Word matn muharriri va uning imkoniyatlari

O'zbekiston RespublikaSI XALQ TA'LIM VAZIRLIGI SAMARQAND SHAHAR 51-IQTISOSLASHGAN DAVLAT UMUMTA'LIM MAKTABI M.Avazbekova «WORD MATN muharrirI VA UNING IMKONIYATLARI» USLUBIY QO'LLANMA Samarqand -2022 M.Avazbekova «Word matn muharriri va uning imkoniyatlari» bo'yicha uslubiy qo'llanma. -Samarqand: 2022. 34-bet Ushbu uslubiy qo'llanma «Informatika va axborot texnologiyalari» fanidan amaliy mashg'ulotlarni bajarish uchun tayyorlangan. Uslubiy qo'llanma Informatika va axborot texnologiyalari fani bo'yicha, maktab o'quvchilari uchun mo'ljallangan bo'lib, o'quvchilarni o'z bilimlarini oshirishda foydalanishlari mumkin. Uslubiy qo'llanma Samarqand shahar 51-IDUM pedagogik kengashning 2022-yil, kungi -sonli yig'ilishi qaroriga maktab miqiyosida ommalashtirishga tavsiya qilindi KIRISH Zamonaviy komputerlarda amaliy mashg'ulotlarini bajarish, o'quvchilarning ta'limda axborot texnologiyalar fanida Word matn muharririni mukammal o'rganishlarida muhim rol o'ynaydi. Ikkinchi tomondan, ularning kompyuter bilan ishlash bilim va ko'nikmalarini shakllantirishda amaliy ahamiyatga ega. Uslubiy ko'rsatmada amaliy mashg'ulotlarini bajarish bo'yicha nazariy ma'lumotlar, topshiriqni bajarish namunasi, topshiriqni bajarish bo'yicha uslubiy ko'rsatmalar, o'quvchilarning mustaqil bajarishlari uchun variantlardan iborat topshiriqlar va foydalanish uchun adabiyotlar ro'yxati berilgan. Mustaqil ish variantlari o'quvchilarning har biri uchun alohida topshiriq sifatida taqsimlab beriladi, ya'ni o'quvchilar guruh jurnallaridagi tartib raqamlariga mos variantlarni bajaradilar. Offis dasturlar tizimi bilan tanishish, o'quvchilarda Ms word muhitida fayllar bilan ishlashning barcha amallarini mustaqil ravishda erkin bajarish ko'nikmalarini hosil qilish va word matn muharirida hujjatlar yaratish, saqlash tahrirlash usullarini o'rganish. Amaliy mashg'ulot quyidagi bosqichlar orqali amalga oshiriladi: Mashg'ulotning mavzusi. Mavzu bo'yicha nazariy ma'lumotlar. Topshiriqning mazmuni. Topshiriqni bajarish algoritmi. Amaliy topshiriqlar variantlari . 1-§. Microsoft word 2013 dasturi afzalliklari va imkoniyatlari. Menyu bo'limlari Microsoft Office dasturlari bugungi kunda eng keng tarqalgan matn dasturlardan hisoblanib, keng ko'lamdagi ofis ishlarini bajarishga mo'ljallangan. Bugungi kungacha Microsoft Office dasturlarning bir qancha versiyalari yaratildi. Eng oxirgi versiyalari bular: Office XP, Office 2007 va Office 2013. Avvalo matn nimalardan tashkil topadi, uning elementlari qaysilar kabi savollarga javob berib utamiz. Matn - simvol, so'z, qator, parcha, abzats (xat boshi), sahifa kabilardan tashkil topgan. Simvol (belgi) - bu matnning eng kichik elementidir. U o'lchov, yozilish usuli (oddiy, qalin, yozma, chiziqli), rang, shrift, pozitsiya (yozilish o'rni) kabi xususiyatlarga ega. Simvollar ketma-ketligi quyidagi obyektlardan tashkil topadi: so'z, parcha, abzats, matn sahifasi. So'z - bu ikki tomondan ajratuvchi simvollar (bo'sh simvol, nuqta, vergul va h.k.) bilan chegaralangan simvollar ketma-ketligidir. Keltirilgan xususiyatlarga qo'shimcha: birinchi (oxirgi) simvol mavjudligi hamda simvollar soni cheklanganligi (so'z uzunligi). Qator - shu nomli kod bilan tugagan simvollar ketma-ketligi. Qo'shimcha xususiyatlar: qator boshi va oxiri, matnda qator tartib raqami, qator uzunligi, qatorning chap va o'ng chegarasi mavjudligi. Parcha - matnning belgilab olingan qismi. Abzats - abzats belgisi bilan ajratilgan simvollar ketma-ketligi. ...