Xalqaro va ichki davlat huquqi nisbati

xalqaro va ichki davlat huquqi nisbati Reja: 1.xalqaro va ichki davlat huquqining o'zaro ta'sir qilish asoslari. 2. xalqaro va ichki davlat huquqlari munosabatining hozirgi zamon nazariyasi. 3.xalqaro tashkilotlarning qarorlari va davlatlarning ichki huquqi. 1.xalqaro va ichki davlat huquqining o'zaro ta'sir qilish asoslari. Real vokeilikda bir-biriga bog'liq, lekin mustaqil ikki huquqiy tizim mavjud: bir tomondan, ichki davlat huquqi (alohida milliy davlatning huquqiy me'yorlari majmui) va ikkinchi tomondan, huquqiy tartibga solishning o'ziga xos obyekti va subyektiga ega bo'lgan xalqaro huquq. Agar, ichki davlat huquqida huquqiy tartibga solish obyekti bir davlat doirasidagi ijtimoiy munosabatlar obyektiga davlatlar va ularning birlashmalari o'rtasidagi ijtimoiy munosabatlar kiradi. Huquq bir-biriga bog'liq, mustaqil ikki huquqiy tizim (ichki davlat huquqi va xalqaro huquq) tomonidan tashkil kilinadai, deb tushunilishi xalqaro huquq fanidan ham, davlat va huquq nazariyasi fanidan ham tan olingan, e'tirof etilgan, ushbu muammo xususida huququshunoslik fanida turli xil nazariyalar olga surilgan. Ba'zi bir olimlar xalqaro huquqni yagona huquqiy tizim deb hisoblaydilar. Ular davlatlarning ichki munosabatlarni ham xalqaro huquq tartibga soladi, deb ma'lum bir bosqichda davlatlarni ichki huquqiy tartibga solishning rivojlanishini ham inkor kilmaydilar. Lekin kelajakda xalqaro huquqning rivojlanishi bilan yuk bo'lib ketadi, deb hisoblaydilar. boshqa bir mualliflar xalqaro huquq fakat davlatlarning milliy huquqida nazarda tutilgan doiradagina mavjud bo'ladi, ya'ni u muayyan davlatning tashqi huquqi sifatida xizmat qiladi, deb xisolaydilar. 2. xalqaro va ichki davlat huquqlari munosabatining hozirgi zamon nazariyasi. Ichki davlat huquqi va xalqaro huquqning o'zaro aloqadorligi shundaki, xalqaro huquq davlatlarning konstitutsiyaviy tizimi bilan davlatlar va xalqaro munosabatlarning boshqa subyektlari bilan o'zaro munosabatlarda davlat irodasini ifodalashga vakolatli davlat hokimiyati organlari tizimi bilan, shuningdek, xar qanday davlatning ichki ish hisoblanadigan va odatda xalqaro-huquqiy munosabatlarni tartibga solish doirasiga kirmaydigan ishlarning mavjudligi bilan hisoblashiga majburdir. Ichki davlat huquqi davlatning majburiyatlarini mustahkamlovchi, ma'lum xollarda ushbu davlatning milliy huquqida aks ettirilishi lozim bo'lgan xalqaro-huquqiy me'yorlarning mavjudligi bilan hisoblashadi. xalqaro huquq va ichki davlat huquqi bir-biridan alohida mavjud bulmaydi. xalqaro huquq me'yorlarini ishlab chiqishga milliy huquqiy tizimlar ta'sir kursatadi, u davlatning tashqi siyosati va diplomatiyasida o'z ifodasini topadi. xalqaro huquq o'z navbatida milliy qonunchilikning rivojlanishiga katta ta'sir kursatadi. xalqaro huquq me'yorlari o'z subyektlari uchun, ya'ni eng avvalo davlatlar uchun huquq va majburiyatlar tugdiradi. Davlatning rasmiy organlari, uning yuridik va jismoniy shaxslari esa bevosita xalqaro huquq me'yorlariga buysunmaydilar, chunki uning sb'ekti bo'lib hisoblanmaydilar. xalqaro majburiyatlarning ichki davlat huquqi darajasida real amalga oshirilishini ta'minlash uchun xalqaro huquqiy me'yorlarni milliy qonunlarda mustahkamlash, ya'ni transformatsiya qilish choralari kuriladi. Kupgina davlatlarning, shu jumladan, O'zbekiston Respublikasining qonunlarida shunday qoida mustahkamlab qo'yilgan. ...