Majburiyatlarning bajarilishini ta'minlash. Majburiyatlarnt buzganlik uchun javobgarlik va majburiyatning bekor bo'lishi

Majburiyatlarning bajarilishini ta'minlash. Majburiyatlarnt buzganlik uchun javobgarlik. Majburiyatlarning bekor bo'lishi Reja: Majburiyatlarning bajarilishini ta'minlash tushunchasi. Neustoyka - majburiyatlarning bajarilishini ta'minlash usuli sifatida Garov - majburiyatlarning bajarilishini ta'minlash usuli sifatida Qarzdorning mol-mulkini ushlab qolish majburiyatlarning bajarilishini ta'minlash usuli sifatida. Zakalat - majburiyatlarning bajarilishini ta'minlash usuli sifatida. Kafillik - majburiyatlarning bajarilishini ta'minlash usuli sifatida. Kafolat - majburiyatlarning bajarilishini ta'minlash usuli sifatida. Majburiyatlarning buzilishi va buning uchun fuqarolik-huquqiy javobgarlik tushunchasi. Qarzdorning javobgarlikdan ozod qilinishi asoslari Majburiyatlarni bajarilishini ta'minlash tushunchasi, ahamiyati, turlari, jumladan neustoyka, garov, qarzdorning mol-mulkini ushlab qolish, zakalat, kafillik va kafolat majburiyatlarning bajarilishini ta'minlash usuliyu Majburiyatlarning buzilishi va buning uchun fuqarolik-huquqiy javobgarlik tushunchasi, majburiyatlarni buzganlik uchun javobgarlik asoslari, fuqarolik-huquqiy javobgarlikning turlari, qarzdorning zararni to'lash majburiyati, qarzdorning javobgarlikdan ozod qilinishi asoslari, majburiyatning qarzdor va kreditor tomonidan kechiktirilishi oqibatlari bilan bog'liq masalalar. Majburiyatlarning bekor bo'lishi tushunchasi va Majburiyatlar bekor bo'lishining alohida usullari hisoblangan majburiyatlarning bajarilishi bilan, hisobga o'tkazish yo'li bilan, qarzdor bilan kreditor bir shaxs bo'lib qolishi bilan, taraflarning kelishuvi va qarzdorni qarzdan voz kechishi bilan, bajarish mumkin bo'lmaganligi tufayli, davlat organi hujjati asosida, fuqaroning vafot etishi yoki yuridik shaxsning tugatilishi sababli majburiyatning bekor bo'lishi masalalari 1. Majburiyatlarning bajarilishini ta'minlash tushunchasi. Majburiyatning bajarilishini ta'minlash deb qarzdor tomonidan olingan va uning zimmasida bo'lgan vazifani bajarishga majbur qiladigan choralarga aytiladi. Bunday chora qonun yoki shartnomaga binoan asosiy majburiyatga qo'shimcha qilib belgilanadi. Majburiyat bajarilishini ta'minlashning mohiyati shundan iboratki, qarzdor zimmasida bo'lgan majburiyat belgilangan muddatda bajarilmasa yoki boshqacha tarzda buzilsa, kreditorda ziyonlarni undirishga bo'lgan huquqdan tashqari majburiyatning obyektini tashkil etgan harakatni qilishga qarzdorni majbur qiladigan boshqa mulkiy ta'sir choralarini qo'shimcha ravishda tatbiq etilishini talab qilish huquqi paydo bo'ladi. Majburiyatni bajarmagan yoki lozim darajada bajarmagan taraf uchun noqulay oqibatlarning vujudga kelishi mumkinligi shartnomalarni kerakli hajmda bajarishga ularni majbur qiladi, vazifalarini vijdonan bajarishga davat etadi, shuning o'zi bilan davlat va shartnoma intizomining mustahkamlanishi malum darajada ta'minlanadi. Majburiyatlarning bajarilishi har xil usul bilan ta'minlanadi. Mazkur usullar yo qonun bilan belgilanishi yoki shartnomaga asoslangan bo'lishi mumkin. Fuqarolik qonunchiligida majburiyatning bajarilishini ta'minlash neustoyka, garov, qarzdorning mol-mulkini ushlab qolish, kafillik, kafolat, zakalat hamda qonun hujjatlari yoki shartnomada nazarda tutilgan boshqa usullar bilan ta'minlanishi mumkin (FK, 259-modda). Ushbu usullardan hech qaysisi o'zicha mustaqil ravishda qo'llanilmaydi. Bularning hammasi biror-bir majburiyatning mavjud bo'lishini ko'rsatib, mazkur majburiyatning bajarish maqsadlarini ko'zlab belgilanadi. Bunda shartnoma bo'yicha belgilangan majburiyat - asosiy majburiyat bo'lib, uning bajarilishini ta'minlash usuli esa qo'shimcha majburiyat hisoblanadi. Chunonchi, mahsulot yetkazib berish yoki pudrat shartnomasidan kelib chiqadigan asosiy majburiyatning amalga oshirilishini ta'minlaydigan qo'shimcha majburiyat hisoblanadi. Bazi majburiyatlarning bajarilishini ...