Shaxs diqqatini boshqarishning psixologik mexanizmlari

Mavzu: Shaxs diqqatini boshqarishning psixologik mexanizmlari KIRISh. 1-BOB. KOLLYeJ O'QUVChILARI DIQQATI XUSUSIYaTLARI. 1.1. Diqqat va uning psixologik tavsifi. 1.2. Diqqat turlari, xususiyatlarining ta'lim faoliyatidagi ahamiyati 1.3. Kasb-hunar kolleji o'quvchilari diqqatining o'ziga xos jihatlari 2-BOB. KOLLYeJ O'QUVChILARI diqqatI DIAGNOSTIKASI. 2.1. Diqqat xususiyatlarini o'rganishning psixologik usullari. 2.2. Kasb-hunar kolleji o'quvchilari diqqati diagnostikasi 3-BOB. O'QUVChILAR diqqatI PSIXOKORRYeKSIYASI. 3.1. O'quvchilar diqqatini korreksiyalash vositalari 3.2. Kollej o'quvchilari diqqati xususiyatlarini shakllantirish treningi. Xulosa va tavsiyalar Foydalanilgan adabiyotlar ro'yxati Ilova KIRISh Mavzuning dolzarbligi. Prezidentimiz I.A.Karimov «Yuksak ma'naviyat - yengilmas kuch» asarida Odobli, bilimdon va aqlli, mehnatsevar, iymon-e'tiqodli farzand nafaqat ota-onaning, balki butun jamiyatning eng katta boyligidir - deb takidlaganlar. Zamonaviy psixologiyada ontogenetik rivojlanishning turli bosqichlarida o'zida jins va yosh xususiyatlarini namoyon etuvchi turli xatti-harakatlar bir qator genetik, ijtimoiy va shaxsiy omillarning o'zaro uyg'unlashuvida ro'y berib, turfa ko'rinishli va katta ta'sir kuchiga egaligi bilan subyektning xulq-atvor mexanizmida o'ziga xos individual-psixologik, individual-dinamik xususiyatlar, uning dunyoqarashi, qadriyatlar tizimi, kauzal, kazusli vaziyatga tushgunga qadar yashagan ijtimoiy-psixologik muhit bilan belgilanib, shaxs rivojlanishi va shakllanishida katta ahamiyatga egaligi takidlanadi. XX asrning so'nggi yillarda o'quvchilarda diqqat yetishmovchiligi sindromi va giperaktivlik hamda uning oqibatida yuzaga keladigan yuqori darajadagi ijtimoiy dezadaptatsiya holatlari yuzasidan ota-onalarning psixolog, psixiatr hamda nevropatologlarga murojaatlari soni tobora ortib borayotganligi haqidagi ma'lumotlar ayrim tadqiqotlarda qayd etilmoqda Psixologiya fanida etirof etilishicha, diqqat - bu psixik faoliyatning biror bir predmet, vaziyat yoki ijtimoiy munosabatga yo'naltirilganligidir. Hech bir psixik jarayonning vujudga kelishi, kechishi, rivojlanishi diqqatning muayyan obyekt yoki subyektda to'planishi (kontsentratsiyasi) barqarorlashuvi sifatlarisiz amalga oshmaydi. ta'lim olishda diqqatning rolini takidlarkan, rus akademigi I.P.Pavlov, «diqqat aynan shunday bir eshikki, tashqi olamdan kishi qalbiga kirib keladigan jamiki narsalarning barchasi shu eshik orqali kiradi», - deb yozgan edi. Demak, diqqat deb, kishi ongning o'rganilayotgan yoki shug'ullanayotgan obyektiga yo'naltirilganligiga aytiladi. Yo'naltirilganlik shaxsning ehtiyojlariga, qiziqishlariga, faoliyat maqsadlariga bog'liq holda namoyon bo'ladi. Respublikamiz mustaqillikka erishgach, yosh avlod ta'lim-tarbiyasiga munosabat tubdan o'zgardi. ta'lim faoliyatiga zamonaviy pedagogik texnologiyalarni joriy etish orqali o'quv faoliyatini boshqarish muammosi har doimgidan ham aktuallashdi. Kasb-hunar kollejlari o'quvchilari diqqatini boshqarishning psixologik mexanizmlarini tadqiq etish orqali o'quvchilarning ta'lim faoliyati samaradorligini yuqori darajaga ko'tarish mumkin. Shu tufayli ushbu muammoni o'rganish ta'lim-tarbiya samaradorligiga alohida ahamiyat qaratilayotgan hozirgi kunda dolzarb hisoblanadi. Bitiruv malakaviy ishning maqsadi - kasb-hunar kollejlari o'quvchilari diqqatini boshqarishning psixologik mexanizmlari hamda ularni diagnostika va korreksiya qilish usullarini tadqiq etishdan iborat. Bitiruv malakaviy ishning predmeti - kasb-hunar kollejlari o'quvchilari diqqatini boshqarishning psixologik mexanizmlari diagnostikasi va korreksiyasi jarayonidir. Bitiruv malakaviy ishning obyekti - kasb-hunar kolleji o'quvchilari. Bitiruv malakaviy ishning farazi: - Kasb-hunar kollejlari ...