Suv huquqining manbalari

Suv huquqining manbalari Reja: 1. Suv huquqining manbalari tushunchasi, xususiyatlari va tizimi 2. Suv huquqining konstitutsiyaviy asoslari 3. O'zbekiston Respublikasi qonunlari suv huquqining maxsus manbasi sifatida 4. Qonun osti me'yoriy hujjatlarida suv huquqiy unosabatlarini tartibga solishda tutgan o'rni Suv resurslarini muhofaza qilish, ulardan oqilona foydalanish bilan bog'lik jarayonlarda paydo bo'ladigan ijtimoiy munosabatlarni tartibga solish suv huquqining mazmun mohiyatini tashkil etadi. Tabiat va jamiyat tizimida paydo bo'ladigan bio-ekologik ijtimoiy-huquqiy jarayonlarda suv huquqining ahamiyati bekiyos bo'lib, irinchidan, tabiatning muhim resursi sifatida, ikkinchidan, jamiyat a'zolarining turli ehtiyojlarini bilan bog'liq ijtimoiy huquqiy munosabatlar obyekti sifatida ishtirok etadi. Suv resurslarini muhofaza qilish va ulardan oqilona foydalanish bilan bog'liq. murkkab jarayonlarda ijtimiy-siyosiy, iqtisodiy-ekologik, tashkiliy-huquqiy ahamiyatdagi turli hujjatlar ishtirok etadi. Shuni alohida takidlash lozimki, har qanday hujjat ijtimoiy munosabatlar tizimida tutgan o'rnidan katiy nazar huquqning shu jumladan, suv huquqining manbasi sifatida etirof etilmaydi. Davlat va huquq nazariyasiga asosan, suv huquqining manbasi sifatida etirof etilayotgan huquqiy hujjat quyidagi asosiy talablarga javob berishi kerak: 1. Vakolatli davlat organi tomonidan kabul qilingan, tasdiklangan, sanksiyalangan bo'lishi. 2. Belgilangan muddat va doirada majburiy ahamiyat kasb etishi. 3. Suvlarni muhofaza qilish va ulardan oqilona foydalanish bilan bog'liq ijtimoiy munosabatlarni tartibga solishga qaratilgan qoida-talablarni belgilashi. 4. Rasmiy shakl, tuzilish, amal qilish muddatlari va boshqa atributlarga ega bo'lishi lozim. Demak, suv huquqining manbalari deganda suvlarni muhofaza qilish va ulardan oqilona foydalanish bilan bog'liq jarayonlarda paydo bo'ladigan ijtimoiy munosabatlarni tartibga solishga qaratilgan qoida-talablardan iborat bo'lgan qonun hujjatlari tizimi tushuniladi. Suvga oid munosabatlarni tartibga soluvchi konstitutsiyaviy qoida-talablar, Uzbekistan Respublikasi qonunlari, Uzbekistan Respublikasi Prezidenti farmonlari hamda Vazirlar Maxkamasi qarorlari, maxsus vakolatli davlat boshqaruv organlari,mahalliy davlat hokimiyati organlari me'yoriy hujjatlari yig'indisi suv qonun hujjatlarini tashkil etib, suv huquqining manbasi bo'lib hisoblanadi. Suv qonunchiligi hujjatlarini ijtimoiy munosabatlarni tartibga solish jarayonida tutgan o'rni, ahamiyati va o'ziga xos xususiyatlariga ko'ra quyidagicha tasniflash mumkin: 1. Yuridik kuchi bo'yicha manbalar qonun va qonun osti me'yoriy hujjatlarga bo'linadi. 2. Suv bilan bog'liq ijtimoiy munosabatlarni tartibga solish yo'nalishlari bo'yicha - suvlarni muhofaza qilish qonun hujjatlari; - suvlardan oqilona foydalanish qonun hujjatlariga bo'linadi. 3. Huquqiy tartibga solish holati bo'yicha moddiy va protsessual ahamiyatdagi qonun hujjatlari. 4. qonun hujjatlarining tizimi bo'yicha oddiy va kodifikatsiyalangan manbalar. 5 qonun hujjatlarining qo'llanilish doirasi bo'yicha.: -hududiy-mintaqaviy; -Respublika miqyosida; -xalqaro miqyosidagi manbalar va xakozo. Suv bilan bog'liq ijtimoiy huquqiy munosabalarni tartibga solishda konstitutsiyaviy qoidalar, qonun, farmon, qaror, nizom kabi me'yoriy hujjatlar qatorida ushbu qonun hujjatlarini qo'llashda yordam beradigan, ularni hayotiyligini ta'minlaydigan me'yoriy-texnik ahamiyatdagi ekologik normativ, standart va yo'riqnomalar ham keng qo'llaniladi. Albatta, suv ...