Hayotga qarshi jinoyatlar, qasddan odam o'ldirish

Hayotga qarshi jinoyatlar Reja: hayotga qarshi jinoyatlar tushunchasi, turlari, jinoyat tarkibining umumiy tahlili Qasddan odam o'ldirish uchun javobgarlik belgilari va tushunchasi Javobgarlikni og'irlashtiradigan holatlarda qasddan odam o'ldirish jinoyatlari tushunchasi va turlari Jinoyatning obyektiga nisbatan og'irlashtiruvchi holatlarda qasddan odam o'ldirish Jinoyatning obyektiv tomoniga nisbatan og'irlashtiruvchi holatlarda qasddan odam o'ldirish subyektga nisbatan og'irlashtiruvchi holatlarda qasddan odam o'ldirish subyektiv tomonga nisbatan og'irlashtiruvchi holatlarda qasddan odam o'ldirish Javobgarlikni engillashtiradigan holatlarda qasddan odam o'ldirish Kuchli ruhiy hayojonlanish holatida qasddan odam o'ldirish Onaning o'z chaqalog'ini o'ldirganligi uchun javobgarlik Zaruriy mudofaa chegarasidan chetga chiqib odam o'ldirish uchun javobgarlik Jinoyat kodeksining «Shaxsga qarshi jinoyatlar» bo'limida hayotga, sog'liqqa qarshi, hayot yoki sog'liq uchun xavfli, jinsiy erkinlikka, oilaga, yoshlarga va axloqqa, shaxsning ozodligi, shani, qadr-qimmatiga, fuqarolarning konstitutsiyaviy huquq va erkinliklariga qarshi qaratilgan jinoyatlar jamiyat uchun jiddiy xavf tug'diradi. Jinoyatchi tomonidan insonning boshqa huquq va erkinliklariga tajovuzlar shaxs uchun ijtimoiy xavfi hayotdan mahrum etishdan kam bo'lmagan xavfni vujudga keltiradi. Shaxsga qarshi jinoyatlarning ijtimoiy xavflilik darajasi yuqori ekanligi sababli, Jinoyat kodeksining Maxsus qismi birinchi bo'limi «Shaxsga qarshi jinoyatlar» deb nomlanadi. Hayotga qarshi jinoyatlarni shartli ravishda 2 turkumga bo'lish mumkin: 1) odam o'ldirish; 2) o'zini o'zi o'ldirish darajasiga yetkazish. Odam o'ldirish - qasddan, huquqqa xilof ravishda yoki ehtiyotsizlik orqasida boshqa kishini hayotdan mahrum qilishdir. Odam o'ldirishning obyekti boshqa kishining hayoti hisoblanadi. Odam o'ldirish qasddan, huquqqa xilof ravishda yoki ehtiyotsizdan boshqa kishini hayotdan mahrum qilishdir. Odam o'ldirishning obyekti boshqa kishining hayoti hisoblanadi. obyektiv tomondan odam o'ldirish qonunga xilof ravishda boshqa shaxsni hayotidan mahrum qilishda ifodalanadi. O'ldirish faol harakatlar bilan, shuningdek, harakatsizlik tufayli ham sodir etilishi mumkin. Ko'pincha odam o'ldirish faol harakatlar orqali sodir etiladi, yani bunda aybdor jabrlanuvchiga o'z xususiyatiga ko'ra shaxsni o'ldirishi mumkin bo'lgan muayyan tan jarohatlarini etkazishdek (har qanday qurol-ashyodan foydalanish, bo'g'ish, kuydirish, zaharlash, elektr toki bilan ta'sir ko'rsatish, o'ta issiq yoki o'ta sovuq havoda ochiq yerda qoldirish) jismoniy ta'sir ko'rsatadi. Bu jinoyat ayrim hollarda jabrlanuvchiga ruhiy ta'sir qilish (sud-tergov amaliyotida o'limning qo'rquvdan, qo'rqitish tufayli ro'y berganlik holatlari ham malum) yo'li bilan ham sodir qilinishi mumkin. Odam o'ldirish harakatsizlik natijasida ham sodir etilishi mumkin. Bunday holatda shaxs o'z vazifasini yoki bajarish imkoni bo'lgan harakatlarni amalga oshirmaydi. subyektiv tomondan odam o'ldirish qasddan yoki ehtiyotsizlik bilan sodir etilishi, aybning shakllari turlicha bo'lishi mumkin, ammo ayb mavjud bo'lishi lozim. Ushbu qilmish egri qasd bilan ham sodir etilishi mumkin. Bu haqda O'zbekiston Respublikasi Oliy Sudi Plenumining «Qasddan odam o'ldirishga oid ishlar bo'yicha sud amaliyoti to'g'risida»gi qarorining 5-bandida: «Aybdorning qasdi to'g'risidagi masalani hal qilishda sudlar sodir etilgan ...