Uy-joy ijarasi shartnomasi. Tekin foydalanish shartnomasi

Uy-joy ijarasi shartnomasi. Tekin foydalanish shartnomasi Reja: Davlat uy-joy siyosatining asosiy vazifalari Uy-joy ijarasi shartnomasining tushunchasi, huquqiy belgilari Uy-joy ijarasi shartnomasida taraflarning huquq va burchlari Davlat uy-joy fondining binolaridagi uy-joyni ijaraga olish shartnomasi va uning muddatlari 1. Davlat uy-joy siyosatining asosiy vazifalari O'zbekiston Respublikasi o'z mustaqilligiga erishgandan keyingi o'tgan yillar davomida ko'p millatli o'zbek xalqining turmush farovonligini yanada yaxshilash borasida amalga oshirilayotgan islohotlar o'z samarasini bera boshlaganligini jamiyatimiz taraqqiyotining barcha jabhalarida kuzatish mumkin. Insonlarning shaxsiy huquq va erkinliklari eng oliy qadriyat sifatida ulug'lanib kelgani bois, mustaqillikning dastlabki yillaridan boshlab mamlakatda qonun ustuvorligini ta'minlash maqsadida juda ko'plab munosabatlarni huquqiy tartibga soluvchi yangi qonunlar qabul qilindi. Mamlakatning bozor munosabatlariga bosqichma-bosqich o'tishi va uni dunyo hamjamiyatiga integratsiyalashuvini yanada jadallashtirish borasida olib borgan siyosatlarining biri davlat uy-joy siyosatidir. Respublikamiz aholisining uy-joyga bo'lgan ehtiyojini to'la qondirish bevosita davlat uy-joy siyosatining asosiy vazifasiga aylandi. Bularning barchasi davlatimizning fuqarolarni shinam turarjoylar bilan ta'minlash haqidagi uzluksiz g'amxo'rligining dalilidir. O'zbekiston Respublikasi Hukumati turarjoy qurilishi masalasidagi vazifalarni amalga oshirish bilan birga, fuqarolarning turarjoyga bo'lgan huquqlarini ham himoya qilib kelmoqda. Keyingi yillarda mamlakatimizda qonunchilikni mustahkamlash, fuqarolarning huquklariga, shu jumladan, ularning uy-joyga bo'lgan huquqlariga qatiy rioya qilinishini ta'minlash maqsadida dastlab, 1998 yil 24 dekabrda O'zbekiston Respublikasining Uy-joy kodeksi 199 yil 15 aprelda Uy-joy mulkdorlarining shirkatlari to'g'risidagi O'zbekiston Respublikasining qonuni qabul qilindi. O'zbekiston Respublikasi o'zining davlat uy-joy siyosatining asosiy vazifalarini quyidagicha belgilab oldi: har bir fuqaro o'z ehtiyojlari va imkoniyatlariga qarab uy-joy qurishi, uni mulk qilib olishi, ijaraga olishi mumkin bo'lgan shart-sharoitlarni yaratish; uy-joy fondini rivojlantirish va asrash; uy-joy sharoitlarini yaxshilashga muhtoj bo'lganlar hisobida turuvchi fuqarolarga davlat munitsipal uy-joy fondidan uy-joy berish; fuqarolarning ijtimoiy jihatdan himoyalanmagan, kam ta'minlangan toifalarini O'zbekiston Respublikasi Vazirlar Mahkamasi tomonidan belgilanadigan ro'yxat bo'yicha davlat aniq maqsadli kommunal uy-joy fondi hisobidan uy-joy bilan ta'minlash, shuningdek, ularga kommunal xizmatlarga haq to'lash va uy-joydan foydalanishda kompensatsiyalar berish; uy-joy sharoitlarini yaxshilashga muhtoj bo'lganlar hisobida turuvchi fuqarolarga uy-joy qurish, uni qayta qurish, ta'mirlash hamda sotib olish uchun kreditlar va ssudalar berish; uy-joy sharoitlarini yaxshilashga muhtoj bo'lgan yosh oilalarga uy-joy qurish yoki uy-joy olishda ko'maklashish; uy-joy qurish, uni qayta qurish va saqlashni davlat tomonidan iqtisodiy va moliyaviy omillar tizimi orqali rag'batlantirish; qulay va shinam uy-joylar, qo'rg'oncha shaklidagi kam qavatli turarjoy binolari barpo etish ko'lamini kengaytirish; aholiga ijtimoiy-maishiy, madaniy va boshqa xizmatlar ko'rsatadigan zarur infrastrukturasi bo'lgan qulay hayotiy muhit yaratish. Hozirda O'zbekiston Respublikasi uy-joy sohasini yanada keng rivojlantirishga bag'ishlangan o'zining uzoq muddatli yaxlit davlat dasturiga ega. Uy-joy fondlari. O'zbekiston Respublikasi Uy-joy kodeksining 8- moddasiga ko'ra uy-joy ...