Xorijiy mamlakatlarda mahalliy boshqaruv va o'zini - o'zi boshqarish

Xorijiy mamlakatlarda mahalliy boshqaruv va o'zini-o'zi boshqarish Reja Xorijiy mamlakatlarda munitsipal organlarining vujudga kelishi va rivojlanishi. Mahalliy boshqaruv. Mahalliy o'zini-o'zi boshqaruv. Joylarda hokimiyat tashkil etilishining ikki tizimi: anglosakson va evropacha. Mahalliy boshqaruv organlarini tashkil etish turlari va usullari. Mahalliy hokimiyat organlarining asosiy faoliyati joylarda davlatning boshqaruv vazifasini amalga oshirishdan iborat. Xorijiy mamlakatlarda mahalliy boshqaruv organlari 2 ko'rinishda bo'ladi: Aholi tomonidan saylanadigan mahalliy o'zini-o'zi boshqarish (kengash, majlis); Tayinlash va saylash yo'li bilan tashkil etiladigan mahalliy idora etish organlari (gubernatorlar, hokimlar, raislar). Bu organlarning tashkil etilishi, ishlash jarayonidagi bir-birlaridan farqlarini ajratib olish zarur. Ayniqsa, federatsiya tuzilishiga ega bo'lgan mamlakatlardagi mahalliy boshqaruv organlarining faoliyatini alohida ko'rsatish talab qilinadi. Hozirgi paytga kelib, xorijiy mamlakatlarda vujudga kelgan regional va jamoa ma'muriy organlari to'g'risida tushuncha berish zarur. Mahalliy boshqaruv organlarining ustidan markaziy hokimiyat tomonidan nazorat turlari haqida tushunchaga ega bo'lib, talabalar mahalliy hokimiyat organlari tomonidan chiqarilgan qarorlarni, byudjet loyihasini, moliyaviy resurslarni tasdiqlash jarayonlarini, xizmat vazifalaridan chetlatish masalalariga ham etibor berishlari lozim. Amerika Qo'shma Shtatlari - federativ Respublika. Amaldagi konstitutsiyasi 1987 yilda qabul qilingan. Davlat va hukumat boshlig'i, Qurolli Kuchlar Bosh qo'mondoni - Prezident hisoblanib, u katta vakolatlarga ega. Vitse-prezident bilan birgalikda bevosita, ikki bosqichli saylov yo'li bilan (saylovchilar hayati orqali) 4 yil muddatga saylanadi. Qonun chiqaruvchi hokimiyatni Senat va vakillik palatasidan iborat ikki palatali Kongress amalga oshiradi. Senatda 100 ta senator bor (ular 6 yil muddatga har shtatdan 2 tadan saylanadi va 13 qismi har ikki yilda yangilab turiladi). Vakillik palatasiga 435 deputat 2 yilga saylanadi. Ijroiya hokimiyat organi - AQSH hukumati prezident tomonidan senatning roziligi bilan tayinlanadi. 13 vazirdan iborat bo'ladi. Hukumat Kongress oldida masul emas. Har bir shtatning o'z konstitutsiyasi bor. Shtatdagi qonun chiqaruvchi hokimiyatni qonun chiqaruvchi majlis, ijroiya hokimiyatini esa gubernator amalga oshiradi. AQSH davlatining konstitutsiyaviy tizimiga 3 siyosiy-huquqiy qoida asos qilib olingan, bu qoidalar: hokimiyatning bo'linishi, federalizm va sudning konstitutsiyaviy nazoratidan iborat. Hokimiyatning bo'linish qoidasi davlat hokimiyatining 3 tarmog'i - qonun chiqaruvchi, ijroiya va sud hokimiyatlarining mustaqilligini va ular o'rtasidagi vazifalarning chegaralab qo'yilishini nazarda tutadi. Federal darajadagi uch tarmoq - Kongress, Prezident va Oliy suddir. Amerika Qo'shma Shtatlari asosan mahalliy o'zini o'zi boshqarish va hududiy bo'linish boshqaruvi asosida boshqariladi. Qo'shma Shtatlarda mahalliy boshqaruv qonunlarini odatda tavsiya (taklif) sxemalari o'z ichiga oladi. Qo'shma Shtatlar o'zini o'zi boshqaruv sistemasi turli xil shtatlarda turlichadir. Ko'pgina shtatlarda grafliklar tashkil etilgan. (Bular O'rta asrlar Angliyasidan meros qolgan, Amerikada ilgari grafliklar mavjud bo'lmagan. Mavjud bo'lgan dvoryanliklar Amerika Qo'shma Shtatlari tashkil topgandan keyin bekor bo'lgan). Amerika Qo'shma Shtatlarida 300 ...