Bitimlar. Vakillik va ishonchnoma. Muddatlar. Da'vo muddati

Bitimlar. Vakillik va ishonchnoma. Muddatlar. Davo muddati Reja: Bitimlar tushunchasi va turlari Bitimlarning muddatlari va shartli bitimlar Bitimning haqiqiy sanalish shartlari. O'z-o'zidan haqiqiy sanalmaydigan bitim turlari va ularning huquqiy oqibatlari Nizoli bitimlarning turlari va ularning haqiqiy sanalmasligi oqibatlari. Fuqarolik huquqlarini amalda bo'lish vaqtini belgilaydigan muddatlar Davo muddatining turlari Davo muddati o'tishining uzilishi Davo muddatining tiklanishi Bitimlar tushunchasi va turlari, ularning muddatlari va shartli bitimlar, bitim shakllari, birja bitimlari, bitimning haqiqiy sanalish shartlari, o'z-o'zidan haqiqiy sanalmaydigan hamda nizoli bitimlar, turlari, ularning haqiqiy sanalmasligining huquqiy oqibatlari haqida bilim va ko'nikmalar. Vakillik, uning turlari, ishonchnoma, uni tuzish va rasmiylashtirish, ishonchnomaning amal qilish muddatlari haqidagi bilimlar. Muddat tushunchasi, turlari hamda muddatlar o'tishining boshlanishi va tamom bo'lishi bilan bog'liq masalalar. Davo muddati tushunchasi, xususiyatlari va turlari, uning o'ta boshlashi, davo muddati o'tishining to'xtatilishi, uzilishi va davo muddatining tiklanishi, davo muddati o'tishining oqibatlari, davo muddati joriy qilinmaydigan talablar haqida bilim va ko'nikmalar. Bitimlar tushunchasi va turlari. Bitimlar deb, fuqarolar va yuridik shaxslarning fuqarolik huquq va burchlarini belgilash, o'zgartirish va bekor qilishga qaratilgan harakatlarga aytiladi (FK, 101-modda). Har qanday bitim shaxslarning erki-irodasi bilan bog'liq bo'lib, muayyan huquqiy oqibat tug'dirishga qaratiladi. Bitimda fuqaro va tashkilotlarning malum moddiy hamda madaniy ehtiyojlarini qondirishga qaratilgan erklari ifodalanadi. Bitim shaxslarning erki bilan bog'liq bo'lgan, ularning irodasidan kelib chiqadigan harakat bo'lganligi tufayli, bitimda ifodalangan erk izhor qilinishi, yani boshqa shaxslarga bildirilishi lozim. Ayrim mualliflarning fikricha, bitimning mazmunini quyidagi belgilar tashkil etadi: bitim - erk-irodani ifodalovchi hujjat; haqiqiy harakat natijasida yuzaga keladi; bitim fuqarolik-huquqiy munosabatni vujudga keltirish, o'zgartirish va bekor qilishga maxsus yo'naltirilgan bo'ladi; bitim fuqarolik qonunchiligi bilan tartibga solinuvchi huquqiy munosabatni yuzaga keltiradi. Bitim tuzish natijasida muayyan huquqiy oqibat tug'dirish uchun bitim tuzuvchi shaxslar bitimda o'z erklarini ifodalashdan tashqari muayyan harakatni qilishlari lozim bo'ladi. Bu harakat shart qilingan ishni bajarishga, xizmat ko'rsatishga, malum mulkni topshirishga yoki malum pulni to'lashga qaratilgan bo'lishi mumkin. Fuqarolik huquqlari va majburiyatlarini vujudga keltirish, o'zgartirish yoki bekor qilishga qaratilgan holatlar sifatida yuridik fakt tarkibiga kiradigan bitimlar boshqa yuridik faktlardan farq qiladi. Masalan, yuridik fakt hisoblangan hodisa shaxslarning erkidan tashqari vujudga kelsa, bitimlar faqat shaxslarning erki bilangina tuziladi. Demak, bitim o'zining muayyan bir huquqiy oqibat tug'dirishi, malum bir huquqiy natijaga erishishi bilan boshqa yuridik faktlardan farqlanadi va shu sabab bitimni erk bayonnomasi deb ham atash mumkin. To'g'ri, davlat organlari va fuqarolarning o'zini o'zi boshqarish organlari ham muayyan huquqiy oqibat, natija keltiruvchi hujjatlar qabul qiladi, lekin ularda aynan erk muhtoriyati - ishtirok etuvchilarning umumiy xoxish irodasining mavjud emasligi bitimlardan ajralib turishiga ...