Konstitutsiya tushunchasi

Konstitutsiya tushunchasi. Hozirgi zamon manosida Konstitutsiya tushunchasi XVII asr oxirida paydo bo'lgan. Konstitutsiyaga juda ko'p ta'riflar berilgan. Konstitutsiyaga berilgan ta'riflardan bir necha misollar keltiramiz. Birinchi misol: fransuz davlatshunos olim J.Byurdoning Konstitutsiyaga bergan ta'rifi: Konstitutsiya-siyosiy hokimiyatlarni tayinlash, tashkil etish va faoliyat ko'rsatishga oid qoidalar yig'indisidir. Ikkinchi misolda esa ushbu (yuqoridagi) ta'rifga amerkalik olim K.Berd Fuqarolar erkinliklari tushunchasini qo'shadi. Uchinchi misol sifatida Nigeriyalik konstitutsiyashunos B.Nvabuezening ta'rifini beramiz: Konstitutsiya-bu qonun kuchiga .ega bo'lgan formal hujjat bo'lib, uning yordamida jamiyat o'z-o'zini boshqaradi hamda o'zining turli idoralari bilan,, shuningdek, bu idoralarning fuqarolar bilan munosabatlarini o'rnatadi. Ko'pchilik hollarda konstitutsiyaga u tartibga soladigan ijtimoiy munosabatlar predmetiga qarab tushuncha beriladi. Shu manoda: Konstitutsiya- davlatning Asosiy Qonuni bo'lib, davlat hokimiyatini tashkil etishni va hokimiyat, jamiyat va shaxsning o'zaro munobsatlarini tartibga soladi. ...