Jinoyat huquqi asoslari tushunchasi, vazifasi, tamoyillari

Jinoyat huquqi asoslari Reja Jinoyat huquqi tushunchasi, vazifasi va tamoyillari. Jinoyatning tarkibiy elementlari. Jinoyatni tasniflash. Jinoiy huquqbuzarlik va jinoiy jazo. Jinoyatda ishtirokchilik tushunchasi, uning turlari. Qilmishning jinoiyligini istisno qiladigan holatlar. Adabiyot 1. E.Hayitboev, J.Yoqubov Huquqshunoslik (darslik) T. Yangi asr avlodi 2006 y 2. I.A.Karimov. Yuksak ma'naviyat yengilmas kuch T. ma'naviyat 2008 y. 3. O'zR Konstitutsiyasi. T.O'zbekiston 2009 y. 4. O'zR Jinoyat kodeksi. T. Adolat 2008 y. Jinoyat huquqi . (darslik) . T. Adolat 2008 y Jinoyat -sodir etilishi jinoyat kodeksida jazo qo'llash tahdidi bilan taqiqlangan aybli ijtimoiy xavfli qilmish (harakat yoki harakatsizlik). Jinoyat tushunchasini aniqlash uchun ijtimoiy xavfli qilmish tushunchasini aniqlab olish zarur. Ijtimoiy xavfli qilmish deganda, Jinoyat kodeksi bilan qo'riqlanadigan obyektlarga zarar keltiradigan yoki shunday zarar keltirish real xavfini keltirib chiqaradigan qilmish tushuniladi. Jinoyat kodeksi bilan qo'riqlanadigan obyektlar deganda, shaxs, uning huquqlari, jamiyat va davlat manfaatlari, mulk, tabiiy muhit, tinchlik, insoniyat xavfsizligi tushuniladi. O'z navbatida ijtimoiy xavfli qilmishlar harakat yoki harakatsizlik bilan sodir etiladi. Harakat deganda shaxsning jinoiy niyatga erishishi uchun qiladigan harakatlari tushuniladi. harakatsizlik deganda esa, shaxs bajarishi zarur va shart bo'lgan vazifalarni bajarmasligi tushuniladi. Jinoyat qonunida jinoyatning to'rtta belgisi ajratilgan: ijtimoiy xavflilik; g'ayriqonuniylik; ayblilik; jazoga loyiqlilik. Jinoyat qonuni. Jinoyat huquqining yagona manbai O'zbekiston Respublikasining 1994 yil 22 sentyabrda qabul qilingan va 1995 yil 1 aprelda amalga kiritilgan Jinoyat kodeksi hisoblanadi. Jinoyat kodeksi O'zbekiston Respublikasining barcha jinoyat qonunlari majmuidan iborat bo'lib, unda ichki umumiyligi va o'zaro aloqadorligi bilan ajralib turadigan, jinoyat huquqining prinsiplari va umumiy qoidalarini belgilab beradigan hamda qaysi ijtimoiy xavfli qilmish jinoyat deb hisoblanishi, ushbu jinoyatlarni sodir etishda aybdor bo'lgan shaxslarga qaysi jazo turi va boshqa jinoiy -huquqiy ta'sir chorasi qo'llanilishi mumkinligi belgilab qo'yilgan. Jinoyatda ishtirokchilik. Jinoyat qonunchiligining asosiy vazifasi insonni, uning huquq va erkinliklarini, jamiyat va davlatning huquqlari va qonuniy manfaatlarini jinoiy tajovuzlardan himoya qilish, jinoyatlarning oldini olishdir. Ushbu vazifaga erishish yo'llaridan biri jinoyatlar uchun jazoning muqararligini ta'minlash orqali sodir qilingan jinoiy qilmishlarni huquqiy baholash va odilona jazo tayinlashdir. Jinoyatlar bir kishi tomonidan sodir qilinganida uning javobgarligini aniqlash nisbatan unchalik qiyinchilik tug'dirmaydi, shuningdek yakka shaxs tomonidan sodir qilingan jinoyatlarning ijtimoiy xavfliligi ham kamroq bo'ladi. Lekin, jinoyatlar bir necha shaxslar tomonidan oldindan kelishgan holda sodir etilsa, uning ijtimoiy xavfliligi ham, jinoyatni sodir etish ko'lami ham, kelib chiqadigan oqibatlarning darajasi ham yuqori bo'ladi. qilmishning jinoiyligini istisno etadigan holatlar. Jinoyat qonunida tashqaridan qaraganda jinoyatga o'xshash, ammo sodir etilganligi uchun javobgarlikka tortish mumkin bo'lmagan qilmishlar ham belgilangan. Ular qilmishning jinoiyligini istisno qiladigan holatlar deb ataladi: kam ahamiyatli qilmishlar; ...