Sud va huquqni muhofaza qilish organlari faoliyati, belgilari, maqsad vazifalari

Sud va huquqni muhofaza qilish organlari faoliyati, uning belgilari va tushunchasi, maqsad hamda vazifalari Epigraf: Bugun inson huquqlari va erkinliklari, ularni har tomonlama himoyalash va ta'minlash, jamiyatni demokratlashtirish va erkinlashtirish yo'llari haqida gapirar ekanmiz, bu mavzu dunyoda har doim ayniqsa, so'nggi paytlarda eng o'tkir va dolzarb masalaga aylanib borayotganini yaqqol kuzatish mumkin. Karimov.I.A. O'zbekiston Respublikasining sud va huquqni muhofaza qilish organlari fanining predmeti va uning yo'nalishlari. Sud va huquqni muhofaza qilish organlarining O'zbekiston Respublikasi davlat organlari tizimidagi o'rni va roli. Huquqiy davlat nazariyasi o'rganilayotgan fanning uslubiy asosi va boshqa huquqiy fanlar bilan o'zaro munosabati. 1. O'zbekiston Respublikasining sud va huquqni muhofaza qilish organlari fanining predmeti va uning yo'nalishlari O'zbekiston Respublikasi Prezidenti I.A.Karimovning O'zbekistonning siyosiy-ijtimoiy va iqtisodiy istiqbolining asosiy tamoyillari asarida: Bugun biz qanday davlat qurayapmiz? Uning siyosiy va ijtimoiy negizi, uning qiyofasi qanday bo'lishi kerak?1 degan masala ko'ndalang qo'yildi Bu tabiiydir. Chunki O'zbekiston yangicha taraqqiyot yo'liga kirgan ekan, jamiyatda muhim rol o'ynovchi davlat va u bilan bog'liq masalalar hammani qiziqtiradi. Davlatning faoliyat ko'rsatishida, o'z funksiyalarini to'la bajara olishda hal qiluvchi rolni davlat organlari egallaydi. O'zbekiston Respublikasi davlat organlarini qayta tashkil qilar ekan, davlatchilik va davlat organlarini tashkil qilish hamda faoliyatini belgilashda dunyodagi ilg'or demokratik mamlakatlarning tajribasi chuqur o'rganilib, ulardagi ijobiy jihatlardan va o'zbek milliy davlatchiligi tarixi an'analaridan foydalanishga harakat qilindi. Hokim lavozimining joriy etilishi fikrimizning dalilidir. Davlat organlari faoliyatini tashkil qilishda, davlat organlari va mansabdor shaxslar jamiyat va fuqarolar oldida mas'uldirlar degan konstitutsiyaviy qoida asosiy qo'llanma bo'ldi. O'zbekiston Respublikasining asosiy maqsadi, bozor iqtisodiyotiga asoslangan huquqiy demokratik davlat va fuqarolik jamiyati qurish ekan, bu murakkab ishda davlat juda katta mas'uliyatni o'z zimmasiga oladi. Davlatning bu mas'uliyatli vazifani yuqori darajada bajarishi esa ko'p jihatdan davlat organlari, ular faoliyatini to'g'ri tashkil qilinishiga bog'liq. Shuning uchun O'zbekiston Respublikasi o'z davlat organlarini tuzishda jahon davlatchiligi rivojlanishida qo'llanib kelinayotgan asosiy tamoyillarining amaliyotda o'z o'rnini topishi uchun barcha choralarni ko'rdi. Konstitutsiya muqaddimasida Respublikamizda demokratik huquqiy davlat qurish masalasi asosiy maqsad qilib qo'yildi. E'tirof etilgan huquqiy davlatning muhim shartlaridan biri, hokimiyatning taqsimlanish prinsipiga qat'iy amal qilinishidir. Davlat hokimiyatining tashkil etilishi va faoliyat tartibi, vakolatlarning taqsimlanish prinsipi asosida amalga oshiriladi. Natijada Respublikada mustaqil, bir-biriga bo'ysunmaydigan, qonunchilik hokimiyati, ijro hokimiyati organlari vujudga keladi. Qonunchilik hokimiyatini amalga oshiruvchi yagona davlat organi sifatida Oliy Majlisning belgilanishi, qonunchilik hokimiyati organining obro'sini oshirgan bo'lsa, ijro hokimiyati boshlig'i Prezidentning bir vaqtning o'zida davlat boshlig'i ham ekanligini hisobga olib, ijro hokimiyatini yanada mustahkamlaydi: Sud hokimiyatining hokimiyat tarmoqlaridan mustaqil bo'lishi, konstitutsiyaviy sudning tashkil qilinishi, huquqiy davlat sari ...