilan birga tekshirish natijalariga doir yozma axborot berishlarini talab etish huquqiga ega. Fuqarolarning ariza va shikoyatlari hamda yuridik shaxslarning murojaatlarini ...