Huquq ijodkorligi tushunchasi, turlari va funksiyalari

Huquq ijodkorligi Reja Huquq ijodkorligi tushunchasi, turlari va funksiyalari Huquq ijodkorligi prinsiplari Normativ-huquqiy aktlar -huquq ijodkorligi mahsuli Qonun ijodkorligi jarayoni va bosqichlari Huquq ijodkorligida yuridik texnika masalalari 1. Huquq ijodkorligi tushunchasi, turlari va funksiyalari Huquq davlat bilan jamiyat o'rtasidagi bog'lovchi vositadir. Huquq davlat siyosatini, maqsadi va intilishlarini jamiyat ijtimoiy ongiga etkazadi. O'z navbatida, jamiyat huquqda o'z irodasi hamda manfaatlarining mujassam ifodasini, adolat mezonini ko'radi. Davlat hokimiyati huquq yordamida jamiyatni boshqaradi, unga siyosiy rahbarlikni amalga oshiradi, ijtimoiy munosabatlarni tartib-ga soladi, o'z amri-irodasini ro'yobga chiqaradi. Aynan shu maqsadda huquq yaratishga ijtimoiy zaruriy ehtiyoj kelib chiqadi. Huquq ijod etish davlatning yuridik normalar yaratishga qaratilgan maxsus faoliyatidir. Davlat mazkur faoliyat orqali xalqning mushtarak irodasini qonun darajasida ifoda etadi, ijtimoiy boshqaruv va siyosiy rahbarlikni amalga oshiradi. Bu faoliyat natijasida jamiyatda harakatlanuvchi bir butun va ichki mutanosiblikka ega bo'lgan, ijtimoiy munosabatlarni tartibga solishga qaratilgan umummajburiy huquqiy normalar tizimi vujudga keltiriladi. Huquq normalarining yaratilishi, yuridik kuchi, shakli, quyidan yuqoriga bo'ysunish munosabatlari davlatning huquq ijodkorlik funksiyasi bilan bevosita bog'liqdir. Huquq ijodkorligi nisbatan kengroq jarayon bo'lmish huquq yaratishning tarkibiy qismi hisoblanadi. Huquq yaratish - yuridik normani shakllantirish va rasmiylashtirishga qaratilgan jarayon bo'lib, u ancha uzoq vaqt davom etadi. Ushbu jarayon: ijtimoiy vaziyatni tahlil etish, uni huquqiy tartibga solish zaruriyatini anglab etish; bo'lajak yuridik qoida haqida umumiy tasavvur hosil qilish; yuridik normani ishlab chiqish va qabul qilish kabi harakatlarni qamrab oladi. Huquq yaratishning so'nggi bosqichi huquq ijodkorligini tashkil etadi. Huquq ijodkorligi - vakolatli davlat idoralari va mansabdor shaxslarning (referendum chog'ida - butun xalqning) huquq normalarini o'rnatish, o'zgartirish, takomillashtirish va bekor qilishga yo'naltirilgan maxsus faoliyatidir. Huquq ijodkorligi faoliyatiga nafaqat yangi huquqiy normalar o'rnatish, balki ilgari chiqarilgan normativ huquqiy qoidalarni o'zgartirish va bekor qilish ham kiradi. Huquq ijod etishning ijtimoiy qadr-qimmati, roli shundaki, u ijtimoiy munosabatlarni tartibga solish mexanizmining boshlang'ich bo'g'inidir. Zero, davlat huquqiy normani o'rnatish yoki sanksiyalash (maqullash) orqali huquqni qo'llash va huquqni qo'riqlashdek serqirra, murakkab jarayonga turtki beradi. Huquq ijodkorligi tufayli vujudga keltiriladigan huquq normalari davlat idoralarining turli xil rasmiy hujjatlarida aks etti riladi. Bunday rasmiy hujjatlar normativ - huquqiy aktlar deb ataladi. Huquq ijodkorligi davlat xarakteriga ega bo'lgan aktiv faoliyatdir. Davlat idoralari jamiyat taraqqiyoti ehtiyojlaridan kelib chiqqan holda ijtimoiy munosabatlarni huquqiy tartibga solish funksiyasini muntazam ravishda amalga oshirib boradilar. Bu esa huquq ijodkorlik jarayoni beto'xtov davom etib turishini taqozo qiladi. Huquq ijodkorlik faoliyati o'z mohiyatiga ko'ra davlat irodasini ifodalash bilan bog'liq. Dunyo tarixida bu qoida ko'plab marotaba o'z isbotini topgan. Muayyan sharoitda hukmronlik qiluvchi individlar o'z kuchini davlat tarzida ...